Diskan
O Sant Lubin, a galon vat
E laramb d’oh : « hur sekouret,
D’hun ol drougeu éseit dalhmat,
Revou hur peden cheleuet ! »
1
O Sant Lubin é peb amzér,
D’hous iliz é karamb monet ;
Genoh a huerso é kavér
Doh er poénieu er guir remed.
2
En hou chapél ken hanaùet,
Sellet hou keih perhinderion ;
E mant é pedein deuhlinet
Aveit goulen hou koarnasion.
3
Biskoah hañni én hou chapél ;
N’en des aveit nitra pedet ;
Sekouret ni, patrom santél,
Bremen kerklous avèl perpet.
4
Er ré maleurus ar en doar
En des énoh hou retirans
D’er haloneu lan a hlahar
E tégaset joé, konfortans.
5
Ataù sellet ni get truhé,
Pen domb ér bed-men dilézet,
Ha goulennet pardon get Doué
Aveit er péhour aheurtet.
6
Dirak hou limaj inourus.
Er perhindour ar é zeuhlin
E lar get ur galon joéius :
« Trugéré d’oh, a Sant Lubin ! »
7
Patrom madek, hous hanù karet
E larou liés hur géneu,
Hag hur halon ne gollou ket
Er chonj ag hou tonézoneu.
Deu boz e vé kannet étal er fetan
8
Amen é pedamb muioh-mui,
Arriù omb étal hou fetan :
De bep kours en deur anehi
E zégas iéhed d’er ré klan.
9
Er chonj ag hou mamen salvus
Ne lamou genemb berùikin ;
Ataù é kaveemb bourus
Donet de fetan Sant Lubin.
Ur poz dirak er houiliaden
10
Aveit hous inourein hiniù,
Er flam e saù ihuél d’er lué ;
En-omb, Sant Lubin, goarnet biù
En tan flam a garanté Doué.
10
D’en dud samet a drebilleu,
Douseit ou gloéz, ou melkoni.
Kaset genoh d’er guir joéieu
En inean peur én angoni.
10
O Sant Lubin, plijeet genoh
E peb amzér hur goarantein !
Ha d’hou chapél devéhatoh
Hui hur guélon é retornein.
10
A pe zei hun ér devéhan,
Goulennet aveitomb get Doué
Ma vou reseùet hun inean
Er ranteleh a leuiné.
