Le Coat - Ar Bibl Santel, 1897/Levr Job

Ar Bibl Santel

troet gant Gwilh ar C’hoad.
Grapho Press, 1897  (p. 436-467)

LEVR JOB.

1 BEZA e oa en bro Uts, eun den hanvet Job ; an den ze a oa gwirion, eeün, a zoujans Doue hag a dec’he euz an drouk. 2 Ha seiz mab ha teir merc’h a c’hanaz dezhan ; 3 hag e perc’henne seiz mil danvadez, tri mil chamo, pemp kant koublad ijened, pemp kant azenez, hag eun niver brasa, euz bugale ar Savheol.

4 Hag he vibien a iea an eil da di egile, hag a roe eur pred pep hini d’he dro, hag e kasent da bedi ho zeir c’hoar da zont da zibri ha da eva ganthei ; ha pa vije achu tro deiziou ar fest, Job a gase da glask he vibien evit ho furifia, hag o sevel mintin mad, kinnig a rea sakrifisou-losk evit pep hini anezhei ; rag Job a lavare : Marteze va mibien ho deuz pec’het, hag ho deuz nac’het Doue en ho c’halounou. Evel se e rea Job atao !

6 Mes, c’hoarvezout a reaz eun devez ma teuaz mibien Doue d’en em lakaat dirag an Aotrou, Satan" a zeuaz ive en ho zouez ; 7 hag an Aotrou a lavaraz da Satan : A belec’h e teuaz-te ? Ha Satan a respountaz d’an Aotrou hag a lavaraz : Euz redek ama hag ahont var an douar hag euz pourmen eno. 8 Hag an Aotrou a lavaraz da Satan : Remerket ec’h euz-te va zervicher Job ? N’euz ket eveltan var an douar, gwirion, eeün, a zoujans Doue, hag euz en em distrei euz an drouk. 9 Ha Satan a respountaz d’an Aotrou, hag a lavaraz : Evit netra e touj Job Doue ? 10 N’ec’h euz-te ket groet evel eur c’harz a bep tu dezhan, endro d’he di, endro da gement a zo dezhan ? Benniget ec’h euz labour he zaouarn, hag e dropellou en em skul var an douar. 11 Mes asten da zorn, stok en kement a zo dezhan ; hag he veli hag hen na villigo ket ac’hanout en da fas !... 12 Hag an Aotrou a lavaraz da Satan : Setu, kement hen deuz a zo en da zorn ; nemert, na laka ket da zorn varnezhan. Ha Satan a ieaz kwit a zirag fas an Aotrou.

13 Eruout a reaz eta eun devez, evel ma, tebre he vibien hag he verc’hed ha ma evfent gwin en ti ho breur ena, 14 eur c’hannad a zeuaz entrezeg Job, hag a lavaraz dezhan : An ijened a laboure, hag an azenezed a beure en ho c’hichen ; 15 ha re Sheba a zo en em daolet varnezhei, hag ho deuz ho c’hemeret, hag ho deuz lazet ar zervicherien gant ar c’hleze ; ha me zo en em dec’het, me hepken, evit hen diskleria d’id.

16 Evel ma komze c’hoaz, unan all a zeuaz hag a lavaraz : Tân Doue a zo kwezet euz an envou, hag hen deuz devet an denvedezed hag ar zervicherien, ha kuzumet anezhei ; ha me a zo en em dec’het, me hepken, evit hen diskleria d’id.

17 An den ma a gomze c’hoaz, pa zeuaz unan all hag a lavaraz. Kaldeed ho deuz groet teir banden, hag en em daolet var ar chamoed ha kemeret anezhei, hag ho deuz lazet gant ar c’hleze da zervicherien ; ha me a zo en em dec’het, me hepken, evit hen diskleria d’id.

18 Evel ma komze c’hoaz, unan all a zeuaz bag a lavaraz : Da vibien ha da verc’hed a zebre hag a eve gwin en ti ho breur ena ; 19 ha setu, eun avel vras a zo deuet euz an tu all d'an distro, hag hen deuz skoet var bevar c’horn an ti, hag eo kwezet var an dud iaouank, hag int maro ; ha me a zo en em dec’het, me hepken, evit hen diskleria d’id.

20 Neuze Job a zavaz, hag e rogaz he vantel, hag e touzaz he benn hag en em daolaz d’an douar, hag en em stouaz, hag e lavaraz : 21 En noaz oan deuet a gov va mam, hag en noaz e tistroin di ; an Aotrou Hen deuz roet, an Aotrou Hen deuz lamet, ra vezo hano an Aotrou meulet ! 22 En kement se, Job na bec’haz ket, ha ne damallaz netra a fall da Zoue.

’’’2’’’ Ha, c’hoarvezout a reaz eun devez, penaoz mibien Doue a zeuaz d’en em lakaat dirag an Aotrou, 2 Satan ive a zeuaz en ho zouez, d’en em lakaat dirag an Aotrou, hag an Aotrou a lavaraz da Satan : A belec’h e teuez ? Ha Satan a respountaz d’an Aotrou, hag a lavaraz : Euz redek ama hag ahont var an douar hag euz pourmen eno. 3 Hag an Aotrou a lavaraz da Satan : Remerket ec’h euz-te va zervicher Job ? N’euz ket evelthan var an douar, gwirion, eün, a zoujans Doue, hag o tec’hel euz an drouk. Derc’hel a ra c’hoaz stard en he eünder, hag ec’h euz boutet ac’hanoun d’hen revina hep abek. 4 Ha Satan a respountaz d’an Aotrou, hag a lavaraz : Kroc’hen evit kroc’hen ! Kement hen deuz an den a rofe evid e vuez. 5 Mes asten da zorn, ha stok euz he eskern hag euz he gig ; hag e weli hag hen na villigo ket ac’hanout en da fas !… 6 Hag an Aotrou a lavaraz da Satan : Setu, ema entre da zaouarn ; respet hepken e vuez.

7 Ha Satan a ieaz kwit a zirag fas an Aotrou ; hag e skoaz Job gant eur gwa1 c’houli, adaleg seul he dreid beteg krec’h he benn. 8 Ha Job a gemeraz eun darbod evit en em grafat, hag e oa azezet el ludu. 9 Hag he vreg a lavaraz dezhan : En em derc’hel a rez c’hoaz stard ez eeïnder !… Millik Doue, ha maro ! 10 Hag hen a lavaraz dezhi : Komz a rez evel eur vreg diskiantet ! Ni a gemer ar mad euz peurz Doue, ha na zigemerfemp ni ket an droug ! En kement se holl, Job na bec’haz ket gant he vuzellou.

11 Ha tri a vinioned Job, Elifaz, euz Theman, Bildad, euz Shuak, Tsofar, euz Naama, o veza klevet an holl boaniou a oa kwezet varnezhan, a ieaz pep hini anezhei euz he vro, hag en em glevchont a unvan evit dont d’he welet ha d’e zichlac’hari. 12 Hag, o veza savet ho daoulagad a bell, ne anavechont ket anezhan ; neuze e savchont ho mouez, hag e weljont ; hag e rogchont ho mantellou, hag e taoljont poultr entrezeg an envou, dreist ho fenn. 13 Goude e choumjont azezet var an douar ganthan, seiz devez ha seiz nozvez, hag hini anezhei na lavaraz ket eur gir dezhan, rag gwelet a reent e oa he c’hlac’har bras meurbed.

3 GOUDE ze, Job a zigoraz he c’henou hag a villigaz deiz he c’hinivelez. 2 Hag, o kemer ar gomz, Job a lavaraz :

3 Periso an deiz ma oun ganet,
Hag an noz he deuz lavaret : Eun den a zo konsevet !
4 Ra vezo an deiz se tevalijen,
Ra na glasko ket Doue anezhan euz krec’h,
Ha ra ma lugerno goulou ebet ennhan.
5 Ra adkemero skeud ha bro ar mare anezhan,
Ra choumo eur goabren deval varnezhan,
Ra leunio eun eklips anezhan a eûz !
6 Ra grogo an devalijen euz an noz ze,
Ra en em laouenao ket entouez deiziou ar bloaz,
Ra na ez ai ket en niver ar miziou !
7 Setu, ra vezo an noz ze dibrodu,
Ha ra na zeuo kriaden a joa ebet ennhi !
8 Ra villikfont anezhan ar re a villig an deiziou,
Ar re a zo ijinuz da sevel al Leviathan !
9 Ra vezo stered he veure tevaleet,
Ra c’hortozo ar goulou, ha ra na vezo ket,
Ha, ra na welo ket malvennou goulou deiz !
10 Abalamour n’hen deus ket zerret ar c’hov am douge,
Na kuzet ar glac’har euz va daoulagad.
11 Perak n’oun-me ket maro adaleg kov va mam ?
O tond anezhan, perag n’oun-me ket marvet ?
12 Perag eo bet kinniget daoulin d’in,
Ha perag bronou evit beza denet ?
13 Rag, brema, e vijen gourvezet ha zioul.
Me a gouskje, me a vije en diskwiz,

14 Gant rouane ha pennou bras an douar,
Pere en em ra beziou,
15 Grant ar brinsed pere ho deuz aour,
A leun ho ziez a arc’hant.
16 Pe, evel an diforc’het kuzet, na vijen ket ;
Evel ar vugale vihan n’ho deuz ket gwelet ar goulou.
17 Eno, ar re drouk na drubuliont ken den,
Hag eno e tiskwizan dud skwizet ;
18 Ganthei, ar re esklaved a zo zioul ;
Na glevont ken mouez an heskiner.
19 Eno, an hini bihan hag an hini bras a zo asamblez,
Hag an esklav a zo delivret euz he vestr.
20 Perag e roer ar sklerijen d’ar re reuzeudik,
Hag ar vuez d’ar re a bere an ine a zo leun a c’hwervder ?
21 Piou a c’hortoz ar maro, ha na zeu ket,
Piou e c’hlask muoc’h evit eun tenzor,
22 Piou a vefe kontant beteg al levenez,
Ha karget a joa ma kavfe ar bez ?
23 D’an den pehini ne anavez ket he hent,
Hag a zo troiet gant Doue a bep tu ?
24 Rag huanadi a ran el lec’h dibri,
Ha va c’hriadennou en em sklabe evel an dour.
25 Ar pez a soujan a eru ganen,
Hag an dra dirag pehini em euz aoun a zeu varnoun.
26 N’em euz na peoc’h, na zioulded, nag ehan !
An drubul a zo deuet !

4 NEUZE Elifaz, euz Tiitinan, a gemeraz ar gomz, hag a lavaraz :

2 Mar eseer komz ouzit, en em facha a ri-te ?
Mes piou hello derc’hel sonj en he gomzou ?
3 Setu, ec’h euz aliez kelennet ar re all,
Ha krenvaet an daouarn dinerzet ;
4 Da gomzou ho deuz adsavet ar re a vranselle,
Starteet ec’h euz an daoulin a blege.
5 Ha brema pa en em gav an droukeur ganez, en em fachez ;
Ha pa eo deuet varnout, ez out digaloun.
6 Da biete ha no ra ket da fizians ?
Da esperans, n’eo ket eeünder da henchou ?
7 Klask er memor ; piou eo an didamall a zo eet da goll,
Ha pelec’h eo bet ar re wirion lamet kwit ?
8 Evidoun me, em euz gwelet penaoz ar re a labour an drougiez
Hag a had ar boan, a ved anezhi.
9 Diskaret int dre c’houezaden Doue,
Hag int kuzumet dre avel he goler.
10 Iudaden al leon, kriaden al leon bras a baouez,
Ha dent al leon iaouank a zo eet da netra ;
11 Al leon a varv hep preiz,
Ha re vihan al leonez a zo sklabezet.
12 Eur gir kuzet a zo en em gavet ganen,
Ha va skouam he deuz tapet ar c’hrosmol anezhan.
13 En kreiz va sonjou, enpad gweledigezoud an noz,
Pa gwez eur c’housk pouner var an dud,
14 Eur spouron hag eur grenedien a grogaz ennoun,
Hag a spountaz va holl eskern.
15 Eur spered a dremenaz ebiou d’in,
Hag e lekeaz bleo va c’hig da zevel.
16 En em derc’hel a rea eno ha na anavezen ket he visach ;
Eur skeuden a oa dirag va daoulagad.
Beza oe eur zioulded ; hag e kleviz eur vouez :
17 Just e vezo an den dirag Doue ?
Ha pur he vezo an den dirag an Hini Hen deuz groet anezhan ?
18 Setu, n’en em fiz ket en he zervicherien,
Kaout a ra direiz en he êled.
19 Pegement mui en re a choum en tiez pri,
Pere ho deuz ho zol er boultren,
Pere a vruzuner evel prenved !
20 Distrujet int euz ar beure da noz ;0
Hep ma lekeer evez, kweza a reont evit biken.
21 Korden ho zanten a zo troc’het,
Mervel a reont, hep beza bet fur.

5 Kri brema ! Unan benag a vefe da respount d’id ?
Hag entrezeg pehini ar zent e troi-te ?
2 Ar goler a laz an diskiant,

Hag an despet a laka da vervel an hini a zo dibourveet a skiant ;
2 Gwelet em euz an diskiant o c’hasten he c'hrizio,
Mes prest em euz milliget he choumaj
4 He vibien a zo pell euz pep zikour,
Friket int en kichen an nor,
Ha den n’ho delivr ;
5 An ezomek a zevor he eost ;
He gemer a ra a dreuz drein he c’harz ;
An den sec’hedik a c’hoanta he vadou.
6 Rag ar zouffrans n’ez a ket euz ar boultren,
Hag ar boan na ziouan ket euz an douar,
7 Evit ma vefe an den ganet evit ar boan,
Evel ar fulen evit nijal d’an env.
8 Mes me, me a bedo Doue,
Hag e komzin euz Doue,
9 Pehini a ra traou bras pere ne heller ket furchal,
Burzudou bras pere na heller ket niveri ;
10 Pehini a skul ar glao var fas an douar,
Hag a gas an doureier var c'horre ar parkou ;
11 Pehini a laka huel ar re a zo izeleet,
Hag ar re a zo en kanvou, en krec’h an eurusted ;
12 Pehini a gas da netra sonjou an dud fall,
Hag ho daouarn na zeuont a benn a netra ;
13 Pehini a gemer ar re fur en ho finesaou hoc’h unan.
Ha c’hoantou ar re drouk a zo diskaret.
14 En deiz, e kevont an devalijen,
Hag, evel en noz, e tastonont en kreiz an deiz ;
15 Hag e telivr ar paour euz kleze ho genou,
Hag euz dorn ar re c’halloudek.
16 Hag ez euz eun esperans evit ar re reuzeudik,
Hag an drougiez a zo zerret he genou.
17 Setu, euruz an den kastiet gant Doue !
Na zisprij ket kastiz an Holl-C'halloudek.
18 Rag Hen eo a ra ar gouli hag a bak anezhan ;
Glaza a ra hag he zaouarn a wella.
19 En c’hwec’h tristidigez, e telivro ac'hanout ;
Hag en zeiz, an drouk na stoko ket ennout.
20 En amzer ar gernez, he tiwallo ac'hanout euz ar maro,
Hag en amzer ar brezel, euz laounien ar c'hleze.
21 Kuzet e vezi euz gwalen an teod,
Ha n’ez pezo ket a aoun dirag ar glac’har, pa eruo.
22 C’hoarzin a ri euz an distruj hag euz ar gernez,
Ha n’ez pezo ket a aoun euz loened an douar ;
23 Rag beza ez pezo eun unvaniez gant mein ar parkeier,
Ha loened ar parkeier a vezo en peoc’h ganez.
24 Ha gwelet a ri al lignez en da danten :
Gwelet a ri da beurion, ha netra na vanko d’id ;
25 Hag e weli da lignez o kreski,
Ha da vngale evel ieot an douar.
26 Mont a ri daro er bez,
Evel eur valan ed pehini a zouger en he amzer.
27 Setu aze, evesaet hon euz an dra ; evel se ema,
Selaou kement se, hag az pez sonj ennhan.

6 JOB a gemeraz ar gomz, hag a lavaraz : O

2 Oh ! ma pouezjet va glac’har,
Ha ma lakajet er memeuz amzer va foaniou er valans !
3 He vefent pouneroc’h evit treaz ar moriou !
Setu aze evit perag eo glac’haruz va c’homzou.
4 Rag miriou an Holl-C’halloudek a zo varnoun ;
Va ine a ev ar vulum anezhei.
Spountchou Doue en em renka en brezel a enep d’in.
5 An azen gwez ha bleujel a ra tost d’ar ieot ?
Hag an ijen ha bleujel a ra en kichen ar boued ?
6 Ha dibri a rer hep hoalen ar pez a zo gouler ?
Ha kaout a rer blas en eur gwen vi ?
7 Ar pez na felle ket d’am ine da stoka,
A zo deuet va boued dichoantusa.
8 Oh ! ra vezo va gwestl peur c’hroet,
Ha Doue rei d’in ar pez a c’hortozan !
9 Ra blijo gant Doue va distrei da boultr.

