Pajenn:Barzaz Breiz, huitième édition.djvu/376

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ



— Pa gredinn pez a leveret,
Ar c’habon-ma ’n devo kanet. —

(Eur c’habon rostet war eur plad,
Ha debret nemet he zaoudroad.)

Ar senesal oa souezet :
Ar c’habon en devoa kanet.

— Mari Fanchonik, me ho ped,
Me zo faziet, c’houi n’ oc’h ket ;

Me zo faziet, c’houi n’ oc’h ket :
Petra zo enn tan d’ho miret ?

— Ann itroun Varia-Folgoat
Zo’ skuba dindan va daoud-droad ;

Ar Werc’hez, mamm ar gristenien,
Zo’ skuba endro d’am c’herc’hen.

— Red eo kas prim da Wigourvez,
Kas prim da di ar vereurez ;

Kas prim da di ar vereurez,
Da c’houzout piou eo pec’heurez. —

Tremenet oant holl dre ann tan,
Ha nikun na lekeaz man ;

Tremenet holl heb lakat man :
Nemed ar vatez he unan.