Guerzenneu Breih-Izel/Kannen er Hléhér neùé

Imprimerie J. MEHAT, 1931 (p. 112-114)

◄ Kannen én inour de Sant Franséz a Assiz

Kannen én inour d’er Hloh a neùé beniget ►

Kannen er Hléhér neùé

————

Pear kloh bras deit a Villedieu e zou bet lakeit én tour neùé : Anna-Paul, — Rosa-Joseph, — Jeann-Marsel, — Konstans-Marie.

D’en 2 a viz mé (1926) é mant bet beniget dré en Eutru Chanoén Guillevic, vikél bras.

$\header { tagline = ##f } \score { << \new Voice = "kan" { \autoBeamOff \relative c'' { \clef treble \key c \minor \time 6/8 \partial 8*1 % \set melismaBusyProperties = #'() \override Rest #'style = #'classical % \tempo 4=100 c8 | c4 bes8 g4 c8 | c4 bes8 g4 c8 | c4 bes8 aes4 f8 | ees4 f8 g4^\fermata \breathe g8 | \break ees'4 ees8 d4 g,8 | ees'4 ees8 d4 c8 | c4 bes8 g4 c8 | c4 bes8 c4^\fermata \bar "|." } } \new Lyrics \lyricsto "kan" { Son -- net, o kle -- hér be -- ni -- get, Son -- net é lein hou tour ne -- ué. Ha de bar -- réz Plou -- é la -- ret Pe -- dein gre -- dus en Eu -- tru Doué. } >> \layout { indent = #00 line-width = #130 ragged-last = ##t } \midi { \context { \Score tempoWholesPerMinute = #(ly:make-moment 100 4) } } }$

Diskan

Sonnet, o klehér beniget,

Sonnet é lein hou tour neué,
Ha de barréz Ploué laret

Pedein gredus en Eutru Doué.

I

Soñnet Anna-Paul, guèl d’er huél,
Kannet kevret : Alléluia !
Rosa-Jojeb ha Jeann-Marsel,
Get hou hoér Konstans-Maria.

II

Soñnet ! a pe gleuamb hou poéh
E tasonnein a drest er vro,
Hanval é d’emb kleuet dalbéh
Boéh en Eutru Doué ar un dro.

III

Soñnet ! groeit d’emb kleùet bamdé
Boéh karantéus hur Hroéour
E houlen get é vugalé
Rantein dehou gloér hag inour.

IV

Sonnet ! oh ! pégement a joé
Hun es doh hou kleuet é son !
A pe ouilamb soñnet eué
Eit dousat ankin hur halon.

V

Soñnet a pe vou badéet
Ur hroèdur bihan é Ploué.

Eit ma vou tro-ha-tro gouiet
E hes ur hristénig neùé.

VI

Soñnet joéius d’er vugalé,
Dé kaèr ou hetan kommunion ;
Soñnet d’en dud iouank eué
E za d’um joentein a galon.

VII

Soñnet d’en ol tèr guéh én dé
Eit m’ou devou er chonj salvus
De saludein, Mari, Mam Doué,
En ur laret en « Angelus »

VIII

Soñnet d’er sul ha d’er gouilieu,
Eit galùein en dud d’er beden,
Eit ou galùein d’en ofiseu,
A drest pep tra d’en overen.

IX

Soñnet pe véemb treménet ;
Hag é kleuet hou poéh kanvus,
Hun amied chomet ér bed
E bedou aveit-omb Jézus.

————