Adlennet eo bet ar bajenn-mañ
— 70 —
HÉLONI
Poén erhoalh hé deoé hempkin é tihostal,
Er peurkeh !
JOHANNA
Ret e oé, tuchentil, hé doug.
HÉLONI
Ia,
Douget em es hi mé liés, rak tostiktra
É chomamb.
ABDIAS
Hag ur gonz e zou bet kriù erhoalh
Eit hé guellat ?
AMRI
Reskond !
HÉLONI, a kosté.
Hun !… En doujans hé dalh
Dirak tud ken abil !
Dehi.
Reskond ta, Johanna.
JOHANNA
Fé, tuchentil, ne houian ket mé meit un dra !
Me merh e oé goal-glan ha chetu hi guelleit.
Bremen… eit er hlenùed… penaus é ma ean oeit
Érauk, n’er larein ket… Più er goui ? Doué hempkin
HÉLONI, en ur huélet Salomé ê tont a glei ataù
Ha ! chetu hi, hou merh !… Sellet ta pesort min
Guiù ha fresk hé des hi !… Des, Salomé, des ta !
