Re bell an Ermeziad ’n euz c’hoariet gantan.
En-kreiz e nerz, prestik al leon a zavo.
Trubarded digalon, zouden ’ c’halfet krenan ;
— Arzur, Roue kadarn, nan eo ket c’hoaz maro.
Eur vro evel homan, mervel biken na c’hall !
Tud evel ar re-ma ’eil-c’han ’n o bugale !
Meur ’wech hon eus skuilhet hor gwad evit Bro-C’hall,
Gouzomp ta hen skuilha evit hor Bro ive.
Hor zent hon difenno pa ’c’h omp dimeus o gwad,
Ken pell ma vo lagad Doue war hon farko.
Er Bed, evel en Nenv, Breiz-Izel a dle pad :
— Arzur, Roue kadarn, te n’out ket c’hoaz maro.
