Pajenn:Bocher - Bleuniou Yaouankiz.djvu/174

Eus Wikimammenn
Adlennet eo bet ar bajenn-mañ


Me a zo Breizad !


D’am c’henvreur L. Nicolaz, « Penn-Breton ».


Nag eo dous d’an den pa ’z eo divroet,
Sonjal er vroïg elec’h m’eo ganet
Hag er maeziou an eus bet ken karet !

Rak evit karout eur Vam-vro da vad
Ez eo red tec’hel outi eur pennad,
Bezan elec’h all vel eun divroad…

Neuze e teuer d’he c’harout ouspenn
Ha d’en em dâna prim diwar he fenn
Vel da gavout kaz ouz neb he dispenn !

Vad e ra d’an den anzav e Vam-vro,
Pa ve pell outi morse n’he nac’ho ;
En eneb, dalc’hmad d’an holl he meulo !