Ra lezo he zorn da vont d’am echui !
10 Hag em bezo eun dic’hlac’har,
Hag em bezo amzeriou a joa en kreiz ar poaniou ne espem ket d’in :
M’euz ket nac’het eo komzou ar Zant.
11 Pehini eo va nerz evit ma esperin,
Ha pehini eo va fin evit ma kemerin pasiantet ?
12 Va nerz ha beza eo nerz ar vein ?
Va c’hig hag arem eo ?
13 N’ez oun me ket hep zikour,
Ha pep skoazel ha n’eo-hi ket lamet diganen ?
14 Ar reuzeudik hen deuz droet da druez he vinion,
Ha pa hen defe dilezet doujans an Holl-C’halloudek.
15 Va breudeur ho deuz tromplet ac’hanoun evel eun dour-red,
Evel gwele dour-red pere a dremen ;
16 Tevaleet int gant ar skornenou,
An nerc’h a lounk anezhei ;
17 Mes, en amzer ar sec’hour, e paouezont,
Hag en tomderiou, ez eont euz ho flas.
18 Ar bandennou a zistro euz ho hent ;
Piniat a reont en distro hag en em gollont.
19 Bandennou Thema a gounte varnezhei ;
Beajourien Sheba en em c’hortoze dezhei.
20 Mezek int o veza bet ar fizians ze ;
Eruout a reont var al lec’hiou, hag e choumont mezek.
21 Evel se eo e vanket d’in brema ;
Gwelet a rit eun dra euzuz, hag oc’h euz eûz anezhi !
22 Mes ha lavaret em euz deoc’h : roet d’in eun dra benag,
Hag, euz ho madou, groet profou em faver ;
23 Delivret ac’hanoun euz dorn an enebour,
Ha prenet ac’hanoun euz dorn ar re violant ?
24 Kelennet ac’hanoun, ha me a davo.
Roet da anaout en petra oun en em droumplet.
25 Oh ! penaoz ho deuz nerz ar c’homzou gwirion !
Mes petra a fell d’ho kroz krozel ?
26 Ha giriou eo a fell deoc’h tamal ?
Mes red eo lezel gant an avel komzou eun den en disesper.
27 En gwirione, c’hwi a c’hoarife d’ar zort eur minor,
Hag a wersfe ho minion !
28 Mes, brema, plijet teurel ho taoulagad varnoun,
Ha gwelet ha me a lavar gaou dirazoc’h.
29 Distroet eta, ha bezit hep direizted !
Distroet, ha ma en em diskwezo va droet mad !
30 Ha beza e zo direizted var va zeod ?
Ha va staoun na oar hen ket dishenvelli an drouk ?

7 An den ha n’euz hen ket var an douar eur zervich soudard,
Hag he zeiziou ha n’int-hi ket evel re eur mesaer ?
2 Evel eun esklav, he c’huanat var lerc’h ar skeuden,
Hag, evel eur mesaer, e c’hortoz he c’hobr.
3 Evel se em euz bet en loden misiou a dromplerez,
Hag e zo roet d’in noziou a skwizder.
4 Mar d’oun kousket e lavaran :
Pegoulz e savin ? Pegoulz e c’hachuo an noz ?
Hag oun leuniet a nec’hamanchou bete goulou deiz.
5 Va c’hig a zo goloet a loened fall hag a skant douarek ;
Va c’hroc’hen a skalv hag a ziskarg.
6 Va deiziou ho deuz tremenet skanvoc’h evit burzun ar gwiader,
Hag en em guzumont hep esperans.
7 Evesa n’eo ma buez nemert eur chouezaden,
Ha ne adgwelo ken va lagad an euruzted.
8 Al lagad am gwel, n’am gwelo mui ;
Da zaoulagad am c’hlasko, ha na vezin ken.
9 Ar goabren en em sklabe hag a dec’h,
Evel se an hini a ziskenno en ifemiou na adsavo ken ac’hane.
10 Na zistroo ken d’he di,
Hag he leac’h ne anavezo ken anezhan.
11 Abalamour da gement se, ne addalc’hin ken va genou,
Komz a rin en tristidigez va spered,
En em glem a rin en c’hwervder va ine.
12 Eur mor oun-me ? Eur monstr euz ar mor oun-me,
Ma lekeez en dro d’in eur gward ?
Pa lavaran : Va gwele am dic’hlac’haro ;

Va gwele am diboanio euz va foan ;
14 Neuze, e spountez ac’hanoun dre huvreou,
Hag e spouronez ac’hanoun dre weledigezou.
15 Dreze eo gwel ganen mouga,
Karout a ran kentoc’h mervel evit miret va eskern.
16 Skwiz oun gant ar vuez... Na vevin ket da viken.
Pella ouzin, rag va deiziou a zo eur c’houezaden.
17 Petra eo an den, ma rafez kement a van anezhan,
Evit ma lakafez evez outhan ?
18 Evit ma hen evesafez bep beure,
Evit ma furchfez anezhan hep paouez ?
19 Pegoulz e paouezi-te da zellet ouzin ?
Na lezi-te ket ac’hanoun, ma lounki va hâl ?
20 Mar em euz pec’het, petra em euz groet d’id, d’id-te, o evesaer an dud !
Perag ec’h euz-te ma lekeat en par d’az taoliou,
Ha ma ez oun en karg d’in va unan ?
21 Ha perag ne bardounez-te ket va fec’hed, ha ne gasez-te ket kwit va drougiez ?
Rag me a ia brema da c’hourvez er boultren ;
Va c’hlask a ri ha ne vezin ken.

8 NEUZE Bildad, euz Shuak, a gemeraz ar gomz, hag a lavaraz :

2 Bete pegeit e komzi-te evel se,
Ha ma vezo komzou da c’henou henvel euz eun avel dempestuz ?
3 Doue ha lakaat a rafe ar gwirion da blega,
An Holl-C’halloudek ha lakaat a rafe ar reizder da gweza ?
4 Mar ho deuz da vibien pec’het a enep dezhan,
Hen, Hen deuz ho livret d’ho zorfet.
5 Mes te, ma kleskez Doue,
Ha ma c’houlennez trugarez digant an Holl-C’halloudek,
6 Mar d’out pur ha gwirion,
E veillo a-dra-zur varnout ;
Adsevel a raio choumaj da eeünder ;
7 Da bennou kenta a vezo bet nebeut a dra,
Ha da achu a vezo bras meurbed.
8 Goulen digant ar rumachou diagent,
Ha laka evez euz adklask ho zadou ;
9 Rag ni a zo abaoue dec’h, ha na ouzornp netra ;
Rag hon deiziou var an douar a zo evel eur skeuden ;
10 Mez int, na gelenfont int ket ac’hanout, na gomzfont int ket ouzit,
Na denfont int ket euz ho c’haloun ar c’homzou ma :
11 Ar c’horz ha kreski a ra er meaz an arbrat,
Hag ar broen bouta a ra hep dour ?
12 Beza ema c’hoaz en he c’hlazeür, ne droc’her ket anezhan,
Hag araog an holl ieot eo zec’h.
13 Evel se en em gav gant ar re holl a ankouez Doue ;
Esperans an den fall a ielo da goll.
14 He fizians a vezo tromplet,
Hag he zurded a zeuo eur wiaden genvid ;
15 En em harpa a raio var he di, ha ne zalc’ho ket ;
En em bega a raio outhi ha na choumo ket en he za.
16 Leun eo a nerz, lakeat dirag an heol,
Hag he vrankou a vout dreist he jardin ;
17 Mes he c’hriziou en em lui var berniou mein ;
Kaout a reont eun douar meinek,
18 Ha mar zever anezhan euz he blas,
Houma a nac’h anezhan hag a lavar dezhan : N’em euz ket da anavezet !
19 Evel se eo ar joa hen deuz euz he hent,
Ha reou all var he lerc’h a zavo euz ar boultren.
20 Evel se eo ne daol ket Doue kwit an den gwirion,
Mes na ro ket he zorn d’ar re drouk.
21 Leunia a raio c’hoaz da c’heno a joa,
Ha da vuzellou a ganaouennou a levenez.
22 Da enebourien a vezo goloet a vez,
Ha tanten ar re drouk na vezo ken !

9 HA Job a gemeraz ar gomz, hag a lavaraz :

2 A-dra-zur, me a oar ema evel se ;
Ha penaoz he vefe an den just dirag Doue ?
3 Mar fell dezhan pledi ganthan,
Na respounto ket dezhan eur wech var mil.

4 Ijinuz eo en he skiant, ha galloudek en he nerz :
Piou hen deuz stourmet outhan hag a zo en em gavet ervad ?
5 Dizougen a ra ar meneziou, ha na ouzont ket ;
Ho c’hemesk a ra en he fulor ;
6 Lakaat a ra an douar da grena var he zal,
Hag he feuliou a zo bransellet.
7 Komz a ra d’an heol, hag an heol ne zav ken ;
Ha lakaat a ra eur c’hached var ar stered.
8 He unan, ec’h asters an envou,
Hag e vale var grec’hiennou ar mor.
9 Krouet Hen deuz Arkturuz, orion hag an Hiadez,
Hag ar re a zo kuzet er c’hreisteiz.
10 Ober a ra traou bras pere n’heller ket furchel,
Burzudou bras pere na heller ket niveri.
11 Setu, e tremen em c’hichen, ha na welan ket anezhan ;
Tremen a ra c’hoaz, ha n’Hen gwelan ket.
12 Mar kemer, piou a raio dezhan he renta ?
Piou a lavaro dezhan : Petra a rez ?
13 Doue na zistro ket var he goler :
Dindanhan eo diskaret ar galloudusa stourmerien.
14 Pegement nebeutoc’h helfen me respount dezhan, me,
Ha dibab va giriou evit komz outhan !
15 Pa em bezo rezon, na respountin ken dezhan ;
Goulen a rin trugarez digant va barner !
16 Ma c’halvfen anezhan, ha ma respountfe d’in,
Na gredfen ket he fellfe dezhan selaou va mouez,
17 Hen pehini a gwez varnoun en eun tempest,
Hag a niver va gouliou hep abek.
18 Na lez ket ac’hanoun da adkemer halan ;
Ma leunia a ra a c’hwervder !
19 Mar deuz affer a nerz, e lavar : Setu me ama !
Mar deuz affer a eeünder : Piou am galvo ?
20 Ha pa vefen zoken just, va genou am barnfe ;
Ma vefe didamall, em disklerife koupab1.
21 Didamall oun… Na fell ket d’in beva,
Ne ran van ebet euz ma buez.
22 Pep tra en em dâl ! Dre ze em euz lavaret :
Distruja a ra an didamall evel an hini fall.
23 Pa deu eur walen vuhan da skula ar maro,
He c’hoarz euz poaniou ar re didamall.
24 An douar a zo livret entre daouarn ar re fall ;
Golo a ra daoulagad ar re a varn anezhi.
Ma n’hen deo Hen, pion eo eta ?
25 Va deiziou a zo bet skanvoc’h evit eur reder ;
Tec’het int hep gwelet an euruzded ;
26 Rampet ho deuz evel bagou korz,
Evel an egl pehini a gwez var he breiz.
27 Mar lavaran : Fellout a ra d’in ankouez va c’hlem,
Kwitaat va{{Reizh|r|]] er drist, ha skul va zederder,
28 Ez oun sporounet em holl glac’hariou ;
Gouzout a ran n’am barni ket didamall.
29 Me, me a zo barnet,
Perag en em skwiza en vên ?
30 Pa en em walc’hin en nerc’h,
Pa netain va daouarn er zaon,
31 Te am flonjfe er poull,
Ha va dillad ho devezo eûz ouzin.
32 Rag n’eo ket eun den eveldoun evit ma helfen respount dezhan,
Evit ma ez afomp asamblez er reizder.
33 N’euz tredeek ebet entrezomp,
Pehini a lakafe he zorn varnomp hon daou.
34 Ra lamo he walen divarnoun,
Ha ma na drubulio ket he spounchou ac’hanoun ken !
35 Neuze e komzin outhan hep aoun ;
Rag, er stad ma en em gavan, n’oun ken d’in.


10 Va ine hen deuz kemeret en dic’hoant ar vuez ;
Lezel a rin va c’hlemm da vont,
Komz a rin en c’hwervder va ine.
2 Lavaret a rin da Zoue : Na varn ket ac’hanoun ;
Ro d’in da anaout abalamour da betra out em enep.
3 Hellout a rez en em blijout vec’hia,
O pellaat labour da zaouarn,
Hag ho skleria c’hoantou ar re fall ?
4 Beza ec’h euz-te daoulagad kig ?
Gwelet a rez-te evel ma wel an dud ?

5 Da zeiziou, beza int-hi evel deiziou ar re varvuz ?
Da vloaziou, beza int-hi evel deiziou an dud ?
6 Evit ma rafez an adklask euz va drougiez,
Hag an enklask euz va fec’hed,
7 Petra benag ma ouzout n’oun ket koupabl,
Ha ne hell nikun ma lemel euz da zorn.
8 Da zaouarn ho deuz va groet ha va c’hrouet holl...
Ha te am distrujfe !
9 Az pez sonj eta ec’h euz va groet euz a bri,
Hag em lakafez da vont er boultren !
10 N’ec’h euz-te ket va diskarget evel leaz,
Ha kaouledet evel fourmach ?
11 Va goloet ec’h euz a groc’hen hag a gig,
Hag ec’h euz groet ac’hanoun a eskern hag a elvou.
12 Va leuniet ec’h euz a vuez hag a drugarez,
Ha da brovidans he deuz diwallet va c’houezaden.
13 Ha setu ama ar pez a virez d’in en da galoun !
Ha setu ama, e welet a ran ar pez a oa en da sonj :
14 Ma pec’hfen, e welfez kement se,
Ha na bardounfez ket d’in va fec’hed ;
15 Ma vefen fall, gwaleur d’in !
Ma vefen just, na savfen ket va fenn huelloc’h a gement se,
Leuniet e vefen a zismeganz,
Ha gweler euz va mizer va unan.
16 Ma adsavfen va fenn, e rofez ar chase d’in evel da eul leon,
Hag e kreskfez da vurzudou em enep ;
17 Lakaat a rafez testou nevez a enep d’in,
Addoubla a rafe da goler em c’henver,
Da vandennou en em zavfe em enep.
18 Mes perag ec’h euz va lakeat da zont euz kov va mam ?
Marvet he vijen, ha lagad ebet n’hen dije va gwelet !
19 Beza e vijen evel na vijen ket bet ;
Douget he vijen bet euz kov va mam d’ar bez !
20 Va deiziou ha n’emaint-hi ket en niver bihan ? Ma lezo ac’hanoun !
Ma pellao he zorn ouzin, ha ma tihalanin eun nebeut !
21 Araog ma ez in kwit, evit tremen hep distrei ken,
En douar an devalijen hag en skeud ar maro ;
22 Douar teval evel an noz,
En pelec’h ema tevalijen ar maro hag an dizurz,
El lec’h ma ema ar sklerijen evel an noz !

11 NEUZE Tsofar, euz Naama, a gemeraz ar gomz, hag a lavaraz :

2 Ha ne vezo ket respountet da gement a gomzou,
Hag awalc’h eo beza eur c’homzer kaer evit beza justifiet ?
3 Da gomzou vên hag ober a raint d’an dud tevel ?
Ha goap a ri-te, hep ma vezekao den ac’hanout ?
4 Lavaret ec’h euz : Va c’hreden a zo pur,
Didach oun dirag da zaoulagad.
5 Mes me a garfe e komzfe Doue,
Hag e tigorfe he c’henou evit respount d’id ;
6 Ma tiskwezfe d’id traou kuzet he furnez, he furnez immans ;
Ha ma anavefez ec’h ankwez Doue eul lod euz da zrougiez.
7 Ha kaout a ri-te fons da Zoue ?
Kaout a ri-te harz an Holl-C’halloudek ?
8 Huelderiou an envou petra a rafez eno ?
Dounoc’h int evit an ifem : petra a anavezi eno ?
9 He hed a zo hiroc’h evit an douar,
Ha ledanoc h evit ar mor.
10 Mar krog, ma prizounia,
Mar dastum he lez vam, piou hen harzo ?
11 Rag Hen a anavez, Hen, an dud a netra ;
Gwelet a ra an drougiez, hep ma sonj netra ;
12 Mes an den, gollo a skiant, a zeuo skiantek,
Pa c’hano ebeul an azenez gwez eun den !
13 Mar lekeaz mad da galoun,
Ha ma astennez da zaouarn en treze Doue,
14 (Mar ema an drougiez en da zaouarn,
Pella anezhi, ha na choumo ket an torfed en da dantennou !)
15 Neuze a-dra-zur te a zavo da dal didarch,
Starteet e vezi ha na zouji netra ;
16 Ankouez a ri da boaniou,
Sonj az pezo outhei evel euz dour tremenet.

