Adlennet eo bet ar bajenn-mañ
— 29 —
Biel (oc’h azeza)
Deus amañ, harp ouzin, ha lavar war va lerc’h ar pez a livirin d’it.
Izidor (oc’h en em heja evel p’en dije debron)
Mez am eus o c’houlenn eur vaouez !
Biel
Sell ouzin. Bez laouen. C’hoarz ha lavar : Me az kar hag az karo, Agnez !
Izidor
Me az kar hag az karo, Biel.
Biel
Hola ! hola ! Ne lavar ket Biel, rak n’emaout ket ouz va goulenn, me, evelato. — Lavar : Me az kar hag az karo, Agnez.
Izidor
Me az kar hag az karo, Agnez !…
Biel
Ha va c’halonig a ra « tik-tak » evidout.
Izidor
Ha va c’halonig a ra « krik-krak » evidout.
Biel
Ha deuet oun, poulzet gant ar garantez am eus evidout d’az koulenn da veza va fried, ar c’henta ’r gwella, da vihana, ma peus karantez evidon.
Izidor
An dra-ze a ouezin da lavaret. Deski a rin va c’hentel
