Adlennet eo bet ar bajenn-mañ
LODEN II
――
――
En Aviél. — « Lan e oé en ti a dud ; ha ouilein e hrent rah ; trouz ha safar e oé geté : « Ne ouilet ket, emé Jésus ; er verh-ma nen dé ket marù, kousket é hempkin. » Hag en dud e hré goab anehon, rak ind e houié é oé marù. »
————
Epad er loden-ma, en hoari um zalh é ti Jaïr : pilérieu mein ; étrézé, tenneriseu liùaj e guh en hani marù.
————
Er ré e hoari ér loden-ma :
OUILEREZED, FLAOUITERION, KANNERION, JÉSUS, SIMON-PIÈR, en neu vrér IEHANN ha JAK, JAÏR, É VOÉZ, É VERH.
OUILEREZED, FLAOUITERION, KANNERION, JÉSUS, SIMON-PIÈR, en neu vrér IEHANN ha JAK, JAÏR, É VOÉZ, É VERH.
Pe saù en tenneris, guélet e hrér en ouilerézed streùet duhont ha dumen, lod anehé klutet, lod aral harpet doh er pilérieu mein.
ER GETAN OUILEREZ
Allas, taulet hé des hé huañnad devéhan.
Marù é !… Ouilet !
ER RÉRAL
Ouilamb !
ER GETAN OUILEREZ
Allas ! Doh hui er han !
D’ein-mé er hlemmeu ! Marù, ô marù diskonfortus
