Ha setu eun eal adarre
Da gaout Pol, hag a lavare :
« Servicher feal, it larkoc’h,
« E gweled Leon, it hueloc’h.... »
Ar c’hount Wizur a c’houarne
Douarou bro Leon d’ar mare,
Hag a roaz d’ezhan he balez
’Vit loja he gompagnunez.
Eun aerouant skrijuz meurbed
E Kastel zebre tud, loened ;
Sant Pol goude beza pedet
Her beuzaz hep tamm drouk ebed.
Gand pobl ha noblans dibabed,
Sant Pol a oe eskob sakret ;
Aliez wele he zenved,
Siouaz ! oll neuze paianed !
Erfin dinerzet, ha koz braz,
Sant Pol he garg a zilezaz,
Da c’hedal e peoc’h ar maro,
E goudor eur gouent distro.
