Adlennet eo bet ar bajenn-mañ
— 66 —
HÉLONI, é tisoh, en ur ridek, a glei.
A ! Guelleit é !
EN DOKTORED
Più ?
HÉLONI
Più ? Merh Johanna ! Johanna hag e chom
Duhont é bég er ru.
BENDÉKAR
Hama ?
ABDIAS
Konz ta ! Diglom
Te déad.
HÉLONI, en dud um dolp endro dehon
.Er verh-sé, — ne laran ket geu d’oh, —
M’hé hanaù a houdé pemzek vlé pé muioh :
Paralizet e oé ; ne hellé mui bouljal
Na divréh na diùar ; m’hé hleué é krial,
É krial, er peurkeh, ken ne hré néhans t’ein,
Get en droug blaoahus e verùé en hé hein,
Ia, en hé liùen-kein, tuchentil ; mes kentéh
Men des Jésus tosteit dehi…
En ur huélet Johanna deit a glei.
He mam !
D’en dud.
Groeit léh,
Mar plij genoh… É oen, just erhoalh, Johanna,
É rein doéré hou merh Salomé d’en dud-ma
Hag e zou, revé ma huélamb, doktored ?
