Krénein e hres ?
Pas sur.
Nen domb ket hoah ér pen.
Digoéhet omb neoah én tachad e glasken.
En ur sellet en dro dehon.
Er meinhir, er fetan, a bep tu un derùen.
Bezou amen, Kristol, un trezol bras kuhet
Un dén, chetu kent pèl tri hant vlé treménet,
« En des doaret amen, kent merùel, é zañné.
Guel vehé bet dehon er goarn d’é vugalé.
Chetu petra em es lénet ér livreu kouh.
Malinbrek, nen des chet un dén abil èloh
Er bed abéh, er mestr.
Mer hred eué, Kristol.
Ahiloh eit er Pab !
Ia, hemb bout bet ér skol.
Chetu perak pen dé ken abil-sé un dén,
Pe hel gouiet, hemb bout bet skoleit, skriù ha lén,
Skriù latin ha gallek, lén a drez hag a hed.
Gouiet er peh e lar, en ou han, en eined,
Gobér droug, hemb truhé, ha lakat, hemb glahar,
Er hlinùédeu de goéh ar en hani e gar ;
Pe hel guellat eué en dud hag er loñned
Get er lezeu e cher doh sklerdér en stired ;
Pe hel un dén gouiet ha gobér kement-sé,
Ne gredes chet, Kristol, penaus, é guirioné,
En dén-sé nen des chel adrest dehon meit Doué ?
Geou, sur erhoalh, er mestr… Doué hag en diaul marsé.
Pas, Doué hempkin : en diaul e sent dohton eué.
Hama, kleu mat, Kristol, me zou mé en dén-sé,
