Diskan
Sant Izidor hun sekouret
De gemér skuir ar hou puhé
Eit ma veemb eurus perpet
Genoh étal en Eutru Doué
1
Sant Izidor e oé gannet
Er gér a Vadrid, e larér.
E dad, peur a vadeu er bed
Ne oé meit ur hèh labourér
2
E ti é dud, kroédur bihan
Izidor e ziskas abred
Klask ketan pen madeu en Nean
E raug gouni madeu er bed
3
Hag a vihan disket elsé
De viùein el ur hristén mat,
Ol é amzér e dremené
E pedein hag é labourat.
4
Izidor pe oé deit en oed
De gemér ur stad a vuhé
E ven choéj aveit pried
Ur verh santél eldou eué
5
Bamdé er labourér gredus
Er pen ketan ag é zeuèh
De bedein hun Salvér Jézus
E ié d’en iliz get hirèh
6
Pe oé achiù en overen
Ha laret ol é bedenneu
E hé de labourat aben
Betag en noz en é barkeu.
7
Tud fal d’é vestr en doé laret
E kollé er sant é amzér
E patérat elsé perpet
E léh monet get en arér.
8
Er mestr e zou deit de huélet,
Ha chomet ardran un herrad
Chetu ean a guh é sellet
Doh Izidor é labourat
9
Guélet e hra, o burhud kaèr !
Ar un dro get é servitour
Deu El é kondui en arér
Ha hemb arsaù doh er sekour.
10
Marù Izidor er labourér
E zou santél el é vuhé
Er Baraouiz é kreiz er gloér
E ma bremen eurus get Doué
11
En hou parréz, tud a Velrand
Sant Izidor zou inouret.
Tosteit get ur gred beruidant
D’er chapél gaèr dehou saùet
12
Labourizion getou karet
Deit de houlén é hoarnasion :
Hui houér erhoal é ma hanuet
Sant patrom er labourizion.
13
E pep mechér hag é pep stad
En neb en des volanté reih
E hel bamdé um santélat
Ha gobér é salvedigeh
14
Get hou patrom santél disket
Chervij en Eutru Doué ketan
Ha klaské rauk madeu erbet
Er madeu kaèroh ag en Nean.
15
El Izidor gouiet bamdé
Kenig de Zoué hou labourieu,
Er pedein a galon eué
Eit ma vou fréhus hou parkeu.
16
Sekouret ni, Sant Izidor
De víùein ataù sonn er fé
Eit ma vou d’emb en Nean digor
En achimant ag hur buhe.
————
|