17 Ar vuez a zavo evidout lugernusoc’h evit ar c’hreisteiz,
Hag an devalijen zoken a vezo evel ar beure.
18 Leun e vezi a fizians, abalamour ma ez pezo lec’h da esperout ;
Klask a ri en dro d’id, hag en em c’hourvezi en zurded ;
19 En em asten a ri en da eaz, ha den na spounto ac’hanout ;
Ha kalz a dud a raio al lez d’id.
20 Mes daoulagad ar re fall a vezo kuzumet ;
Pep tec’h a vezo lamet diganthei,
Hag ho holl esperans a vezo renta ho ine.

12 HA Job a gemeraz ar gomz, hag a lavaraz :

2 En gwirione, c’hwi a zo eur bobl holl,
Ha ganeoo’h-hu e varvo ar furnez !
3 Skiant em euz koulskoude, koulz ha chwi,
N’hen d’oun ket izeloc’h evidoc’h ;
Ha piou ne anavez ket an traou ze ?
4 Me a zo eun den hag a zo en goaperez d’he vinion ;
Eun den pehini a c’halve Doue, ha Doue a respounte dezhan ! ...
En goaperez ! ... eun den just, gwirion ! ...
5 Disprij d’ar gwaleur ! evel se ema sonj ar re euruz ;
An disprij a zo lakeat a goste d’ar re pere a vranse ho zroad !
6 En peoc’h ema-int, tantennou ar billerien,
Hag an holl zurded evit ar re a goler Doue,
Pere a ra eun doue euz ho brec’h.
7 Mes goulen eta digant loened ar parkeier, hag int a gelenno ac’hanout ;
Pe lapoused an envou, hag int hen disklerio d’id ;
8 Pe komz d‘an douar, hag e kelenno achanout ;
Ha pesked ar mor he zisklerio d’id.
9 Piou na oar, entouez ar re ze holl,
Eo dorn Doue hen deuz groet ar bed ?
10 Ma talc’h en he zorn ine an holl re veo,
Spered peb kig den ?
11 Ar skouarn ha na varn-hi ket euz ar c’homzou,
Evel ar staon a dave ar bouedou ?
12 Ar furnez a zo er re goz,
Hag an dizhenvelidigez eo frouez an deiziou hir !
13 Nan, en Doue eo en em gav ar furnez hag an nerz ;
Dezhan eo az c’huzul hag ar skiant.
14 Setu, e tiskar, ha ne zaver ket ;
Zerri a ra var unan benag, ha na zigorrer ket dezhan.
15 Setu, e talc’h an doureier, hag e tizec’hont ;
Leuskel a ra, hag e kemeskont an douar.
16 Ennhan he choum ar galloud hag ar furnez ;
A nez an e tere an hini en em goll hag an hini a goll.
17 Lakaat a ra ar guzulierien da vale dierc’hen ;
Hag e sko a follentez ar varnerien.
18 Digalounekaat a ra gallout ar rouane,
Hag e zer ar gorden var ho c’hroazellou.
19 Lakaat a ra ar veleien da vale dierc’hen,
Hag e tiskar ar re c’halloudek.
20 Lemel a ra ar gomz d’ar re zura,
Hag e priv a skiant ar re goz.
21 Skulia a ra an disprij var ar re nobl,
Hag e tizere gouriz ar re nerzus.
22 Lakaat a ra en gwel an dounderiou kuzet en devalijen,
Hag e tigas d’ar sklerijen skeud ar maro.
23 Kreski a ra ar broadou, hag e koll anezhei ;
Asten a ra ar broadou, hag e kas anezhei en esclavach.
24 Lemel a ra ar skiant digant mestrou poblou an douar,
Ha lakaat a ra anezhei da gerzet en eun distro hep hent.
25 Tastonet a reont en devalijen,
Hep sklerijen ebet, hag e laka anezhei da gerzet evel eun den maro.

13 Setu, va lagad hen deuz gwelet kement se holl :
Va skouarn hen deuz he glevet ha komprenet ;
2 C’hwi a oar, me a oar ive ;
Me ne z’oun ket izeloc’h.
3 Mes fellout a ra d’in komz d’an Holl-Cballoudek,
Fellout a ra d’in pledi en kichen Doue.
4 Mes c’hwi, c’hwi a zo invanterien gevier.
Holl hoc’h medisined a netra.
5 Ra choumfet er zioulded,
Ha ma vezo ze ho furnez !
6 Zelaouet eta va c’hrosmol,

Ha bezet eveziek da respount va muzellou.
7 Derc’hel a refet-hu komzou disleal en kenver Doue ?
Hag, evit he zifen, ha lavaret refet-hu gevier ?
8 Ober a refet-hu van euz diaveaz den dirazhan ?
Fellout a ra deoc’h pledi evit Doue ?
9 Mad ez afe ganeoc’h, ma furchfe ac’hanoc’h ?
Evel ma troumpler eun den, ha troumpla a refet anezhan ?
10 A-dra-zur, o repren a raio,
Mar groet en kuz van euz tud.
11 He vajeste, ha ne spourono-hi ket ac’hanoc’h,
Hag he spount, ha na gwezo-hi ket varnoc’h ?
12 Ho komzou a zo giriou ludu,
Ho nerzou a zo nerzou fank !
13 Tavit, lezit ac’hanoun ; fellout a ra d’in komz,
Ha ma c’hoarvezo ganen ar pez a hello.
14 Perag e kemerfen va c’hig entre va dent ?
Nan, ne ziskwezin ket va buez.
15 Setu, ma laza a raio ; n’em euz ken a esperans.
Da vihana, difen a rin va c’hundu dirazhan.
16 Ha kement se a droio en zilvidigez d’in ;
Rag eun den fall na zeuo ket dirazhan.
17 Selaouet, selaouet va c’homzou,
Prestet skouarn d’am diskleriadurezou.
18 Setu, em euz prestet va c’homz.
Anaout a ran e vezin justifiet.
19 Unan benag ha pledi a raio em enep ?
Neuze me a dav, hag e varvan.
20 Na ra ket zoken daou dra d’in,
Ha neuze n’en em guzin ket pell euz da fas :
21 Pella da zorn ouzin,
Ha ra na drubulio ket da spount ac’hanoun.
22 Neuze, galv ac’hanoun, ha me a respounto.
Pe e komzin, ha te a respounto d’in.
23 Pegement a zrougiez hag a bec’hejou am euz groet ?
Ro d’in da anaout va drougiez ha va fec‘hed.
24 Perag e kuzez-te da fas,
Hag en em delc’hez-te va enebour ?
25 Fellout a ra d’id spounta eun delien dizouget gant an avel,
Ha redek eur blouzen dizec’het ?
26 Evit ma skrivez em enep lezennou c’hoero,
Ha ma lekeaz ac’hanoun da zigemer pec’hejou va iaouankiz ;
27 Evit ma lakai va zreid en lasou, ha ma evesaez va henchou,
Ha ma verkez eun harz trozro da zeul va zreid ;
28 Hag ar c’horf ma en em distruj evel koad brein,
Hag evel eur vantel kriniet gant an tign.

14 An den ganet gant ar vreg
A vev nebeut a amzer, hag a zo leuniet a drubul.
2 Evel eur vleuen e tifluk, hag e troc’her anezhi ;
Tec’hel a ra evel eur skeuden, ha na bad ket.
3 Ha var unan evel se eo e tigorrez da zaoulagad,
Ha me eo a renez er reizder ganez !
4 Piou hell tenna ar glanded euz an hudurnez ? Den.
5 Mar d’eo he zeiziou merket’,’ mar d’eo niveret he vizou dirazout,
Ma ec’h euz merket harzou dezhan pere na dremeno ket,
6 Distro da zellou outhan, ha ma hen devezo diskwiz,
Bete ma taveo, evel eur mesaer, fin he zeiz.
7 Rag esperans a zo evit ar wezen, mar d’eo bet troc’het ; e c’hlasao c’hoaz,
Ha na baouez ket da gaout brankou ;
8 Mar kosa he c’hrizien en douar,
Ha m’ar deo maro he c’hef er boultren,
9 Adaleg ma sant an dour, he vout a nevez,
Hag he ro brankou evel eur blanten iaouank.
10 Mes pa varv an den, e choum eno ;
Pa eo maro an den, pelec’h ema ?
11 Doureier ar mor a red,
Ar rivier a baouez hag a zizec’h,
12 Evel se en em c’hourve an den, ha ne adsav ken.
En keit ha ma vezo envou, n’en em dihunfont ken,
Ha na ez efont ket er meaz euz ho c’housk.
13 Oh ! ma kuschez ac’hanoun er bez,
Ha ma c’holojez ac’hanoun bete ma vije tremenet da goler.
Ma rojez eun amzer d’in, goude pehini ez pije sonj ac’hanoun,

14 (Mar varv an den, adbeva a raio ?),
Enpad an holl amzer, he c’hortozen,
Ken a zeuje unan em flas !
15 Gervel a rafez, e respountfen ;
C’hoantaat a rafez digemer labour da zaouarn.
16 Mes brema, e niverez va faziou,
Hag ec’h evesaez va holl bec’hejou.
17 Va fec’hed a zo ziellet er zac’h,
Ha kresket ec’h euz va drougiez. ^[1]
18 Mes ar menez a rul ;
Ar roc’h a zo kaset euz he flas ;
19 An doureier a vin ar vein ;
An doureier a stlej poultren an douar :
Evel se e kesez da goll esperans an den marvuz.
20 Na baouezez ket d’hen attaki, hag ez a ;
Chanj a rez he stum, hag e kasez anezhan kwit.
21 Ra vezo he vibien enoret, na wezo netra a ze ;
Ra vezo disprijet, ne welo ket anezhan.
22 Varnezhan hepken eo en em c’hlac’har he gig,
Ha varnezhan eo o c’hunnad he ine.

15 NEUZE Elifaz, euz Theman, a gemeraz ar gomz, hag a lavaraz :

2 Ha respount a ra ar fur gant eur skiant vên,
Ha leunia a ra he vruched a avel ?
3 Ha rezoni a ra var gomzou ha na zervichont da netra,
Ha gant giriou hep profit^[2] ?
4 Muoc’h c’hoaz, kas a rez da netra ar biete,
Hag e tistrujez ar beden a ia da Zoue.
5 Da fallentez a ra d’az kenou komz,
Ha dibabet^[3] ec’h euz iez ar re ruzet.
6 Da c’henou^[4] a varn ac’hanout, ha nan me ;
Ha da vuzellou a desteni en da enep.
7 Ha te eo ar c’henta-ganet entouez an dud,
Ha krouet e oaz-te kentoc’h evit ar meneziou ?
8 Ha klevet^[5] ec’h euz-te ar pez a zo bet lavaret en kuzul Doue,
Ha kemeret ec’h euz-te evidout ar furnez ?
9 Petra ouzout-te ha na ouzomp-ni ket ?
Pe anaoudegez ec’h euz ha n’hon deuz-ni ket ive ?
10 Beza he zo ive en hon zouez bleo gwen, re goz,
Pinvidikoc’h a zeiziou evit da dad.
11 Ha nebeut a dra eo evidout konsolasionou^[6] Doue
Ha giriou lavaret gant douster ?
12 Perag ez a drouk en da galoun ?
Ha perag e selfe da zaoulagad a dreuz ?
13 A enep Doue eo e troez da goler,
Ha e lekeaz komzou evel se da zont euz da c’henou !
14 Petra^[7] eo eun den marvuz^[8] evit ma vefe pur,^[9]
Hag eur mab greg evit ma vefe gwirion ?
15 Setu, Doue n’en em fiz ket en he zent,
Hag an envou n’int ket pur dirag he zaoulagad.
16 Pe gement mui eo euzuz hag huduret^[10]
An den pehini a ev an drougiez evel dour ?
17 Da gelen a rin, selaou ac’hanoun.
Diskleria a rin d’id ar pez am euz gwelet,
18 Ar pez ho deuz ar re fur diskleriet,
Ar pez n’ho deuz ket kuzet^[11] o veza bet anezhan digant ho
zadou.
19 Dezhei ho unan e oa bet roet, ar vro,
Hag an diaveziat n’hen doa ket eet d’ho zi.
20 Enpad he vuez, eo an den fall trubuliet,
Hag eun niver bihan a vloaziou a zo miret d’an torfedour.
21 Trouzou spountuz a leun he ziouskouarn ;
En kreiz ar peoc’h, e teu an distrujer^[12] varnezhan.
22 Ne gred ket gallout mont er meaz euz an devalijen,
Ha gwelet a ra eo spiet dre ar c’hleze ;
23 Redek a ra ama hag a hont, o klask e vara ;
Anaout a ra deiz an devalijen kempennet^[13] evithan.
24 An dristidigez hag an ankrouez a spouron anezhan ;
E droia a reont evel eur roue prest da vrezelli^[14] ;
25 Abalamour ma hen deuz savet he zorn a enep Doue,
Ha goapeet an Holl C’halloudek :
26 Redet hen deuz d’he gaout, gant arogans,
Dindan ar c’hein teo euz he dirennou.
27 Al lard hen doa goloet he visach,

Hag an druoni a oa en em dastumet

var he flankou ;

28 Dre ze he choum en keariou distrujet, En tiez distro, Prest holl da veza nemert berniou mein.

29 Na binvikao ket, hag he feadra na bado ket, He dalc’hou n’en em astenfont ket var an douar.

30 Ne hello ket mont euz an devalijen ; Ar flam a zisec’ho he vrankou, Ha mont a raio kwit dre c’houez genou Doue.

31 Ra na gounto ket var ar vogeden pehini a droumpl anezhan ; Rag al lorc’h a vezo he c’hobr.

32 Araog an amzer, e kemero fin, Hag he vrankou^[15] na c’hlasafont ket.

33 Diframmet e vezo he frouez dizare, evel re eur winien ; Taolet e vezo he bleuen kwit, evel hini eun olivezen.

34 Rag famil an hipokrit^[16] a zo dibrodu, Hag an tân a zevor tantennou an den fall.

35 Ober a ra an drubul, hag he c’han ar boan ; Hag he gov a gempen eun droumplezon.

16 HA Job a gemeraz ar gomz, hag a lavaraz :

2 Aliez em euz klevet komzou evel se : C’hwi holl a zo dic’hlac’harien fall^[17],

3 Na vezo eta ket a fin d’ar c’homzou ze en er ? Ha petra a laka ac’hanout da respount d’in ?

4 Me ive, a gomzche eveldoc’h, ma vijach en flas^[18]. Bernia a rajen komzou a enep deoc’h ; Ija a rajen va fenn varnoc’h,

5 Ho nerza a rin gant va genou, Hag ar finvadek euz va muzellou ho soulajo.

6 Mar komzan, va glac’har^[19] na vezo ket ezeteet. Mar tavan, ha neubeuteet e vezo ?

7 Brema hen deuz va dizec’het. Diflastret ec’h euz va holl tud,

8 Kroget ec’h euz ennoun, ha kement se a desteni em enep ; Va zreudder a zo en em zavet a enep d’in, va zamall a ra em fas.

9 He fulor^[20] hen deuz va roget, hag a zo en em lekeat em enep. Skriniet hen deuz dent a enep d’in ; Va enebour a lem a enep d’in he zaoulagad.

10 Ho genou ho deuz digoret a enep d’in, Skoet ho deuz var va chod evid va dismegansi ; En em dastum a reont holl a unvan em enep.

11 Doue Hen deuz va lekeat en daouarn an den fall ; Va zaolet hen deuz en daouarn ar re drouk.

12 En diskwiz€^[21] he oan, hag Hen deuz va bruzunet ; Kroget Hen deuz em gouzouk, Hag Hen deuz va brevet, Lakeat Hen deuz ac’hanoun en but d’he virou^[22].

13 He virou a zo en dro d’in ; Toula a reont va c’hroazellou, ha ne espernont ket ac’hanoun ; Teurel a ra va mestl d’an douar.

