Adlennet eo bet ar bajenn-mañ
VII
AR BARADOZ.
(Ies Treger.)
Jezus ! peger braz vo
Plijadur ann eneo,
Pa vint dirak Doue,
Hag enn he garante.
Berr gavann ann amzer,
Hag ar poaniou dister,
O sonjal de ha noz,
E gloar ar baradoz.
Pa zellann enn envo,
Hag entreze va bro,
Nijal di a garenn,
Evel eur goulmik wenn.
Pa vo pred ar maro,
Neuze me gimiado
Ouz ar c’hig ankeniuz,
Enebour da Jezus.
Gand joa e c’hortoann
Ann tremen divezan ;
Hast am euz da welet
Jezus, va gwir bried.
Kerkent ha ma vezo
Torret va chadenno,
M’en em zavo enn er
Evel eunn alc’houeder.