Pajenn:Ar Prat - Mouez Reier Plougastell, 1905.djvu/64

48

mouez reier plougastell

III

BET SONJ EUZ AN ANAON !

——

E koun euz va mignoun Colomban L.

Sonjit en ho tad, en ho mamm,
Er purgator, e kreiz ar flamm.
(Kantikou eskopti Kemper).

War don kelven.

Tan ar c’huz-eol a varve dre-oll a nebeudou,
Gwel du an noz ’n em lede war gern ar meneziou,
An aezen skanv a skrije etouez ar ieod, en traon,
Hag a lavare klemmuz : « Bet sonj euz an Anaon ! »

Ar gwenan oa dizroet en ho c’holoennou,
Al labouset oa kousket e dounder ar skourrou ;
Eur zioulded melkoniuz a waske ar galon ;
Ar c’hloc’h en tour a gane : « Bet sonj euz an Anaon ! »

E bolz an env ar stered skeduz a lugerne,
Avelik dous ar c’hreiz-deiz er gwez-sapr a varve,
A varve ’n eur c’hrosmolat gand eur vouezig a gaon :
« O c’houi hag hon deuz karet, bet sonj euz an Anaon ! »

« Egiz ar moged tano a zav euz an doen,
Pa zav an eol bep mintin, ha na weler mui ken,