14 Ober a ra d’in gouli var gouli ; Redek a ra varnoun evel eur brezellier.

15 Griet em euz eur sac’h var va c’hroc’hen ; Huduret em euz va zal er boultren ;

16 Va bisach a zo kwenvet dre fors gouela, Ha skeud ar maro a zo var va daoulagad,

17 Petra benag n’hen deuz torfad ebet em daouarn, Ha ma eo pur va feden.

18 O douar, na guz ket va goad, Ha ra na vezo lec’h ebet en pehini e choumo va c’hriaden !

19 Brema zoken^[23], setu me ama, va zest a zo en envou, Ha va diwaller el lec’hiou huella.

20 Va minioned a ra goab ouzin : Entrezeg Doue eo he tro va lagad en eur wela,

21 Evit ma tishenvello^[24] entre an den ha Doue, Entre mab Adam hag he henvelidigez.

22 Rag ar bloaziou a zo niveret d’in a dec’h, Hag ez an en hent a behini na zistroin ken !

17 Va halan a vank ; va deiziou en em voug^[25] ; Ar bez am gortoz !

2 A-dra-zur, troiet oun a oaperien, Ha va lagad a veil enpad an noz en kreiz ho c’hrosmolou.

3 Laka eur gobr, bez va gwarant ez kichen da unan :

Rag piou a garfe responnt evidoun ?

4 Serret ec’h euz da galoun d’ar skiant ;
Dre ze ne lakai ket anezhei da driomfi.
5 Eun nep a ro he vinioned d’ar pillach,
A bere ar vugale ho devezo an daoulagad kuzumet.
6 Groet e zo ouzin fablen ar boblou,
Unan euz pehini e krancher en he visach.
7 Ha va lagad a zo en em guzumet a c’hlac’har,
Ha va holl izili a zo evel eur skeuden.
8 An dud eeün a zo mantret,
Hag an didamal a zo fuloret a enep an den fall.
9 Ar gwirione koulskoude a gendalc’ho en he hent,
Hag an hini a behini eo an daouarn pur a gendoublo a nalc’hidigez.
10 Mes, evidoc’h-hu holl, deomp, adkomanset !
Ne gavin ket eun den fur en ho touez.
11 Va deiziou a zo tremenet ;
Va c’hoantou, kaset gant va c’haloun, a zo diskaret.
12 Trei a reont an noz en deiz ;
Ar sklerijen tost, dirag an devalijen !
13 Pa na c’hortozan ken evit choumach nemert ar bez,
Pa astennan va gwele en devalijen,
14 Pa grian er bez : Te eo va zad !
Ha d’ar prenved : c’hwi eo va mam ha va c’hoar !
15 Pelec’h eta ema va esperans ?
Ha va esperans, piou a hell he gwelet ?
16 Disken a raio en doriou ar bez,
Pa ez efomp a unvan da ehani er boultren !

18 NEUZE Bildad, euz Shuak, a gemeraz ar gomz, hag a lavaraz :

2 Pegouls ec’h achufet c’hwi ar c’homzou ze ?
Bezet skiant, ha goude komzomp.
3 Perag omp-ni kemeret evel loened,
Hag omp-ni diboell d’ho taoulagad ?
4 O te, pehini en em difram da unan en da fulor,
An douar, ha beza he vezo-hi dilezet abalamour d’id,
Hag ar roc’h, ha taolet e vezo er meaz euz he flas ?
5 Ia, sklerijen an den fall a vougo,
Ha flam he dân na lugerno ket.
6 Ar sklerijen a devalao en he danten,
Hag he lamp en em vougo dreist-han.
7 He gamechou ken galloudek a vezo dalc’het,
Hag he guzul he unan hen diskaro.
8 Rag kemeret he vezo en rouejou he dreid,
Ha var ar pech e valeo.
9 Al las hen dalc’ho dre ar zeul,
Hag ar roued hen tapo ;
10 Eur gorden a zo kuzet evithan dindan an douar,
Hag eur c’hemer var he hent
11 A bep tu spounchou a droio anezhan,
Hag a lakaio he dreid da redek ama hag ahont.
12 He nerz a vezo marniaonek ;
Ar glac’har en em dalc’ho en kichen he gorteziou.
13 Devori a raio izili he gorf,
Devori a raio he izili, ar c’henta-ganet a douez ar re varo !
14 Hen diframa a refer euz he danten, lec’h he fizians ;
Digaset e vezo da roue ar spounchou.
15 Chown a refer en he danten, pehini ne vezo ken dezhan ;
Ar soufr a vezo skuliet var he hent.
16 D’an traoun e sec’ho he c’hriziou,
Ha d’an neac’h he vrankou a vezo troc’het.
17 He envor a dec’ho kwit a zivar an douar,
Ha na lavarfen ken he hano var ar plasennou.
18 Kaset e vezo euz ar sklerijen en devalijen,
Hag e vezo kaset kwit euz ar bed.
19 N’hen devezo na lignez, na ras entouez he bobl,
Nag den beo var he lerc’h en ho choumajou.
20 Re ar c’husheol a vezo souezet euz deiz he zistruj,
Ha re ar savheol a vezo karget a spount.
21 Honnez eo sort an den direiz.
Evel se ema chans an hini na anavez ket Doue.

19 JOB a gemeraz ar gomz, hag a lavaraz :

2 Bete pegeit e c’hlac’harfet-hu va ine,
Hag em bec’hfet-hu a gomzou.
3 Setu dek gwech dija aboue ma tismeganset ac’hanoun.
N’hoc’h eus ket a vez euz va gwal-dreitouri ?
4 En gwirione mar em euz manket,

Va fec’hed a choum ganen.
5 Mar en em savet a enep d’in en gwirione,
Mar rebechet d’in an dismegans en pehini en em gavan,
6 Anavezit eta Hen deuz Doue noazet d’in,
Ha stiniet he rouedou en dro d’in.
7 Setu, e krian d’ar violans, ha na respounter ket d’in ;
Krial a ran zikour, ha n’euz reizder ebet !
8 Zerret Hen deuz va hent, ha n’hellan ket tremen ;
Lakeat Hen deuz tevalijen var va henchou.
9 Diwisket Hen deuz ac’hanoun euz va gloar ;
Lamet Hen deuz ar gurunen divar va fenn.
10 Va distrujet Hen deuz a bep tu, hag ez an kwit ;
Diframmet Hen deuz, evel eur wezen, va esperans.
11 Elumet Hen deuz he goler a enep d’in,
Hag Hen deuz va dalc’het evit unan he enebourien.
12 He vandennou a zo deuet asamblez ; savet ho deuz ho choserou em enep,
Hag int en em gampet en dro d’am zanten.
13 Pelleet hen deuz ouzin va breudeur,
Hag ar re a anaveze ac’hanoun a zo en em belleet evel diavezidi ;
14 Va c’herent ho deuz va dilezet,
Ha va anaoudeien ho deuz va ankwezet.
15 Tud va zi ha va zervicherien ho deuz groet d’in evel d’eun diaveziad ;
Deuet oun da veza eun diaveziad evithei.
16 Galvet em euz va zervicher, n’hen deuz ket respountet d’in ;
Gant va genou va unan, em euz he bedet.
17 Va halan n’eo ket plijuz d’am fried,
Ha va feden da vibien va mam.
18 Ar vugale vihan ho unan a zisprij ac’hanoun ;
Mar fell d’in sevel, e komzont em enep.
19 Va holl vinioned ho deuz eûz ac’hanoun,
Hag ar re a garen a zo troet em enep.
20 Va eskern a zo en em staget euz va c’hroc’hen hag euz va c’hig,
Hag oun tec’het kwit gant kroc’hen va dent.
21 O pezet truez ouzin, o pezet truez ouzin, c’hwi, va minioned !
Rag dorn Doue hen deuz skoet ac’hanoun.
22 Perag he trubuliet ac’hanoun, evel Doue,
Ha na hellet-hu ket en em leunia euz va c’hig ?
23 Oh ! me a garfe e vefe skrivet va c’homzou eun tu benag !
Karout a rafen he vefent skrivet en eul levr ;
24 Ma vefent merket gant eur burin houarn ha gant plom,
Var ar roc’h, da viken.
25 Evidoun me, a anavez eo beo, va Redemptor,
Er fin en em zavo var an douar,
26 Ha goude ar c’hroc’hen ma pehini en em distruj,
Hag er meaz euz va c’hig, e welin Doue ;
27 Me, a welo anezhan, d’in me trugarezuz ;
Va daoulagad hen gwelo, ha nan unan all...
Va c’hroazellou en em guzum ennoun !
28 Mar leveret : Penaoz he redfomp-ni anezhan,
Hag e kavfomp-ni ennhan an abek euz he zroukeur ?
29 Doujit ar c’hleze evidoc’h hoc’h unan,
Rag ar fulor a zo eur c’hrim din euz ar c’hleze,
Evit ma wefac’h e zo eur varnedigez.

20 TSOFAR, euz Naama, a gemeraz ar gomz, hag a lavaraz :

2 Abalamour da gement se eo he vout va sonjou ac’hanoun da respount,
Hag abalamour d’ar rezon ze eo em euz hast d’hen ober :
3 Klevet em euz eur gentel dismegansuz,
Mes ar spered a denn euz va skiant eur respount.
4 Na ouzout-te ket, penaoz a bep amzer,
Abaoue ma Hen déuz lakeat Doue an den var an douar,
5 Triomf an den fall a zo padet nebeut,
Ha joa an den drouk n’eo nemert evit eun amzer ?
6 Pa savfe he huelder beteg an envoù,
Ha pa dapfe he benn ar c’houmoul,
7 Mont a raio da goll evit biken, evel he louzoni ;

Ar re a wele anezhan a lavaro : Pelec’h ama ?
8 Tec’hel a raio evel eun huvre, ha n’hen kavfer ken ;
Mont a raio da netra evel eun huvre en noz.
9 Al lagad hen deuz gwelet anezhan n’hen gwelo ken,
Hag he lec’h n’hen anavezo ken.
10 He vugale a raio al lez d’ar beorien,
Hag he zaouarn ’’he unan’’ a zistroio he vadou.
11 He eskern a zo leun a iaouankiz,
Mes diskwiza a rin ganthan er boultren.
12 Mar d’eo an drouk dous d’ar genou,
Mar e guz dindan he deod,
13 Mar espern anezhan ha ma n’he daol ket kwit,
Mar dalc’h anezhan en he staoun,
14 He vevans a droio en he greiz,
Hag e teuo en he vruched mestl aspik.
15 Lounket hen deuz pinvidigezou, hag e c’hwedo anezhan ;
Doue ho diframo euz he gof.
16 Dena a raio bulum aspik ;
Teod ar wiber hen lazo.
17 Na welo ket ar goaziou,
Ar rivierou, an doureier red a vel hag a lez.
18 Renta a raio ar freuz euz he labour, ha ne lounko ket anezhan ;
Distrei a rafont en muzur dezhan euz ar pez hen devezo dastumet, ha n’en em laouena ket.
19 Abalamour ma hen deuz gwasket, dilezet ar paour,
Pillet he di, el lec’h he zevel ;
20 Abalamour ma n’hen deuz ket anavezet diskwiz he c’hoant,
Na zavetao netra euz ar pez hen deuz c’hoanteet kement ;
21 Netra na dec’he euz he zebroni,
Dre ze he eur vad na bado ket.
22 En leunder ar founusder, e vezo en dienez ;
Daouarn ar re ezomek en em daolo varnezhan.
23 Eruout a raio penaoz evit leunia he gof,
’’Doue’’ a gaso a enep dezhan tan he goler ;
He lakaat a raio da gweza varnezhan ha da vont en he gik.
24 Tec’hel a raio dirag an armou houarn,
Ar gwarek arem a dreujo anezhan.
25 Tenna a raio ’’ar viren’’,
Hag e teuo euz he gorf, hag an houarn lugernuz euz he avu ;
Spounchou ar maro a zeuo varnezhan.
26 An holl c’hlac’hariou a zo lakeat a du evit he denzoriou,
Eun tân pehini na vezo ket ezom da c’hweza a zevoro anezhan,
Hag ar pez a choumo en he danten a vezo kuzumet.
27 An envou a zizoloou he fallentez ;
Hag an douar en em zavo en he enep.
28 Leve he di a vezo kaset kwit.
Pep tra a dec’ho en deiz ar goler.
29 Honnez eo al loden a laka Doue a du d’an den fall,
Hennez eo an heritach a ro Doue dezhan.

21 JOB a gemeraz ar gomz, hag a lavaraz :

2 Selaouet piz va c’homzou,
Ha ra zalc’ho ze lec’h d’in euz ho tic’hlaclario !
3 Va lezit, ha me a gomzo ;
Ha, goude ma em bezo komzet, te a raio goab.
4 Mes ha da eun den eo he kasan va c’hem ?
Ha penaoz na golfen ket pep pasianted ?
5 Sellit ouzin, ha bezet souezet,
Ha likiit ho torn var ho kenou.
6 Pa sonjan en kement se, ez oun kollet,
Hag eur ienien a grog em c’hig.
7 Perag e vev ar re fall,
He kosaont, hag e kreskont en nerz ?
8 Ho lignez en em sav dirazhei,
Hag ho bugale a zo dindan ho daoulagad.
9 Ho ziez a zo en peoc’h, en mir euz an doujans,
Ha goalen Doue n’ema ket varnezhei.
10 Ho c’holle n’ema biken dic’hallout,
Ho ouner a ro he loe ha na ziforc’h ket.
11 Lakaat a reont ho bugale da redek araog dezhei evel eun tropel,
Hag ho lignez a lamp.
12 Kana a reont gant an taboulin hag an delen,
En em ieat a reont euz son ar biniou,
13 Tremen a reont ho deiziou en eurvad,
Hag e tiskennout er bez en eur pennad.
14 Ha koulskoude ho deuz lavaret da Zoue : Pella ouzomp-ni,
Na fell ket deomp anaout da henchou.

15 Piou eo an Holl-C’halloudek, evit ma servichfemp anezhan ?
Ha petra a c’hounefomp-ni o pedi anezhan ?
16 Setu, ho eur-vad, ha n’ema-hen ket en ho daouarn ?
(Ra vezo kuzul an den fall pell ouzin !)
17 Ped gwech en em gav ma voug lamp
An dud fall, ma teu ho distruj varnezhei,
Ma loden Doue ho lod grinthei er goler,
18 Ma vent evel ar plouz euz c’houez an avel,
Hag evei ar pell zavet dre an tempest ?
19 Lavaret a ret : Doue a vir ar boan d’he vugale ;
Mes ra gastio anezhan he unan evit ma santo !
20 Ma welo gant he zaoulagad he unan he zistruj,
Ra evo koler an Holl-Galloudek !
21 Rag, petra a ra he di dezhan he c’houde,
Pa eo lamet he viziou ?
22 Ha kelen a refer ar wiziegez da Zoue,
Hen pehini a varn ar re a zo zavet ?
23 Unan a varv en kreiz ar founusder,
En he holl eaz hag hen diskwiz.
24 He flankou a zo leuniet a lard,
Hag he eskern a zo gwalc’het a vel ;
25 Unan all a varv en c’hervder he ine.
Hep beza biskoaz taveet an eurvad :
26 Gourvezet int asamblez er boultren,
Hag ar prenved ho golo.
27 Setu, anaout a ran he sonjou,
Hag ar c’hoantou a ret a enep d’in.
28 Rag lavaret a ret : Pelec’h ema ti an den pinvidik,
Ha pelec’h ema tanten, choumach an den fall ?
29 N’hoc’h euz biskoaz groet goulen ebet euz ar beajourien,
Ha n’hoc'h euz-hu ket anavezet, dre ho zesteniou,
30 Penaoz en deiz ar glac’har, an den fall a zo esperniet,
Hag en deiz ar fuloriou, eo pelleet.
31 Piou a ziskwel dirazhan he gundu,
Ha piou a ro dezhan ar pez hen deuz groet ?
32 Douget eo d’ar bez, ha var an douaren he veill choaz.
33 Moudred an draounien a zo skanv dezhan ;
Var he lerc’h he teu en eur rengen an holl dud,
Ha dirazhan ar vanden a zo hep niver.
34 Penaoz eta he roet-hu d’in dic’hlac’hariou vên ?
Euz ho respountchou. ar pez a van eo ar faosentez.

