Deis mad d’eoc’h, va dousig Mari,
Hogân ruz a denn mouilc’hi.
Aour hag arc’hant
Mari goant,
A rent laouen
Peb den.
Moualc’h zu pa deu, ’n hogân ruz
’Vez guel dezhi, ma vent a-guz.
Morvan, tâl koant,
Eo va c’hoant ;
E’b-d’han ti aour
’ vez paour.
Du kein ar c’houmoul adarre ;
Daoust piou ’ dro ’n avel er giz-se
Aour ag…
Mab he dad zo Kervadiou
Ma n’eo a wen eo a liou.
Morvan, tâl…
Ha merc’h he mam eo Jaketa
Pa n’e sko, e rank flippata.
Aour ag…
Mam ar verc’h, hed he oll buez,
A gavaz mouar er brankou drez.
Morvan, tâl…
Kervadiou ’voa den a feson
’n hep hen disprij ’zo direzon.
Aour ag…
Hag e vab ’zo koulz pe velloc’h,
En noz den ag a ve koantoc’h.
Morvan, tâl…
N’eo ket teod flour na koantiri
A laka ’r zouben da virvi.
Aour ag…
Gwel eo kaloun vad a tener
Eget arc’hant leiz ar baner.
Morvan, tâl…
Ia da frita laou ’r baourentez
Var bladen graz ar garantez.
Aour ag…
Gwel eo berrou var eun oaled
’vit, e’n ti, marc’h rouz eur pried,
Morvan, tâl…
Kov goullo a troad diarc’hen
A vousc’hoarz iud e ti eun den.
Aour ag…
Da betra boutou lasenned
Evit pourmen kaloun ranned ?
Morvan, tâl koant
Eo va c’hoant.