Adlennet eo bet ar bajenn-mañ
22
Ar C’hornandoned.
maze.
Allaz !
gwillou.
Allaz !
maze.
Sorset omp bet, paotr keaz, pa lavaran d’it !
gwillou.
Me gred ivez a-walc’h. Evet am eus diou skudellad chistr gant intanv Stank al Lann. Eul louzou-sko bennak en deus taolet em evaj.
maze.
Eun diaoul a zen !
gwillou.
D’ar galeou e tlefed kas tud ker fall-ze… d’ar galeou !
maze.
Pe d’an ifern gant an diaoulou.
gwillou.
Ma vezint rostet ha losket en tan bev.
maze.
Evit ma krevint gant ar zec’hed.
gwillou.
E keit-ze ne gavimp hend ebet, ’meus aoun, da vont d’ar gear.