Me am euz hirie preparet (Diviz)

Eus Wikimammenn
Sauter à la navigation Sauter à la recherche
Eskopti Sant-Brieg ha Landreger
Ti René Prud’homme, 1924  (p. 158-159)



EVIT PASKOU AR VUGALE
————
N° 127. — Me am euz hirie preparet.
War don N° 127.
(Ar vugale a helfe kanan o fojou war don Jesu dulcis, 116).


Jezus.
1. Me am euz hirie preparet,
Eur banket zakr ha beniget,
Hirie me rei d’am bugale
Ma c’horf, ma goad ha ma ine.

Ar Vugale.
2. C’houi zo meurbet, o ma Jezus,
En hon c’henver karantezus ;
Preparet ec’h euz eur banket
Ar c’haeran a gaver er bed.

Jezus.
3. Pelzo ec’h oan-me de ha noz
Em zabernakl ouz ho kortoz,
C’hoant braz am euz, bugaligou,
Da zisken en ho kalonou.

Ar Vugale.
4. Mes ni ziouas ! na gredomp ket
Tostat ouzoc’h en ho panket :
C’houi zo Doue ar zanteles,
Ni a m-omp pec’het ken lies !

Jezus.
5. Mar ec’h euz eur pec’het marvel
Pelleit dimeuz an dol zantel,
Et da resev an absolven,
Setu aman ho peleien.

Ar Vugale.
6. E zakramant ar Binijen
Ni a n-euz bet an absolven,
Ha redet a n-euz hon daerou
Gant keuz gwirion d’hon fec’hejou.

Jezus.
7. Bugale, kent komunian,
Goulenet pardon da gentan
Ouz ar re ec’h euz onanset
Ha n’ec’h euz ket awalc’h karet.

Ar Vugale.
8. Pardon, ma mam, pardon, ma zad,
Mar n’on ket bet eur bugel mad :
A-vreman, dre c’hras ma Jezus,
Ouzoc’h me vo dous ha zentus.

Jezus.
9. Ma bugale, bezan zo c’hoaz,
Eur Vam al ho kar a viskoaz,
Hi a n-euz ma ganet er c’hraou,
Hag outi me blij d’in chilaou.

Ar Vugale.
10. Mari, Mam ar Mabik Jezus,
Ouzimp ive bet truezus,
Mam vad, en hon daouarn kroget,
Beteg an dol zakr hon renet.

Jezus.
11. Breman eta, ma bugale,
E veritet ma c’harante ;
Setu dispozet ho kalon
Da resev ar gomunion.

Ar Vugale.
12. Kristenien pere zo aman
En ilis genimp o kanan,
Evidomp-ni, ho pugale,
Pedet breman, pedet Doue !