22 NEUZE Elifaz, euz Theman, a gemeraz ar gomz, hag a lavaraz :

2 Ha beza eo util an den da Zoue ?
Dezhan he unan eo util an den fur.
3 An Holl-C’halloudek, hag interest Hen deuz e vefez-te gwirion ?
Gounit a ra eun dra benag ma valefez-te en eeünder ?
4 Dre aoun ouzit eo, e repren ac’hanout,
Hag ez a en barnedigez ganez ?
5 Da fallentez ha n’eo ket bras,
Ha da zroukiou n’ema-int ket hep niver ?
6 Goulen a reez gobrou digant da vreudeur hep abek ;
Privet ez poa euz ho dillad ar re a oa en noaz.
7 Na rojez ket dour da eva d’an den sec’hedik,
Ha na roez ket a vara d’an den ezomek.
8 Livret ez poa an douar d’an hini a oa galloudek,
Hag an hini euz pehini he reaz van a choume ennhan.
9 Kas a reaz kwit en gollo an intanvezed,
Ha divrec’h ar vinored a oa bruzunet.
10 Abalamour da gement se ema ar pechou en dro d’id,
Ma teu eur spouron vuhan varnout,
11 Pe e c’harz an devalijen ac’hanout da welet,
Hag e lounk divord an doureier achanout.
12 Doue ha n’ema-Hen ket d’an neac’h aze en envou ?
Zell euz tâl ar stered ; pegen huel int !
13 Ha te ec’h euz lavaret : Petra a anavez Doue ?
Barna a raio adreuz an devalijen?
14 Ar goabrennou a zo evithan eur gwel, ha ne wel netra ;
Pourmen a ra var goarek en envou.
15 Fellout a ra d’id heul an hent koz,

En pehini ho deuz baleet an dud fall,
16 Pere a zo bet lamet araog an amzer,
Hag a bere eur rivier he deuz dizouget ar zol,
17 Pere a lavare da Zoue : Pella ouzomp !
Ha petra Hen doa groet an Holl-C’halloudek dezhei ?
18 Leuniet Hen doa ho ziez a vadou !
(Ah ! pell ouzin kuzul ar re drouk !)
19 Ar re wirion hen gwelo hag en em laouenao ;
An didamall a raio goab anezhei :
20 A-dra-zur hon enebour a zo bet distrujet ;
An tân hen deuz devoret ar pez choume anezhan.
21 En em stak eta outhan, hag e vezi en peoc’h,
Hag e c’hoarvezo vad ganez.
22 Kemer ar gelennadurez euz he c’henou,
Ha laka he gomzou en da galoun.
23 Mar distroez d’an Holl-C’halloudek, e vezi adsavet :
Pella an drouk euz da danten,
24 Taol an aour er boultren ;
Hag aour Ofir en reier an dour red,
25 Hag an Holl-C’halloudek a vezo da aour,
Beza e vezo evidout arc’hant ha tenzoriou.
26 Rag neuze e ri da blijaduriou en Holl-C’halloudek,
Hag e savi da vizach var zu Doue.
27 He bedi a ri, hag e selaouo ac’hanout,
Ha te a roio da westlou dezhan.
28 Mar rez eur c’hoant, e teui a ben outhan,
Hag ar sklerijen a lugerno var da henchou.
29 Pa vezo izeleet unan benag, ha pa lavari : Ma vezo savet !
Doue a zelivro an hini hen doa he zaoulagad izeleet.
30 Delivra a raio ar c’houpabl,
Delivret e vezo gant purete da zaouarn.

23 JOB a gemeraz ar gomz, hag a lavaraz :

2 Brema c’hoaz va c’hlem a zo eun dismac’h,
Ha koulskoude va dorn a zalc’h va huanadou.
" Oh ! ma wejen pelec’h he gaout,
Ez ajen bete he drôn,
4 Lakaat a rajen va c’homz dirazhan,
Hag e leunjen va genou a breuvennou ;
5 Anaout a rafen ar pez a respountfe d’in,
Hag e komprenfen ar pez a lavarfe d’in.
6 Ha stourm a rafe ganen en braster he nerz ?
Nan, zoken e lakafe evez ouzin.
7 Beza e vefe neuze eur just pehini a gomzfe ganthan,
Ha me a vefe pardounet evit biken gant va barner.
8 Setu ama, mar d’an d’ar savheol, n’ema ket eno ;
Mar d’an d’ar c’husheol, n’hen dizoloan ket.
9 En hanter-noz ema, ne welan ket anezhan.
En em guzet a ra er c’hreisteiz, n’hen gwelan ket.
10 Anaout a ra an hent em euz heuliet ;
Ra amprouvo ac’hanoun, hag ez in er meaz evel an aour.
11 Va zroad a zo stag euz va faziou,
Miret em euz he bent, ha n’oun ket en em distroet outhi.
12 N’oun ket en em belleet euz gourc’hemen he vuzellou,
Miret em euz komzou he c’henou muoc’h evit va bolonte.
13 Mes n’hen deuz nemert eur sonj ; pehini hen laka da zistrei ?
Ar pez a c’hoanta he galoun, he ra anezhan.
14 Achui a raio ar pez a fell dezhan ennoun,
Ha beza e zo er spered kalz a draou all henvel euz houma.
15 Abalamour da ze he brezans a spouron ac’hanoun ;
Pa sonjan, em euz aoun outhan.
16 Doue Hen deuz gwakeet va c’haloun,
Hag an Holl-C’halloudek Hen deuz spouronet ac’hanoun.
17 Rag n’oun ket bet lamet kwit araog eru an devalijen,
He n’euz ket pelleet euz va fas an devalijen.

24 Perag n’hen deuz ket a amzer lakeat a du gant an Holl-C’halloudek ?
Ha perag ar re a anavez anezhan na welont-int ket he zeiziou ?
2 Finval a reer an harzou ;
Laerez a reer an tropellou, hag ho lekeer da beuri ;
3 Digas a reer azen ar vinored,
Kemer a reer evit gobr ijen an intanvez ;

4 Ober a reer d’ar beorien pellaat euz an hent,
Ha re ezomek ar vro a zo oblijet d’en em guzet.
5 Setu, emaint en distro evel ezen gwez ;
Mont a reont er meaz d’ho labour, oc’h esperout eur preiz ;
An distro a ro dezhei ar bara evit ar vugale.
6 Medi a reont ho feuri er parkeier,
Laerez a reont en gwinien an den fall ;
7 Tremen a reont an noz en noaz, dre vank a zillad,
Ha n’ho deuz ket peadra d’en em c’holo a enep ar ienien ;
8 Treujet int gant glao ar meneziou,
Hag, hep boden, e vriatont ar roc’h.
9 Diframa a reer ar minor euz ar vrôn,
Kemer a reer gobrou var ar paour,
10 Ober a reer dezhan bale en noaz, hep dillad,
Lakaat a reer ar re naounek da zougen ar foueskenou.
11 Ar re a wask an eol en ho ziez,
Ar re a wask er presouerou, ho deuz sec’het.
12 Euz kreiz kear ar re varo a c’harm ;
Ine ar re vleset a gri ; -
Doue ne ra van ebet euz ho fallentezou !
13 Setu ama reou all pere en em zav a enep ar sklerijen,
Pere ne anavezont ket he henchou,
Ha n’en em dalc’hont ket en he wenojennou.
14 Al lazer a zav da c’houlou deiz ; laza a ra ar paour hag an ezomek,
Hag, en noz, e laer evel eul laer.
15 Lagad an avoultr a spi d’an abardae ;
Lavaret a ra : Lagad ebet n’am gwelo,
Hag e kuz he vizach.
16 Digerri a ra an tiez en devalijen,
En em derc’hel a reont zerret en deiz,
Na ouzont ket petra eo ar sklerijen.
17 Rag ar beure a zo dezhei holl evel skeud ar maro ;
Mar anavez unan benag anezhei, ho deuz spounchou marvel.
18 Mont a reont kwit evel eur c’horf skanv var c’horre an dour ;
Ho heritachg a zo milliget var an douar ;
Na gemeront ken hent ar gwiniennou.
19 Ar sec’hour hag an domder a guzum doureier an erc’h ;
Evel se ar bez a zevor ar re a bec’h.
20 Ar c’hov ho dougaz ho ankwezaz ; ar prenved a ra ganthei ober vad ;
Ne vez ken sonj anezhei ;
An den fall a zo bruzunet evel koad.
21 Hen pehini a drubulie ar vreg dibrodu, hep bugale,
Ha ne rea vad ebet d’an intanvez ;
22 Pehini a skleje ar re c’halloudek dre he nerz ;
Pehini a zave ha nikun ne oa zur euz he vuez :
23 Doue a roe dezhan zurdeed, hag en em harpe ;
Hag he zaoulagad a oa var ho henchou.
24 En em zavet e oant : eun nebeut c’hoaz, ha n’ema int ken ;
Plega a reont, hag int kaset kwit evel ar re all ;
Troc’het int evel penn eun damoezen.
25 Ma n’ema ket evel se, piou a gendrec’ho ac’hanoun a c’haou,
Hag a lakao en netra va c’homzou ?

25 HA Bildad, euz Shuak, a gemeraz ar gomz, hag a lavaraz :

2 Ar galloud hag ar spount a zo dezhan,
Lakaat a ra ar peoc’h da ren en he lec’hiou huel.
3 He vandennou hag int a hell beza niveret,
Ha var biou ne sav ket he sklerijen ?
4 Ha penaoz e vefe an den gwirion dirag Doue ?
Ha penaoz he vefe pur an hini a zo ganet euz ar vreg ?
5 Setu, al loar zoken a zo hep sklerder,
Hag ar spered n’int ket pur dirag he zaoulagad.
6 Pegement mui an den pehini n’eo nemert eur prenv,
Ha mab an den pehini n’hen d’eo nemert eur vuzugen

26 JOB a gemeraz ar gomz, hag a lavaraz :

2 Evel ma ec’h euz sikouret an hini a oa hep nerz !

Evel ma ec’h euz sikouret ar vrec’h hep nerz !
3 Evel ma ec’h euz kelennet an den hep skiant,
Ha roet da welet founusder da furnez !
4 Da biou ec’h euz diskleriet da gomzou ?
Hag euz piou eo ar spered a zo deuet ac’hanout ?
5 Ar skeudennoub a gren dindan an doureier,
Hag ar re a choum ennhei.
6 Ar bez a zo en noaz dirazhan,
Hag an dounder a zo hep gwel.
7 Asten a ra an hanter-noz var ar gollo,
Hag e divil an douar var an netra.
8 Dastum a ra an doureier er c’houmoul,
Hag ar goabren na skleri ket dindan ho fouez.
9 Golo a ra fas he droll,
Displega a ra dreist ar goabren,
10 Merka a ra eur c’helc’h var an doureier,
El lec’h ma en em dap ar sklerijen gant an devalijen.
11 Peuliou an envou a zo bransellet,
Hag en em zouez euz he c’hourdrouz.
12 Gant he nerz, e sav ar mor ;
Ha dre he ijin, e vruzun ar re dizent galloudegusa.
13 He halan a rent an envou pur ;
He zorn a dreuz an aerouant reduz.
14 Ar re ze n’int nemert kosteziou he henchou ;
Pegen dinerz eo an drouz a zeu a gement se d’hon skouarn !
Ha piou hello klevet kurun he c’halloud ?

27 HA Job a gendalc’haz he gomzou prederiuz, hag a lavaraz :

2 Dre an Doue pehini hen deuz lekeat va droet a gostez,
Dre an Holl C’halloudeg pehini Hen deuz leuniet va ine a c’hwervder,
3 En keit ha ma vano va halan ganen,
En keit ha ma vezo spered Doue em franiou,
4 Va muzellou na zisklerifont netra a zireiz,
Ha va zeod na lavaro netra a faoz.
5 Pell ouzin ar sonj da rei rezon deoc’h !
Bete va diveza huanaden, n’en em diwiskin ket euz va eeünder.
6 Kendalc’het em euz va reizder, ha na zinerzin ket :
Va c’hounsians na rebech d’in hini euz va deiziou.
7 Ra vezo va enebour evel an den fall,
Ha va stourmer evel an den direiz.
8 Rag pehini e vezo esperans an den fall,
Pa lamo Doue, pa lamo Doue he ine ?
9 Doue ha klevet a raio he glemmou,
Pa zeuo an dristidigez varnezhan ?
10 Ha kaout a raio he blijadur en 1Holl-C’halloudeg ?
Ha pedi a raio Hen Doue en pep amzer ?
11 Kelen a rin deoc’h penaoz e ra Doue,
Ha ne guzin ket ouzoc’h sonj an Holl-C’halloudeg.
12 Setu, c’hwi oc’h unan holl, oc’h euz gwelet an traou ma,
Ha perag eta en em lezet da vont d’ar sonjou ven ze ?
13 Setu al loden a laka Doue a dre evit ar re fall,
Hag an heritach ho deuz ar violant digant an Holl-C’halloudeg.
14 Mar kresk he vugale, eo evit ar c’hleze ;
Hag he ras ne vezo ket leuniet a vara.
15 Ar re a vevo he c’houde a vezo sebeliet gant ar vosen,
Hag ho intanvezed na welfont ket dezhei.
16 Ra zastumo arc’hant evel ar boultren,
Ra vernio dillad evel fank,
17 Bernia a raio, hag an den just en em wisko,
Hag an didamall a lodenno he arc’hant.
18 Sevel a ra dezhan eun ti evel hini an tign,
Evel lochen an diwaller gwiniennou.
19 Kousket a ra, pinvidik, hag eo evit ar wech diveza ;
Digerri a ra he zaoulagad, ha n’ema ken ;
20 Ar spounchou a grog ennhan evel an doureier divorded ;
An tempest a laer anezhan en noz.
21 Avel ar savheol hen dizoug, hag ez a kwit ;
Tenna a ra anezhan euz he lec’h evel eur c’hemesk.

22 An Aotrou a daol varnezhan he virou, ha na espern ket anezhan ;
Tec’hel a ra euz he holl nerz dirag he zorn.
23 Strakel a reer an daouarn a enep dezhan ;
He gas a reer kwit a daoliou c’hwitel.



28 An arc’hant hen deuz lec’hiou a bere he ve tennet,
Hag an aour plasou el lec’h ma vee neteet.
2 An houarn a ve tennet euz ar boultren,
Hag ar mean teuzet a ro an arem.
3 An den a freuz an devalijen ; Klask a ra, beteg an harzou pella,
Ar mean a zo en devalijen ha skeud ar maro.
4 Toula a ra eur punz, pell euz an dremenidi ;
Oc’h ankouez he dreid, eo taolet kwit
Ha bransellet pell euz an dud.
5 Euz an douar eo he teu ar bara,
Hag eo kemesket, en he dounderiou, evel gant an tân.
6 He reier eo choumach ar safir,
Hag eno he kaver ar poultr aour.
7 Lapous ar preiz ne anavez ket an hent di,
Ha lagad ar milan n’hen dizolo ket.
8 Am loened gouez n’ho deuz ket baleet ennhan,
Al leon n’eo ket tremenet dre eno.
9 An den a laka he zorn var ar granit ;
Kemesk a ra ar meneziou beteg ho zoliou.
10 Kizella a ra aleou er reier,
Hag he lagad a zizolo kement a zo a brisiuz.
11 Herzel a ra diveradur an doureier,
Hag e tiskouez ar pez a oa kuzet.
12 Mes ar furnez, pelec’h e vezo kavet ?
Pelec’h ema al lec’h euz he skiant ?
13 An den ne anavez ket he friz,
Ha n’ema ket en douar ar re veo.
14 An dounder a lavar : N’ema ket ennoun ;
Hag ar mor a lavar : N’ema ket ganen.
15 Ne ve ket roet evit aour fin,
Na ve ket prenet euz pouez an arc’hant.
16 Na ve ket lakeat en balans gant aour Ofir,
Na gant an oniks prisiuz, na gant ar safir
17 Na ve ket henvellaet gant an aour na gant ar gwer.
Ha na ve ket troket euz besellou aour pur ;
18 Na gomzer nag euz ar c’horail, nag euz ar c’hristal,
Ha perc’henni ar furnez a dal mui eged perlezennou.
19 Na ve ket henvellaet euz topazen an Ethiopi ;
Na ve ket lakeat er valans gant an aour ar fina.
20 Mes ar furnez, a belec’h e teuo ?
Ha pelec’h ema choumaj ar skiant ?
21 Kuzet eo dirag daoulagad an holl re veo ;
En em laerez a ra dirag lapoused an envou.
22 Ar poull hag ar maro a lavar :
Diouskouarn hon deuz da glevet komz outhi.
23 Doue eo a anavez he hent ;
Hen eo an hini a anavez he choumaj.
24 Rag sellet a ra, Hen, beteg harzou ar bed ;
Gwelet a ra dindan an holl envou.
25 Pa roe d’an avel he bouez,
Pa boueze ha pa vuzure an doureier,
26 Pa roe eul lezen d’ar glao,
Hag eun hent da luc’heden ar c’hurunou,
27 E welez anezhi neuze hag e diskleriaz ;
E lakeat a reaz, ha zoken he furchaz anezhi ;
28 Goude e lavaraz d’an den :
Setu, doujans an Aotrou, eo ar furnez,
Hag en em distrei euz an drouk, eo ar skiant.

