Adlennet eo bet ar bajenn-mañ
— 226 —
Er goèd en hou kalon, kriù èl er guin neué,
E verù en ur lakat gurun en hou puhé.
Hui um lakei én hent… — Té, hag e zou hanùet
Jak eué, me handerù dré er goèd hun es bet
Get er memb gourdadeu, — té, Andreù, brér Simon.
IEHANN, en neu JAK ha ANDREU
Prest omb, Mestr.
JÉSUS
Té Filip, té, Maheu.
FILIP ha MAHEU
Mestr, prest on.
JÉSUS
Bertelamé, Thomas ha Simon a Gana,
Prest oh eit er labour em es grateit t’oh ?
BERTELAMÉ, THOMAS ha SIMON
Ia,
Prest omb, Mestr.
JÉSUS
Té, Thaddé, mab Alfé, ne tes chet
Reskondet hoah ?
THADDÉ
Prest on… Hui er goui, Mestr karet.
JÉSUS
Chetu hui en dro d’ein enta, me méderion.
Hous hanùeu e zou rah skriùet é me halon
Eit er vuhé… er vuhé-men hag en aral !
Hui hag em es galùet de anbrug er réral
