Diskan
Eutru Sant Iouan beniget,
A lein en Nean hur sekouret
O patrom lan a garanté,
Kleùet peden hou pugale.
1
Sant Iouan, hur patrom santél,
E zou gañnet é Breih-izél,
Ar doar Minihy, bro Tréger,
E Kermartin, én ur manér.
2
Revou é vuhé ur miloér
E ziskoeï d’emb splann hun devér !
Eit bout eurus getou én Né,
Biùamb santél él d’ou eùé.
3
A vezul ma kresk sant Iouan,
Ennou er vertuieu kaeran
E huélér é splannein bamdé
A drest pep tra é garanté.
4
A greiz é galon Sant Iouan
E gar Doué, e gar en Nésan ;
A dra sur brasoh karanté
N’hel bout kavet nameit en Né.
5
De vout beleg pen dé galùet,
E santelèh e gresk perpet,
Ha ean e labour noz ha dé
Eit gouni ineañneu de Zoué,
6
Hanval doh Jézus hur Salvér,
D’en ol ne zisko meit doustér,
Ha pegement a dud elsé
E zegas éndro devad Doué !
7
Ne chonj bamdé meit um salvein ;
E blijadur e zou pedein ;
Liès én noz, liés én dé,
E ma deulhinet dirak Doué.
8
D’er penijenneu kaletan
Hemb arsaù um daul Sant Iouan ;
Eit è viùans èl ur guir peur
N’en des nameit bara ha deur.
9
Plouz hemb kin’ zou é hulé,
Ha memb en doar nuah guéhavé ;
Dén a noblans, pinùik meurbet,
Neoah peur é viùou perpet.
10
E vadeu e zou d’er ré geih.
Get pegement a vadeleh,
Get pégement a garanté
E ra en alézon dehé !
11
En dud peur, en intanvézed,
Er vugalé énevaded
E gav sekour getou perpet,
Ha getou é mant dihuennet.
12
E Rouan, é Tours hag é Pariz,
E ma bet kleùet é tiviz ;
Ne oé gellet kavet ér vro
Guèl avokad pèl tro-ha-tro.
13
De getan, person é Trédréz,
Parrézig distér ar er méz,
Get en ol é ma inouret
Ha get en ol é ma karet.
14
Oeit é goudé de Lohanneg.
Er barréz-men biskoah beleg
N’en doé labouret èl ma hré
Eit diskein d’en dud hent en Né.
15
Deit é en termén devéhan,
Ha Doué e lar de Sant Iouan
Diléz er vro-men a hlahar
Eit monet d’er joéieu hemb par.
16
Bremen étal en Eutru Doué
Braseit é hoah é garanté !
Pedamb gredus hur Sant Patrom
Ha goulennamb é hoarnasion.
17
A pe vé Sant Iouan pedet
Kentéh é zorn zou astennet
Eit rein sekour ér hlinuedeu
Hag eit guellat pep sort drougeu.
18
Er gelloud en des aberh Doué,
Mar héliér er huirioné,
De zilùiein en aférieu,
De rein termén d’er prosézieu.
19
O Sant Iouan, doh-omb sellet
Amen én hous iliz tolpet ;
Béet hun avokad dirak Doué,
Sekouret ni, pad hur buhé.
20
Sekouret ni, patrom santěl,
Eit ma véemb perpet fidél,
Fidél de Zoué hur badéent,
El ma oé hur tadeu agent.
21
Sekouret ni é pep dobér,
O Sant Iouan, lan a zoustér ;
Groeit d’emb kerhet ar bou pazeu
Eit bout lodek én hou joéieu.
22
Doué hun es kement offanset
Ma hun es drougeu méritet,
O Sant Iouan, lan a druhé,
Pelleit doh-omb en drougeu-sé,
23
Ag hous iliz érauk monet,
O Sant Patrom er Vretoned,
Hou perhinderion e lar d’oh
Skuillein arnehé hou penoh.
24
Ha d’er bearved sul a viz mé,
Hui ou guélou hoah ben er blé
Dirak hou relégeu stouiet,
Eutru Sant Iouan beniget.
| 
