MERC’HED A LOKENOLE
|
Merc’hed a Lokenole a zo merc’hed a stad (bis).
Ne brizont ket da zansal nemet gant paotred vad (bis).
Merc’hed a Lokenole ia d’ar baluden,
Divouchouer, diarc’hen, kuef ebed var ho fenn.
Merc’hed a Lokenole o deveuz prometet
Monet e pelerinach da Sant-Iann beniget.
Ar person a lavare, d’ar sul, en ofern-bred :
— Divoalit, merc’hed iaouank, deuz ar vartoloded. —
Ar merc’hed a respontaz deuz a draon ann iliz :
— Sermonit, aotrou Person, ha nimp raio hor giz. —
Ne voa ket peurlavaret na mad ar gousperou
E voa ar merc’hed iaouank er ger a Blouganou.
’Barz e ti Mari Beron ez int bet diskennet,
Ho ! ia, dre ma voa gant-he ialc’hou martoloded.
Ar merc’hed-ze a drinke hag a lipe ho beg,
Hag ar voarsed a gane, a gane en gallek ;
Hag ar voarsed a gane, a gane en gallek,
Hag ar merc’hed a c’haurze, dre ma n’intentenn ket ;
Nemed eunn dortez vihan deuz a vourk Karantek :
Honnez voa bet er gouant, o tiski ar gallek ;
Honnez voa bet er gouant, o tiski ar gallek ;
Hag a bede [1] mil malloz var ar vartoloded.
Ma vefemp ni intoanien, gras d’eoc’h [2] ne vefomp ket ;
Nimp ’zeuio c’hoaz eur veach, eur veach d’ho kuelet ;
Hag a zigaso d’eoc’h c’hui na peb a chapeled.
Ha peb a voalen arc’hant d’ho kamaradezed.
— Kenavezo ’ta, Leblond, ia zur, pa m’oud e vond
Me garje a-greiz kalon e vijez c’hoaz o tond, —
Merc’hed a Lokenole a voele var ar c’he
Da Leblond, ar c’habitenn : allaz ! partiet e.
|
Chanté par M. Allain-Launay, au diner celtique.
MERC’HED LOKENOLE
LES FILLES DE LOQUÉNOLÉ
————