29 JOB a gendalc’h he gomzou prederiuz, hag a lavaraz :

2 Oh ! perag n’hen d’oun ken evel er miziou gwech all,
Evel en deiz ma tiwalle Doue ac’hanoun,
3 Pa lugerne he c’houlaouen var va fenn,
Pa valeen euz he sklerijen en devalijen ;
4 Evel en deiziou va diskar-amzer ;
Pa veille karante Doue var va zanten
5 Pa oa an Holl-C’halloudeg c’hoaz ganen,
Ha ma oa ma zud iaouank en dro d’in ;
6 Pa welc’hen va zreid el leaz,
Ha pa deuze ar roc’h tost d’in en skuliadurez eol !

7 Pa ez een er meaz evit mont da zor kear,
Ha ma lakeen kempen d’in eur gador el lec’hiou publik,
8 Ar re iaouank, o welet ac’hanoun, a dec’he ;
Ar re goz a zave hag en em dalc’he en ho za.
9 Prinsed a baoueze da gomz,
Hag a lakae ho dorn var ho genou.
10 Mouez ar chefou en em vouge,
Hag ho zeod a stage euz ho staoun.
11 Rag ar skouarn am c’hleve am disklerie euruz,
Al lagad a wele ac’hanoun a roe testeni d’in.
12 Rag delivra a reen an ezomek pehini a grie,
Hag ar minor pehini n’hen doa den d’he zouten.
13 Bennoz an nep a iea da vervel a gweze varnoun,
Hag e lakeen kaloun an intanvez da gana gant joa.
14 En em wiska a reen a reizder, hag hi en em wiske ac’hanoun
Va eeünder oa va mantel ha va zok.
15 Daoulagad an dall e oan.
Ha treid ar c’ham.
16 Tad ar beorien e oan,
Hag e studien mad koz an diaveziad.
17 Bruzuni a reen janveden an den direiz,
Hag e lamen ar preiz euz a dre he zent.
18 Hag e lavaren : Mervel a rin gant va nez,
Ha niveri a rin va deiziou evel ar feniks,
19 Va grizien a vezo lekeat en dour,
Hag ar c’hlizen a dremeno an noz em brankou.
20 Va gloar a adnevezao ennoun,
Ha va goarek en em nerzo em dorn.
21 Selaou a ret ac’hanoun, va gortoz a reat,
Hag e tavet, bete ma em bije roet va ali.
22 Goude ma em bije komzet, na respountet ken,
Ha va gir a zivere taken ha taken varnezhei.
28 Va gortoz a reent evel ar glao,
Hag e tigorent ho genou evel evit eur bared divezad.
24 C’hoarzin a reen pa vijent disesperet ;
Ha na wasaent ket zederded va bisach.
25 Karout a reen mont ganthei, hag e c’hazeen en ho fenn ;
Azeza a reen evel eur roue en kreiz he c’harded,
Evel eun dic’hlac’harer en kreiz ar re ezomek.



30 Mes, brema, tud iaouankoc’h evidoun a ra goab ouzin,
Tud a bere na vije ket fellet d’in lakaat an tadou gant chas va zropel.
2 Ha petra em bije gallet ober euz nerz ho daouarn ?
Ennhei e oa kollet pep nerz.
3 Dinerzet dre ar gernez hag an naoun,
E peuront al lec’hiou sec’h, adaleg pell zo glac’haret ha distro.
4 Dastum a reont ar ieot gwez tost d’ar girzier,
Ha griziou ar balen eo ho boned.
5 Kas a reer anezhei kwit euz a douez an dud ;
Krial a reer var ho lerc’h evel var lerc’h eul laer ;
6 Choum a reont en douriou red euzuz,
En toullou en douar hag entouez ar reier.
7 Klevet a reer anezhei o vleujal er vodennou,
En em asten a reont touez-touez dindan an askol ;
8 Ras fall, ras hep hano,
Pehini a oa bet kaset kwit euz ar vro !
9 Ha brema oun en abek d’ho zoniou,
Hag he ran an dra euz ho c’homzou.
10 Eûz ho deuz ouzin, pellaet a reont ouzin ;
Ha n’ho deuz ket aoun evit kranchet em bisach.
11 Dre ma Hen deuz Doue distiniet korden va gwarek hag izeleat ac’hanoun,
Ijet ho deuz pep brid dirazoun.
12 Ar ras se a sav a zeou d’in ;
Bouta a reont va zreid ;
Ober a reont em enep henchou evit noaz d’in ;
13 Terri a reont va hent,
Zikour a reont va distruj,
Int da bere den na gase sikour.
14 Eruet a reont evel dre eur freuzaden ledan,
En em deurel a reont en kreiz an drouz.
15 An holl spouroniou a dro em enep,
Kenredek a reont va lignez evel an avel,
Ha va eurvad a dremen evel eur goumoullen !

16 Ha brema va ine a deuz ennoun,
Deiziou va glac’har ho deuz va zapet ;
17 An noz a dreuj va eskern
Hag a zistak anezhei, hag a re a grin ac’hanoun na gouskont ket.
18 Dre ar violans vras euz va drouk, va dillad en em dizoare ;
Zerri a ra ac’hanoun evel kolier va zuniken.
19 Doue Hen deuz taolet ac’hanoun er fank,
Hag oun henvel ens ar boultren hag al ludu.
20 Krial a ran d’id, ha na respountez ket ;
En em derc’hel a ran em za dirazhan, ha te a evesa ac’hanoun !
21 Deuet out da veza kruel evidoun me :
Herzel a rez ouzin gant holl nerz da vrec’h.
22 Va zevel a rez, va lakaat da vale var an avel,
Hag em lakao da euzi en drouz euz an tempest.
23 Ia, anaout a ran penaoz e kasez ac’hanoun d’ar maro,
Hag en choumach, el lec’h ma en em gav an holl re veo.
24 Nemert, ne astenner ket an dorn en kreiz an distruj ?
Hag, en he c’hlac’har, ha ne helfer eta ket leuskel eur griaden ?
26 Na welfen me ket var an den pehini a dremen deiziou fall ?
Va ine ha ne oa hen ket glac’haret abalamour d’ar paour ?
26 Gortozet em euz an eurvad, hag an droukeur a zo en em gavet.
Gortoz a reen ar sklerijen, hag an devalijen a zo deuet.
27 Va bouzellou a verv hep ehan ;
Deiziou ar glac’har a zo deuet varnoun.
28 Bale a ran duet holl, ha nan gant an heol.
Sevel a ran en asamble, hag he krian.
29 Deuet oun da vreur d’ar chakaled,
Ha kensort an otruched.
80 Va c’hroc’hen a zua hag a gwez.
Va eskern a zo devet gant an derzien.
81 Va zelen a zo troet en kanvou,
Ha va luth en mouez daerou.



31 Groet em boa eur marc’hed gant va daoulagad ;
Ha penaoz em bije sellet euz eur werc’hez ?
2 Rag pez loden Hen dije Doue groet d’in euz kreac’h,
Ha pez heritach Hen dije an Holl-C’halloudeg digaset d’in euz an envou ?
3 Ar glac’har ha n’ema-hen ket evit an den fall,
Hag ar boan evit ar re a ra an drougiez ?
4 Na welont int ket holl va c’hundu,
Ha na niveront int ket va faziou ?
5 Mar em euz baleet er gevier,
Ha mar hen deuz va zroad hastet troumpla,
6 Ma pouezo Doue ac’hanoun en balansou gwirion
Hag ec’h anavezo va eeünder.
7 Mar d’euz va zreid distroet euz an hent,
Ha mar hen deuz va c’haloun heuliet va daoulagad,
Ha mar deuz eul louzouni benag en em staget euz va daouarn,
8 Ma hadin hag unan all a zebro,
Ha ma vezo va bodou dic’hriennet !
9 Mar d’eo bet va c’haloun troumplet gant eur vreg benag,
Ha mar em euz iedet en tal dor va nesa,
10 Ra friko va greg ar greun evit unan all,
Ha ma en em lekea reou all a uz dezhi.
11 Rag ze a zo eun drougiez rag sonjet,
Eun drougiez kastiet gant ar varnerien.
12 Eun tân eo pehini a zevor beteg an distruj leun,
Pehini hen dije distrujet va holl vadou en ho grizien.
13 Mar em euz disprijet droet va zervicher pe va zervicherez,
Pa ho deuz stourmet ganen,—
14 Ha petra a rin, pa zavo Doue,
Ha pa c’houlenno kount ouzin, petra a respountin dezhan ?
15 An hini hen deuz groet ac’hanoun en kov va mam, ha n’hen deuz ket ive groet anezhan ?
Eur memeuz krouer ha n’hen deuz hen ket greet ac’hanomp en kov ar vam ?
16 Mar em euz tremenet hep rei d’ar beorien ho goulen,
Mar em euz lezet daoulagad an intanvez d’en em guzumi,
17 Mar em euz debret va unan va zam,
Ha ma n’hen deuz ket debret an emzivad outhan,—
18 A-dra-zur, adaleg va iaouankiz, hen deuz kresket tost d’in evel tost da eun tad,

Hag adaleg kov va mam, oun bet rener an intanvez,—
19 Mar em euz gwelet eun den o vervel hep dillad,
Hag ar paour hep golo ;
20 Ma n’ho deuz ket he groazellou va benniget,
Ha ma n’eo ket bet tomet gant touz va oaned ;
21 Mar em euz savet va dorn a enep an emzivad,
Abalamour ma en em welen harpet euz an nor ;
22 Ra gwezo va skoaz euz va gil,
Ha ma vezo va, brec’h torret ha pelleet euz an askorn !
28 Rag ar spount o veza varnoun gant glac’har Doue,
Ha na hellin ket pad dirag he vajeste.
24 Mar em euz lekeet en aour va fizians,
Ha mar em euz lavaret d’an aour fin : Te eo va zurded ;
25 Mar em euz en em laouenaet euz ma oa bras ma leve,
Hag euz ma hen doa va dorn prenet kalz ;
26 Mar, o welet an heol o lugerni
Hag al loar o vont araog manifik,
27 Va c’haloun hen deuz lezet troumpla ac’hanoun en kuz,
Ha mar hen deuz va dorn kaset pokou
28 (Ar pez a zo ive eun drougiez kastiet gant ar barner,
Rag eun nac’hentez euz an Doue d’an neac’h eo) ;
29 Mar d’oun en em laouenaet euz gwalheur va enebour,
Mar em euz lampet a joa pa hen deuz ar gwalheur tapet anezhan
30 (N’em euz ket lezet va zeod da bec’hi,
O c’houlen he varo en malloziou) ;
31 Ha ma n’ho deuz ket lavaret tud va zi :
Pelec’h ez zo unan benag ha na vefe ket bet gwalc’het gant he gig ?
32 (An diaveziad na dremene ket an noz er meaz ;
Digerri a reen va dor d’ar beajour) ;
33 Mar em euz kuzet, evel Adam, va fec’hejou ;
Mar em euz lakeat va zorfet em bruched,
34 Abalamour ma toujen ar bobl,
Ha ma em boa aoun rag disprij ar famillou,
En hevelep doare ma choumen zioul ha na greden ket treuzi an nor...
35 Oh ! ma selaouje unan benag ac’hanoun ! . . .
Setu va zin : Ra respounto an Holl-C’halloudeg d’in,
Ha ma skrivo va enebour he envor !
36 Touet a ran e tougin anezhan var va diouskouaz,
He staga a rin varnoun evel eur gurunen,
37 Diskleria a rin an niver euz va faziou,
Tostaat a rin dezhan evel da eur prins.
38 Mar kri va douar em enep,
Ha mar gwel va irvi ganthi ;
39 Mar debran va frouez hep beza he baeet,
Mar lakaan renta an ine d’he vestrou,
40 Ra roio drein el lec’h gwiniz,
Ha draok el lec’h heiz !

Setu ar fin euz a gomzou Job.

32 NEUZE an tri den ze a baouezaz da respount da Job, abalamour ma krede e oa eeün.

2 Hag Elihu,mab Barakeel, Buzit, euz famil Ram, en em lekeaz en eur goler vras a enep Job, abalamour ma en em reize he unan dirag Doue. 3 En em lekeat a reaz ive en koler euz he dri vinion, abalamour ne gavent netra da respount, ha koulskoude ho doa barnet Job. 4 Hag Elihu hen doa gortozet evit komz da Job ma ho dije int komzet, abalamour ma oant kosoc’h evithan. 5 Elihu, o welet n’ho doa an tri den ze respount ebet en ho genou, en em lekeaz en koler.

6 Hag Elihu, mab Barkeel, Buzit, a gemeraz ar gomz, hag a lavaraz :

Me a zo iaouank ha c’hwi a zo koz,
Evel se em euz doujet, ha n’em euz ket kredet rei va ali.
7 Lavaret a reen : An deiziou a gomzo,
Hag an niver bras euz ar bloaziou a roio da anaout ar furnez.
8 Mes an spered a zo en dud,
Halan an Holl-C’halloudeg eo a ro skiant.
9 N’eo ket ar re ena a zo fur ;
N’eo ket ar re goz a gompren ar pez a zo gwirion.
10 Dre ze e lavaran : Selaou ac’hanoun ;

Ma lavarin ive va ali, me ive.
11 Setu, em euz klevet ho komzou,
Selaouet ho rezoniou,
Bete ma ho pije evesaet mad komzou Job.
12 Heuliet em euz ac’hanoc’h gant evez,
Ha setu, nikun ac’hanoc’h n’euz kendrec’het Job,
Nikun n’euz respountet d’he gomzou.
13 Na leveret ket : Ni hon euz kavet ar furnez!
Doue hepken hen lakao en tec’h, ha nan eun den.
14 Neuz ket kaset he gomzou a enep d’in,
Ha na respountin ket dezhan d’ho toare.
15 Mezeg int ! Na respountont ken,
Lamet eo uzach ar gomz diganthei !
16 Gortozet em euz :
Pa ne gomzont ken, ma en em dalc’hfont aze hep respount,
17 Me a respouto, me ive, evit va lod.
Lavaret a ri va ali, me ive,
18 Rag leuniet oun a gomzou ;
Ar spered a zo em bruched am gwask.
19 Setu, va bruched a zo evel eur gwin hep red,
Mont a ra da freuza evel outrennou nevez.
20 Me a gomzo eta hag en em zoulajin,
Digerri a rin va muzellou hag e respountin.
21 Ra na eruo ket ganen da veza tuek,
Ha da veuli piou benag a vefe.
22 Rag na ouzon ket drouk veuli :
Ma c’houer ha n’am savfe hen ket prestik !



33 Mes te, o Job, zelaou va c’homzou,
Ha prest skouarn d’am holl giriou.
2 Setu, e tigoran ar genou,
Ma zeod a gomz em staon.
3 Ma c’homzou a zisklerio eeünder va c’haloun ;
Va muzellou a lavaro gant frankiz ar pez a ouzon.
4 Spered Doue eo Hen deuz groet ac’hanoun ;
Halan an Holl-C’halloudeg pehini hen deuz roet ar vuez d’in.
5 Mar gallez, respount d’in ;
Stourm ouzin en fas, hag en em dalc’h mad.
6 Setu ez oun egal d’id dirag Doue.
Me ive a zo bet tennet euz ar fank, me ive.
7 Setu, va spouron na drubulio ket ac’hanout,
Ha va majeste na bouezo ket varnout.
8 En gwirione, ec’h euz lavaret d’am diouskouarn,—
Hag em euz klevet son da gomzou :—
9 Me a zo pur, hep pec’hed ;
Net oun, ha n’euz drougiez ebet ennoun.
10 Setu, Doue a glask stourmadeg ennoun,
Derc’hel a ra ac’hanoun evit he enebour ;
11 Lakaat a ra va zreid en hualou,
Hag ec’h evesa euz va holl finvadegou.
12 Setu, en kement se, n’out ket bet gwirion, a respountin d’id ;
Rag Doue a zo brasoc’h evit an den.
13 Perag ec’h euz-te pledet a enep dezhan ?
Na rent ket kount euz ar pez a ra.
14 Doue a gomz koulskoude eur wech,
Diou wech, mes na lakeer ket evez a gement se ;
15 En huvre, dre welidigezou noz,
Pa gwez ar c’housket var an dud,
Enpad ma kouskont var ho gwele ;
16 Neuze he tigor skouarn an den,
Hag e laka ar ziel var he c’hourdrouzou,
17 Evit distrei an den euz he labour,
Ha pellaat outhan an ourgouil,
18 Evit diwall he ine euz an poul,
Hag he vuez euz ar c’hleze.
19 An den ive a zo kastiet gant glac’hariou, van he wele,
Dre ar finvadeg kendalc’huz euz he eskern.
20 Neuze he vuez a gemer eûz euz ar bara,
Hag he inee euz ar meuzou ar gwella.
21 He gig en em guzum hag a dec’h ;
He eskern pere ne welet ket a zo lekeet en noaz.
22 He ine a dosta euz ar fos,
Hag he vuez euz ar re a ra mervel.
23 Mar deuz evit an den ze eun el hanterour benag,
Unan entouez mil,
Evit rei da anaout dezhan ar pez a dle ober,
24 Neuze Doue a gemer truez outhan, hag a lavar :
Daspren anezhan ; ma na ziskenno ket en toul ;
Kavet em euz eur ranson !

