Pajenn:Berthou - Dre an delen hag ar c horn-boud.djvu/48

Eus Wikimammenn
Kadarnaet eo bet ar bajenn-mañ
— 44 —



Oh ! mar befe c’hoaz evidoun
Eur c’hornik douar ankoueet,
Eun enezen, ’n kreiz ar mor doun,
’Vit astenn ma c’horf distrounket !

Eur c’horn, eun enezen heb tud,
Mentet deus ma hed ha ma led,
Lec’h n’arrufe biken ar vrud
Deus pez a dremen war ar bed !

Mez, siouaz ! en Amzer Nevez,
Evidoun na zo ken distro :
War ribl ar mor, er c’hoajou gouez,
Dre-holl an den fall en c’havo.

War betore hent mond brema,
Pa welan arru ar gozni,
Pa n’ am euz breur ’vit ma skoazia
Na bugel ’vit ma frealzi.

Gwasa, gwasa tristidigez !
Ma fenn a gouez war va barlen…
Trec’het ec’h oun gand an enkrez…
Troc’het ’m euz kerden ma zelen…


————