|
O Moment à blijadur, moment à joaüsdet,
A boan grê tanveat, ha kerquent tremenet ;
O pe guer quer e coustit, mar bezit criminel,
Pa ranc an den ho prena dre ur boan eternel !
Eternite à valeur ! Ennes eo an termen
Evit beza enouüs pa na finis biquen.
Beza da jamès nec’het gant pep seurt malheuriou ;
Beza da jamès beuset en ur mor à boanniou.
Beza da jamès ar priz eus à goler Doue ;
Beza bepret adversour, siouas ! d’e vajeste,
Beza bepret en trubuil, en spount, hac en horror ;
Beza bepret en arrach, en counnar, en furor.
Regreti evit jamès hep obteni pardon,
En em glem evit jamès hep consolacion,
Atao hirvoudi, crial, ha lênva en tourmant,
Hep jamès caout nep sicour na nep soulajamant.
Rancout beza da jamès en eun devaligen,
Eleac’h ma vezo eun nos a bado da viquen.
Jamès ne vezo guelet deiz nac heaul o para,
Jamès quen goulou nemet flamou an horrupla.
Eleac’h ne gleffot jamès nemet ar blasphemou ;
Jamès nemet el leon-forz, ha ïuderezou ;
Jamès quen soun, quen music nemet ar malloziou
Nemet ar goal bedennou, ar foultr, ar c’hurunou.
O jamès leun à valeur, te zo anquenyus !
O jamès leun à horrol, te zo rigourius !
O jamès leun à vouelvan, te a zo deplorabl !
O jamès leun à arrach, te a zo effroyabl.
Eternite à dourmant ! Eternite à boan !
Eternite à zizesper ! Eternite à dan !
Hac èn zo den quer calet, ha quer cris à galon !
Na ve dre zot-te mantret gant guir gontricion,
M’ar fel dit eta, pec’heur, ha dide, pec’heres.
Tec’het diouz ur seurt malheur, sonch ennâ alies,
O pratica er bed-mâ pelloc’h ar binigen,
Gant aon na daes er bed-all d’e ober da viquen.
Rac ar voyen da viret na ve red dit disquen
Ebars è punç an ifern da zevi da viquen,
Eo disquen ennâ bemdez o lacat da speret
Da songeal en tourmanchou zo eno preparet.
Va Jesus, ni ho suppli dre ho coad precius ;
Na bermetit e couessemp er jamès malheürus,
Mès grit ma teuimp da veza en ho craç quer fidel,
Ma vezimp eürus da viquen er vüez eternel.
|