25 He gig a gemer muoc’h a freskadurez evit en he vugaleach ;
Distrei a ra da zeiziou he iaouankiz.
26 Pedi a ra Doue, ha Doue a zelaou anezhan.
Lakaat a ra anezhan da zellet gant joa euz he fas,
Ha renta a ra he reizder dezhan.
27 Kana a ra en kreiz an dud, hag e lavar :
Pec’het em boa, violet em boa ar reizder,
Ha va foan n’euz ket egalet va fec’hed.
28 Dasprenet Hen deuz va ine, abalamour na gweje ket er pou11,
Ha ma buez a wel c’hoaz ar sklerijen.
29 Setu aze ar pez a ra Doue,
Diou, teir gwech, en kenver an den,
30 Evit digas he ine euz ar poull,
Evit ma vefe skleriet euz sklerijen ar re veo.
31 Bez eveziek, Job, selaou ac’hanoun !
Tav-te, hag e komzin.
32 Mar ec’h euz eun dra da lavaret, respount d’in ;
Komz, rag fellout a ra d’in da reiza.
33 Anez, selaou ac’hanoun ;
Tav-te, ha me a gelenno d’id ar furnez.

34 ELTHU a adkemer ar gomz, hag a lavar :

2 C’hwi, re fur, selaouet va c’homzou ;
Ha c’hwi, tud disket, prestit ho skouarn d’in.
3 Rag ar skouarn a varn euz ar c’homzou,
Evel ma tave ar staon ar pez a dleer dibri.
4 Dibabomp asamblez ar pez a zo gwirion ;
Gwelomp, entrezomp, ar pez a zo mad.
5 Job hen deuz lavaret : Me a zo gwirion,
Mes Doue a laka va droet a gostez ;
6 En despet d’am droet, oun eur gaouiat ;
Va gouli a zo poaniuz, hep ma em befe pec’het.
7 Beza e zo eun den evel Job,
Pehini a ev an drouk peden evel dour,
8 Pehini a vale en unvaniez oberourien an drouk,
Ha pehini a ia gant an dud fall ?
9 Rag lavaret hen deuz : An den na c’houne netra euz en em blijout gant Doue.
10 Dre ze, c’hwi pere hoc’h euz skiant, selaouet ac’hanoun.
Pell euz Doue an drougiez !
Pell euz an Holl-C’halloudeg an direizded !
11 Rei a ra d’an den hervez he oberiou,
Hag e ra da bep hini kaout hervez he gundu.
12 A-dra-zur Doue ne ra ket a zireisted.
An Holl-C’halloudeg na laka ket an droet da blega.
13 Piou eo hen deuz roet dezhan evez an douar ?
Piou hen deuz fiziet ennhan ar bed ?
14 Ma na sonje nemert ennhan,
Ma tenje he spered diganthan, hag he halan,
15 Pep kig a varvje asamblez,
Hag an den a zistroje er boultren.
16 Mar ec’h euz eta skiant, selaou kement se ;
Prest skouarn da zoun va c’homzou.
17 Ha petra ! ha ren a raio an nep a gasao ar reizder ?
Ha barna a rafez-te an hini a zo en gwirione just ?
18 Hen pehini a lavar d’ar rouane,
Drouk ! ha Fall ! d’ar brinsed ;
19 Pehini ne ra van ebet euz ar re vras,
Ha na anavez ket ar pinvidig muoc’h evit ar paour,
Rag holl int labour he zaouarn ?
20 En eun taol e varvfont ;
En kreiz an noz, eur bobl a zo bransellet hag a dremen ;
An den galloudeg a zo dizouget, ha nan gant eun dorn den.
21 Rag daoulagad Doue a zo var henchou an den,
Hag e sell euz he holl baziou.
22 N’euz na tevalijen na skeud ar maro,
En pelec’h helfe en em guzet oberourien an droug.
23 Na zell ket diou wech euz eun den,
Evit mont en barnedigez ganthan.
24 Bruzuni a ra ar re c’halloudeg, hep enklask,
Hag he laka reou all en ho flas,
25 Abalamour ma c’hanavez ho oberiou.
Ho diskar a ra en noz, hag int bruzunet.
26 Ho skourjeza a ra evel tud fall,
En gwel ar bed holl,

27 Abalamour ma int en em distroet outhan,
Ha n’ho deuz ket agren lakeat evez d’he henchou.
28 Lakaat ho deuz kriaden ar paour da vont beteg ennhan,
Hag hen deuz klevet klem ar re c’hlac’haret.
29 Mar ro an ehan, piou eo a varno anezhan ?
Mar kuz he fas, piou a zello outhan ?
Pe he vefe evit eur bobl pe evit eun den,
30 Evit ma na reno ket an den fall,
Evit ma na vezo ket eur pech d’ar bobl.
31 Rag lavaret hon euz da Zoue :
Bet em euz poan, na bec’hin ken ;
32 Ar pez ne welan ket, diskwez anezhan d’in ;
Mar ran an drouk, ne rin ken anezhan.
33 Ha beza eo eta hervez da sonjou e tle beza kastiet an drouk ?
Rag diskwezet ec’h euz droug kontantamant ?
Evel se, d’id-te eo da lavaret, ha nan d’in me ! Lavar ar pez a ouzout.
34 An dud a skiant a lavaro d’in,
Kenkoulz hag an den fur pehini hen devezo va zelaouet :
35 Job na gomz ket gant anaoudegez,
Hag e gomzou a zo hep skiant.
36 Ah ! ma vezo Job eprouvet beteg ar fin,
Pa hen deuz respountet evel ar re fall
37 Rag lakaat a ra eun dorridigez nevez gant he bec’hed ;
En em veuli a ra en hon zouez ;
Komz a ra muoc’h mui a enep Doue.

35 ELIHU a adkemeraz am gomz, hag lavaraz :

2 Sonjet ec’h euz kaout rezon da lavaret :
Me a zo just dirag Doue ?
3 Rag lavaret ec’h euz : Petra a zeufe d’in,
Ha petra a c’hounefen me muoc’h evit ma fec’hed ?
4 Respount a rin d’id em c’homzou,
Ha d’az minioned ganez :
5 Sell euz an envou, hag evesa anezhei ;
Gwel ar gwabrennou, huelloc’h int evidout.
6 Mar pec’hez, pez tra a raio ze varnezhan ?
Ha ma niver da bec’hejou, petra a rez dezhan ?
7 Mar d’out gwirion, petra a roez dezhan,
Ha petra hen deuz euz da zorn ?
8 Da eun den eveldout-te eo he hell da fallentez noazout,
Ha da vab an den eo he tle beza da reizder util.
9 Krial a reer dindan bouez ar waskadurez,
Huanadi a reer dindan violans ar re vras,
10 Ha ne leverer ket : Pelec’h ema Doue, va c’hrouer,
An hini a ro peadra da gana en noz,
11 Pehini a laka ac’hanomp muoc’h gwiziek evit loened an douar,
Ha furoc’h evit lapoused an envou ?
12 Krial a reont hep beza selaouet,
Abalamour da ourgouil ar re droug.
13 Doue na zelaou ket an hini n’eo nemert gaou,
Hag an Holl-C’halloudeg n’euz ket a van outhei.
14 Petra benag ma ec’h euz lavaret, ne welez ket anezhan,
Ar prozez a zo dirazhan : gortoz anezhan !
15 Ha brema, abalamour na gasti ket he goler,
Abalamour na gemer ket strisamant anaoudegez er pec’hed,
16 Job a zigor he c’henou en komzou
Bernia a ra giriou var giriou hep skiant.

36 ELIHU a gendalc’haz, hag a lavaraz :

2 Gortoz eur pennad ha me a gelenno ac’hanout,
Rag giriou a zo c’hoaz evit kaoz Doue.
3 Kemer a rin a bell va skiant,
Hag e roin gallout d’am c’hrouer.
4 Rag, a-dra-zur, va diskourioua n’int ket gevier,
Hag eun den eo a gomz d’id euz eur wiziegez parfet.
5 Setu, Doue a zo galloudeg, ha na zisplij ket dezhan den ;
Galloudeg eo dre nerz he skiant.
6 Na lez ket an den fall da veva,
Hag eeunder a ra d’ar re ezomek.
7 Na zistro ket he zaoulagad euz ar re wirion,
Lakaat a ra ar re ze just gant ar rouane var an trôn ;
Hag e laka anezhei da azeza evit atao, hag int savet.

8 Mar d’int ereet a chadenou,
Mar d’int kemeret en ereou ar glac’har,
9 He ro da anaout dezhei ar pez ho deuz groet,
Ho fec’hejou hag ho ourgouil.
10 Neuze he tigorro ho diouskouarn d’ar c’hroz ;
Lavaret a ra dezhei en em distrei euz ar fallentez.
11 Mar selaouont anezhan, ha mar he zervichont,
He achuont ho deiziou en eur vad,
Hag ho bloaziou er joa ;
12 Mes ma na zelaouont ket anezhan, e tremenont dre ar c’hleze,
Hag e varvont en ho dallentez.
13 Kalounou ar re fall en em lak en koler ;
Na griont ket dezhan pa hen deuz ho ereet.
14 Ho ine a varo en he iaouankiz,
Hag ho buez a voug evel hini ar re fall.
15 Savetat a ra an ezomek euz he c’hlac’har,
Hag e kelen anezhan dre he boan.
16 Ha te da unan, lakaat a raio ac’hanout er meaz euz da dristidigez,
Er frankiz, pell euz pep ankrouez,
Ha da daol a vezo kempennet, goloet a zruoni.
17 Mes mar d’out leun a gaoz ar re drouk,
Ar gaoz hag ar varnidigez en em heulio a dost.
18 Laka evez ra na lakao ket ar goler ac’hanout da zrouk pedi,
Ha ne n’em lez ket da veza dianket gant ar sonj euz a eur c’heuz founuz.
19 Ober a rafe van euz da binvidigez ?
Ne raio van ebet nag euz an aour, nag euz an doareiou pinvidig.
20 Na c’hoanta ket an noz,
En pehini eo kemeret ar boblou var ar blasen.
21 Diwall da zistrei d’an drougiez ;
Rag gwelloc’h eo ganez ar glac’har evithi.
22 Setu ama, Doue a zo zavet en he c’hallout ;
Piou a helfe kelen evelthan ?
23 Piou hen deuz gourc’hemennet he hent dezhan ?
Ha piou a lavaro dezhan. Groet ec’h euz eun direizded ?
24 Az pez sonj da veuli he labouriou,
Ra gano an holl dud.
25 Pep den a zouez outhei, pep den ho evesa a bell.
26 Setu, Doue a zo zavet, ha ni ne anavezomp ket anezhan ;
An niver euz he vloaziou,... nikun ne hell ho niveri !
37 Tenna a ra an dakadennou dour,
Teuzi a reont en glao, en kreiz ar vrumen ;
28 Ar goabrennou a ra dezhi redek,
Ha kweza taken ha taken var vanden an dud.
29 Ha piou helfe kompren displeg ar goabrennou,
Ha trouz he danten ?
30 Setu ama, asten a ra varnezhan he unan ar sklerijen,
Hag he c’holo dounder ar moriou.
31 Evel se eo he varn ar boblou,
Hag e ro ar bevans en founusder.
32 Derc’hel a ra kuzet en he zorn ar sklerijen,
Hag he c’hourc’hemen dezhi skei.
33 He gurunou a ziskleri anezhan,
Hag an tropellou a ra da anaout he tosta.



37 Va c’haloun a zo krenuz a gement se,
Hag e lamp er meaz euz he lec’h.
2 Selaouet, selaouet an drouz euz he vouez,
Hag ar c’hroz a zeu euz he c’henou !
3 He gas a ra dindan an holl envou,
Hag he luc’heden a ia bete pennou pella an douar.
4 Goude, he vouez a iud ;
Kuruni a ra gant he vouez manifik,
Ha ne espern ket he luc’hed, pa skeltra he vouez.
5 Doue a gurun euz he vouez en eun doare burzuduz ;
Ober a ra traou bras, pere na gomprenomp ket.
6 Lavaret a ra d’an erc’h : Kwez var an douar ;
Lavaret a ra ive d’ar glaoeier,
D’ar glaoeier krenv.
7 Zerri a ra dorn an holl dud,
Abalamour d’an holl dud, he grouadurien, d’hen anaout,
8 Hag al loened en em denn en ho zoullou,
Hag he choumont en ho lec’hiou,
9 Euz dounderiou ar c’hreisteiz he teu an tempest,
Hag euz avelou an hanter-noz he teu ar ienien ;
10 Gant he avel, Doue a ra ar skorn,
Hag an dour pehini en em asten a zo zerret.
11 Karga a ra euz a c’hlebien ar goabren ;
Sklabeza a ra ar c’houmoul, leun a luc’hed,
12 Hag ar reman a gerz a bep tu,

Hervez ar merkou, evit ober ar pez a c’hourc’hemen,
Var c’horre an douar poblet ;
13 Pe he ve evit kastia, pe lakaat an douar produuz,
Pe ober he vadelez, ho lakaat a ra da zont aben.
14 Prest skouarn da gement se, Job :
Paouez, hag evesa burzudou Doue.
15 Anaout a rez-te penaoz e kempenn Doue anezhei,
Penaoz he laka Doue ar sklerijen da lugerni en he goabren ?
16 Anaout a rez-te penaoz he c’hij ar c’houmoul,
Ar burzud euz an hini a behini ar skiant a zo parfet ?
17 Penaoz en da zillad tom
Pa laka an douar da gousket gant avel ar c’hreisteiz ?
18 Astennet ec’h euz-te ganthan an envou,
Stard evel eur melezour metal ?
19 Disk deomp eta ar pez a dleomp lavaret dezhan :
Rag na wefemp ket kempen komzou"", euz kreiz hon zefalijen.
20 Fellout a rafe d’in he vege lavaret dezhan ar pez a lavaran ?
Biskoaz den a felfe dezhan beza lounket ?
21 Ha brema ne heller ket sellet euz an heol skeduz en envou,
Pa hen deuz eun avel tremenet ha ma hen deuz ho furifiet,
22 Pa deu eur skeuden aour euz an hanter-noz.
Beza he zo en Doue eur vajeste euzuz.
23 An Holl-C’halloudeg ! ni na hellomp ket Hen tapout ; manifik eo en galloud,
En gwirione, en reizder ; ne wask dzn.
24 Dre ze an dud a zouj anezhan.
Mes na Zell ket euz ar re a zo fur en ho c’haloun.

38 NEUZE an Aotrou a respountaz da Job euz kreiz an tempest, hag a lavaraz :

2 Piou eo an hini a develaa va flaniou
Dre gomzou diskiant ?
3 Gouriz eta da groazellou evel eun den nerzuz,
Me a raio goulenno ouzit, ha te am c’helenno.
4 Pelec’h e oaz-te pa daolen soliou an douar ?
Lavar eta, mar ec’h euz skiant.
5 Piou eo hen deuz reglet er muzuriou, mar hen anavezez,
Pe biou hen deuz astennet an nivo varnezhi ?
6 Var betra eo lakeat plonji ar soliou,
Pe biou hen deuz lakeat ar mean korn,
7 Pa loske steredennou ar beure asamblez kriadennou a joa,
Ha mibien Doue, kriadennou a joa ?
8 Ha piou a zalc’ho ar mor en doriou,
Pa ez eaz er meaz o lampat euz kreiz an douar ;
9 Pa roen dezhi ar goabren evit gwiskamant,
Hag an devalijen evit bandennou ;
10 Pa lakaen va lezen varnezhi,
Pa lakaiz moraliou ha doriou dezhi,
11 Ha ma lavariz dezhi : Dont a ri beteg ama, ha n’hen d’i ket peiloc’h ;
Ama e paouezo ourgouil da goumou ?
12 Abaoue ma out er bed, gourc’hemennet ec’h euz-te d’ar beure,
Merket ec’h euz-te da c’houlou deiz he blas,
13 Evit ma krogje en pennou pell an douar,
Ha ma vezo ar re fall kaset kwit ?
14 An douar a dro a zoare, evel ar pri dindan ar c’hachet,
Hag an holl draou a sav evit he gwiska.
15 Sklerijen ar re drouk a vezo lamet diganthei,
Ha brec’h ar gourdrouzerien a vezo torret.
16 Eet out-te bete mammennou ar mor,
Hag en em bourmenet out-te en fons an dounder ?
17 Doriou ar maro hag en em dizoloet int d’id-te ?
Ha gwelet ec’h euz-te doriou skeud ar maro ?
18 Komprenet ec’h euz-te braster an douar ?
Mar anavezez-te kement se, lavar ze !
19 Pelec’h ema hent plas ar goulou ?
Ha pelec’h ema choumaj an devaliien ?
20 Rag te a hell ho digas d’ho choumaj,
Hag hec’h anavezaz henchou ho zi.
21 Gouzout a rez kement se ; rag ganet e oaz neuze,
Hag an niver euz da zeiziou a zo bras !
22 Eet out bete tenzoriou an erc’h ?

