Meulomp hirie a vouez uhel

Eus Wikimammenn
Sauter à la navigation Sauter à la recherche
Eskopti Sant-Brieg ha Landreger
Ti René Prud’homme, 1924  (p. 149-150)


N° 120. — Meulomp hirie a vouez uhel !.
War don : Vive Jésus, vive sa Croix, N° 120.


Diskan.
Meulomp hirie a vouez uhel
Jezus-Krist hag e Groaz zantel,
Meulomp hirie a vouez uhel,
Jesus Krist hag e Groaz zantel.

1. Kalet braz eo kalon an den
A chom hirie sklaset pe ien,
A chom sklaset pa wel Jezus
En eun doare ken truezus !

2. Beteg ar maro e sentas
Beteg ar maro war ar Groaz ;
Dornad plouz e wele kentan,
Ha koat kalet an divezan.

3. Mest ar bed a zoug war e ben
Spern garo evit kurunen :
En e dreid hag en e zaouarn
Zo tachou hir, tachou houarn.

4. E galon baour a verv en-han
Evel ar c’hoar dirag an tan,
C’houi zo goasket, Zalver divin.
Evel ma voasker ar rezin !

5. Ho ners a red evel an dour,
Ha digant den n’o peuz zikour ;
En ho sec’het netra, netra,
Nemet gwin trenket da eva !

6. Eul laer a-zeou, eul laer a-gleiz,
Dre ol enebourien direiz.
Hag ar pez a zo goasoc’h c’hoaz,
Ho Mam dener e-tal ar Groaz !

7. Evet eo ar c’halis c’houero
A oa gantan blaz ar maro !...

Jezus breman a bleg e ben
Tremen a ra... Prenet an den !

8. Eur c’hleze lem a zo êt don
En e goste bete ’r galon,
Evit lakat da ziveran.
Eur berad goad, an divezan

9. Ma Jezus, arog ma ’z in kuit
Me a fel d’in pokan d’ho treid,
Me a stardo ma muzeliou,
Ouz ar c’hoat zakr, ouz an tachou.

10. Hirie, warc’hoaz, hed ma bue,
Me vevo en ho karante ;
Mar ’m euz kalon, piou a garfen.
Nemet Jezus, Jezus hepken ?

(Kantikou Kemper ha Leon).