Ha gwelet ec’h euz-te tenzoriou a c’hrizil,
23 Pere a viran evit amzeriou an dristidigez,
Evit deiz ar brezel hag an emgan ?
24 Dre betra henchou en em loden ar sklerijen,
Hag avel ar savheol en em skul var an douar ?
25 Piou hen deuz roet glao d’ho rivierou,
Hag he hent da luc’hed ar c’huruno,
26 Evit lakaat da c’hloia var eun douar hep tud,
Var eun distro hep den,
27 Evit desalteri al lec’hiou distro ha glac’haret,
Hag ober diwan ha lakaat ar ieot da zont er meaz ?
28 Ar glao hag eun tad hen deuz ?
Pe biou a c’han an dakadennou gliz ?
29 Euz pez bruched eo deuet ar skorn ?
Ha piou a c’hân frim an envou ?
30 An doureier en em sklabez, troet en mein,
Ha gorre an dounder en em gemer.
31 Hellout a rez-te startaat ereou iar he evned,
Pe distaga chadennou Orion ?
32 Lakaat a rez-te da zont er meaz en ho amzer siniou ar zodiak ?
Ha ren a rez-te an Ourzen gant he re vihan ?
33 Anaout a rez-te lezennou an envou ?
Pe dispos a rez-te euz he c’hallout var an douar ?
34 Sevel a rez-te da vouez entrezeg ar goabren,
Evit ma teufe doureier bras da c’holo ac’hanout ?
35 Digas a rez-te al luc’hed ? Komz a reont,
Pe e leveront d’id : Setu ni ama ?
36 Piou hen deuz lakeat ar furnez er goabrennou,
Piou hen deuz roet d’ar c’houlaouennou ar skiant ?
37 Piou a niver ar c’houmoul gant furnez,
Piou a izela outrenou an envou,
38 Pa en em danoa ar poultr, ha ma en em laka en moged,
Ha ma en em vern ar moudred ?
39 Dastum a rez-te he breiz d’al leon,
Ha terri a rez-te naoun al leon iaouank,
40 Pa en em blegont en ho zoullou,
Pa emaint en get er vodennou ?
41 Piou a fich ho boned d’ar brini,
Pa gri he re vihan entreze Doue
Ha pa nijont ama hag ahont hep netra da zibri ?



39 Anaout a rez-te an amzer en pehini he c’han ar chamoet ?
Evesaet ec’h euz pegoulz he ra ar girvi ho re vihan ?
2 Niveret hec’h euz-te miziou ho dougerez,
Hag anaout a rez-te an amzer ma c’hanont ?
3 Plega a reont hag e reont ho re vihan,
Hag en em delivront euz ho foaniou ;
4 Ho re vihan a grenva, kreski a reont en er libr,
Mont a reont kwit ha na zistroent ken d’ho c’haout.
5 Piou hen deuz losket an azen guez er frankiz,
Ha piou hen deuz dizereet ereou al loen drouk ze,
6 Da behini em euz roet an ar-brad evit choumach,
Hag an douar zallet evit ti ?
7 C’hoarzin a ra euz trouz kear ;
Ne glev ket klemou an azener.
8 Redek a ra ar meneziou pere a zo he beuriou,
Klask a ra glazeur dre holl.
9 Fellout a ra d’ar bufl da zervicha ?
Ha tremen a ra hen an noz en tal da graou ?
10 Ha staga a rez-te ar bufl evit arat ?
Freuzet a ra hen da barkeier en eur heuil ac’hanout ?
11 En em fiziout a rez-te ennhan dre ma eo bras da nerz,
Ha dilezel a res-te da labour ?
12 Kounta a rez-te varnezhan evit dastum da c’hreun,
Hag evit he zastum var da leur ?
13 Askel an otruz a finv joaus ;
Ha pluen hag askel ar gerc’heiz eo ?
14 Nan, rag lezel a ra he uou var an douar,
Hag e laka ho gori gant ar boultren ;
15 Ankouez a ra hell eun troad ho mac’ha,
Eul loen euz ar parkeier ho zerri.
16 Kri eo en kenver he re vihan, evel pa na vijent ket he re.
He labour a zo vên, mes van ebet ne ra a gement se.
17 Rag Doue n’hen deuz ket roet ar furnez dezhi,
Na ken nebeut a skiant.
18 Pa en em sav ha pa sko gant he askellou,

He ra goab euz ar marc’h hag euz he gavalier.
19 Ha roet ec’h euz d’ar marc’h he nerz ?
Goloet ec’h euz-te he c’houzouk euz eur ar moue krenuz ?
20 He lakaat a rez-te da lampat evel ar c’hileien-raden ?
He c’hourignaden faeuz a spount.
21 Gant he droad e toul an douar ; en em laouenaat a ra euz he nerz ;
Mont a ra araog an den armet ;
22 C’hoarzin a ra euz an doujans, n’hen deuz aoun rag netra ;
N’ez a ket a dren dirag ar c’hleze.
23 Varnezhan e trouz ar saez,
Ar waf lugernuz hag ar javelot.
24 O lampat hag o krena, e treuz ar frankiz ;
Ne hell ket en em derc’hel adaleg ma soun an drompil ;
25 Adaleg ma klev an drompil, gourinial a ra ;
A bell he sant an emgan,
Mouez kren an mestrou, ha klemmou ar vrezellerien.
21 Dre da furnez eo he kemer ar sparfel he nij,
Hag he tispleg he ziouaskel entrezeg ar c’hreizteiz ?
27 Dre da urz eo he sav an egl d’an nec’h
Hag e laka he nez var an huelderiou ?
28 Choun a ra var ar reier, en em derc’hel
A ra var dant ar reier, var al lec’hiou digemerabl.
29 Ac’hane, e tizolo he breiz ;
He zaoulagad he wel a bell.
30 He re vihan a zun ar goad,
Hag en pep lec’h ma ve korfou maro, en em gav eno.

40 AN Aotrou a gomzaz da Job, hag a lavaraz :

2 An disputer ha stourm a raio euz an Holl-C’halloudeg ?
Tamaller Doue ha respount a raio da gement se ?

3 NEUZE Job a respountaz d’an Aotrou, hag a lavaraz :

4 Re nebeut a dra oun ; petra a respountin d’id ?
Lakaat a ran va dorn var va genou.
5 Komzet em euz eur wech, ha na respountin ken.
Komzet em euz diou wech, ha ne zistroin ken.

6 HAG an Aotrou a respountaz da Job euz kreiz an tempest, hag a lavaraz :

7 Gouriz da groazellou, evel eun den nerzuz ;
Me a raio goulennou ouzit, ha te am c’helenno.
8 Fellout a rafe d’id kas da netra va reizder ?
Va barna evit en em reiza ?
9 Eur vrec’h ec’h euz-te evel hini Doue ;
Kuruni a rez-te gant da vouez, evelthan ?
10 En em wisk eta a vanifisans hag a vraster ;
Hag en em wisk a vajeste hag a c’hloar.
11 Skul fuloriou da goler :
Gant eur zell izella an holl re ourgouilluz.
12 Gant eur zell taol d’an traoun an holl re ourgouilluz ;
Ha bruzun ar re fall var ar blasen.
13 Koach anezhei holl asamblez er boultren,
Ha dastum ho bisachou en devalijen.
14 Neuze, me ive, me a veulo ac’hanout,
Rag da zorn hen devezo da zikouret.
15 Sell eta euz ar Behemot, pehini em euz greet koulz ha te ;
Dibri a ra ar ieot evel an ijen ;
16 Sell eta : he nerz a zo en he flankou,
Hag he grefder en helvou he gov.
17 Sevel a ra he lost evel ar sedr ;
Helvou he leziou a zo kenluiet.
18 He eskern a zo korsennou arem,
He izili a zo evel barennou houarn.
19 Labour gaer Doue eo,
He grouer hen deuz roet he gleze dezhan.
20 Ar meneziou a zoug evithan ho ieot ;
Eno en em c’hoari holl loened ar parkeier.
21 Gourvez a reont dindan al lotuzou,
En skeud ar c’horz hag en lec’hid.
22 Al lotuzou ho golo gant ho skeud,
Hag alek an dour red a ra an dro dezhei.
23 Sell, penaoz he tevord ar rivier gant violans, n’hen deuz ket aoun ;
Zioul he vefe ha pa binfe ar Jourdan beteg he c’henou.
24 Ra vezo kemeret dre nerz digor !
Pe ma ve toulet he fri dezhan gant lasou !

41 Tenna a ri-te al Leviatan gant eun higen ?
Ha zerri a ri-te he deod gant eur gorden ?
2 Lakaat a ri-te eur vroenen en he zioufrân,
Treuja a ri-te he chod gant eur c’hrog ?
3 Kas a raio hen kalz a bedennou d’id,
Ha lavaret a raio d’id komzou dous ?
4 Ober a raio eur marc’had ganez,
Hag he gemer a ri-te evit esklav da viken ?
5 C’hoari a ri-te ganthan evel gant eun evn,
Ha staga a ri-te anezhan evit amuzi da verc’hed ?
6 Ar re unanet hag int a raio trokerez a ze,
Hag he lodenna a refont int en-touez marc’hadourien ?
7 Toulla a ri-te he groc’hen gant eur mir,
Hag he benn gant eun harpon ?
8 Laka da zorn varnezhan :
Sonj az pezo euz an emgan, ha na zistroi ket.
9 Setu, pep esperans d’he gemer a zo troumplet ;
Pa he weler he oar taolet d’an douar !
10 N’euz den hardi a walc’h ebet pehini a gredfe hen dihuni,
Ha pehini en em dalc’hfe en he za dirazoun ?
11 Piou hen deuz groet avansou d’in, ha me a rento dezhan ?
Kement a zo dindan an envou a zo d’in me.
12 Me na davin ket var he izili,
Var he nerzou, ha var gaerder he vent.
13 Piou hen deuz savet an divar-c’houre euz he zillad.
Piou a zo eet en he janvad doubl ?
14 Piou hen deuz digoret doriou he c’henou ?
Ar spount a zo en dro d’he zent.
15 He zirennoua gallouduz a zo mad meurbed ;
Serret int, ha ziellet mad.
16 Stoka a reont an ell en egile,
An avel na dremen ket dreisthei.
17 Stag int an ell euz egile ;
En em derc’hel ar reont, n’en em bellaont ket.
18 He zistrefiadennou a daol eur skeud a sklerijen,
Hag he zaoulagad a zo evel malvennou goulou deiz.
19 Euz he c’henou he teu sklerijen,
Ha fulennou a dec’h outhan.
20 Euz he zioufrân he teu eur vogeden,
Evel euz ar besel pehini a verv pe euz a eur gaoter.
21 He halan a elumfe glaou douar,
Hag eur flam a zeu er meaz euz he c’henou.
22 En he c’houzoug ema an nerz,
Hag ar spount a vale araog dezhan.
23 Izili he gorf a zo stag an eil euz egile ;
Teo int, divranselluz.
24 He galoun a zo kalet evel eur mean,
Kalet evel ar mean dindan.
25 Pa sav en krenv ar re nerzusa,
Dinerza a reont a spouron.
26 Pa dostaer outhan, ar c’hleze na zervich da netra,
Nag ar waf, nag ar viren, nag ar guirasen.
27 Sellet a ra euz an houarn evel euz ar plouz,
Hag euz an arem evel euz koad brein.
28 Ar viren na laka ken anezhan da dec’hel,
Mein an dalm a zo evel zoul evithan ;
29 Evel zoul an horz ;
C’hoarzin a ra euz trouz ar c’hlezeier.
30 He gov hen deuz bronou lem ;
Asten a ra eur frez var al lec’hid.
31 Lakaat a ra ar poull da virvi evel eur gaoter,
Renta a ra ar mor evel besel eur parfumer.
32 Lezel a ra var he lerc’h eur merk skeuduz,
Kemeret e vefe var an dounder evel eur bleo gwen.
33 N’euz ket he bar var an douar ;
Groet eo evit na zoujfe netra.
34 Gwelet a ra hep aoun kement en em zav ;
Roue eo var an holl loened gouez.

42 HA Job a respountaz d’an Aotrou, hag a lavaraz :

2 Anaout a ran hellez ober an holl draou,
Ha penaoz ne hell den da herzel da ober da c’hoant.
3 Piou eo an hini, pehini, hep anaoudegez, a devela ma c’huzul ? ...
Evel se em euz c’hoanteet en diskleria, ha ne gomprenen ket anezhan ;
Beza int traou re vurzuduz evidoun, ha pere ne anavezhan ket.

4 Selaou, me az ped, hag he komzin, me ;
Me a raio goulennou ouzit ha te am c’helenno ! ...
5 Va skouarn hen doa klevet mad komz ac’hanout ;
Mes brema, va lagad he deuz da welet ;
6 Dre ze en em daolan kwit va unan, hag em euz keûz
Er boultren ha var al ludu.

7 HA, goude ma Hen doe an Aotrou lavaret ar c’homzou ze da Job, hec’h eruaz ma lavaraz an Aotrou da Elifaz, euz Theman : Va c’holer a zo on em zavet a enep d’id hag a enep da zaou vinion, rag n’hoc’h euz ket komzet deread ac’hanoun, evel hen deuz groet va zervicher Job. 8 Ha brema, kemeret ganeoc’h seiz kolle ha seiz maout, hag eet da gaout va zervicher Job, ha kinniget sakrifisou-losk evidoc’h oc’h unan, ha ra bedo va zervicher Job evidoc’h. Rag ne rin van nemert outhan evit tremen hep ober deoc’h hervez ho follentez ; rag n’hoc’h euz ket komzet ouzin en eun doare deread, evel hen deuz groet va zervicher Job.

9 Hag Elifaz, euz Theman, Bildad euz Shuak, ha Tsofar, euz Naama, a ieaz hag a reaz hervez ma Hen doa an Aotrou komzet ; hag an Aotrou a reaz van euz Job.

10 Hag an Aotrou a adsavaz stad koz Job, pa hen doe Job pedet evit he vinioned ; hag an Aotrou a greskaz en doubl kement hen doa Job bet. 11 Hag he holl vreudeur, hag he holl c’hoarezed, hag ar re holl a anaveze anezhan gwech all a zeuaz hag a zebraz ar bara ganthan en he di ; hag he klemjont anezhan, hag hen dic’hlac’harjont divarben an holl drouk Hen doa an Aotrou lakeat da zont varnezhan ; hag he rojont pep hini anezhei dezhan eur pez arc’hant, ha pep hini anezhei eur walen aour. 12 Hag an Aotrou a vennigaz amzer diveza Job muoc’h evit he amzer genta. Hag hen doe pevarzek mil loen munud, ha c’hwec’h mil chamo, mil goublad ijened, ha mil azenez. 13 Hag hen doe seiz mab ha teir merc’h ; 14 hag e c’hanvaz an hini genta Jemima, hag an eilved Ketsia, hag an deirved Keren-Happouk. 15 Ha ne oa ket war an douar holl gragez kaeroc’h evit merc’hed Job ; hag ho zad a roaz eun heritach dezhei entouez ho breudeur.

16 Ha Job a vevaz, goude an traou ze, seiz-ugent vloaz, hag e welaz he vibien ha mibien he vibien beteg ar bederved rumach. 17 Ha Job a varvaz koz ha leuniet a zeiziou.

————

1. fallentez.
2. gounid.
3. choazet.
4. Luk.19.22.
5. Rom.11.34 1Kor.2.11
6. dic’hlac’hariou.
7. 1 Ian.1.8-10.
8. mortel.
9. dinam.
10. souliet.
11. koachet.
12. 1 Thes. 5.3.
13. preparet.
14. en em ganna.
15. bodou.
16. pilpous.
17. rec’hus.
18. leac’h.
19. foan.
20. vuanegez.
21. ehan.
22. warek.
23. Rom.9.20.
24. Rom.9.20.
25. verra.