Diskan
O mam santél, Intron er Peneti.
Ni hou ped a galon, doh pep droug goarnet-ni
1
Chonjal e hramb get leùiné,
Chonjal e hramb, Mari, get leùiné
Hun es ur vam tinér étal en Eutru Doué.
2
Hag er vam-sé ken truhéus,
Hag er vam-sé, Mari, ken truhéus
Hui é, Guerhiéz santél, mam hur Salvér Jézus.
3
Vennet e hues, o Mam de Zoué,
Vennet e hues, Mari, a Mam de Zoué,
Kemér er béherion aveit hou pugalé.
4
Rak-sé perpet, a Guerhiéz glan,
Rak-sé perpet, Mari, o Guerhiéz glan,
Hous hann e zou mélet get en hirèh vrasan.
5
Ilizieu gaer e zou saùet,
Ilizieu gaèr, Mari, e zou saùet
Aveit hous inourein ér pear horn ag er bed.
6
Parréz Persquen, doar beniget,
Parréz Persquen, Mari, doar beniget,
En des ur léh santél er Peneti hanùet.
7
Hag ér leh-sé, Mam hur Hrouéour,
Hag ér léh-sé, Mari, Mam hur Hrouéour,
Un iliz e huéler saùet én hous inour.
8
Get Guillemot, ur labourér,
Get Guillemot, Mari, ur labourér,
E ma bet saùet d’oh a houdé pèl amzér.
9
Kentéh arlerh hou pugalé,
Kentéh arlerh, Mari, hou pugalé
E oé deit d’hou pedein én hou chapél neùé.
10
Ha bremen hoah én eskobti,
Ha bremen hoah, Mari, én eskobti
E ma hanaùet mat chapél er Peneti.
11
A hep kornad, Intron santél,
A bep kornad, Mari, Intron santél,
Me huél perhinderion é tonet d’ou chapél.
12
Donet e hrant, Rouannéz en Né,
Donet e hrant, Mari, Rouannéz en Né,
Aveit goulen genoh grèseu en Eutru Doué.
13
El guéharal, hiniù en dé,
El guéharal, Mari, hiniù en dé,
Ar en ol é streùet grèseu get larganté.
14
Er Peneti, Guerhiéz karet,
Er Peneti, Mari, Guerhiéz karet,
Hou kalon truhéus e zou digor perpet.
15
Hañni biskoah n’en des laret,
Hañni biskoah, Mari, n’en des laret
E ma bet ankoéheit a p’en des hou pédet.
16
En ol kentoh a voéh ihuél
En ol kentoh, Mari, a voéh ihuél,
E vrud er gréseu kaer kavet én hou chapél.
17
Penauz laret er burhudeu,
Penauz laret, Mari, er burhudeu
E hues groeit de bep kours eit rein d’emb sekourieu ?
18
En hou chapél é mant merchet,
En hou chapél, Mari, é mant merchet ;
E don hur haloneu muioh é mant skriuet.
19
E pep dangér, o dous Intron,
E pep dangér, Mari, o dous Intron,
En ol e rid aben édan hou koarnasion.
20
Er vugalé d’oh hui gloestret
Er vugalé, Mari, d’oh hui gloestret
Liés genoh amen iéhed ou des kavet,
21
Plijeet genoh, Mam truhéus,
Plijeet genoh, Mari, Mam truhéus,
Ou goarn doh er bellen, doh er group danjerus.
22
En dud a vor, Guerhiéz tinér,
En dud a vor, Mari, Guerhiéz tinér,
Hou ped d’ou goarantein a pen des fal amzér.
23
Enep d’en tan, Mam hur Salvér,
Enep d’en tan, Mari, Mam hur Salvér,
Sekour é Penéti genoh e houlennér.
24
O Guerhiéz vat, én ol drougeu,
O Guerhiéz vat, Mari, én ol drougeu,
Aben é tichennet de séhein hun dareu.
25
En droug goahan, Mam a burted,
En droug goahan, Mari, Mam a burted,
E zou kuitat Jézus é hobér er péhed.
26
Rak sé perpet én hou kalon,
Rak sé perpet, Mari, én hou kalon,
E hès ur druhé vras aveit er béherion.
27
Eleih a dud, keih péherion,
Eleih a dud, Mari, keih péherion
En des ér Péneti kavet ur guir pardon.
28
En hou chapél pep sort grèseu,
En hou chapél, Mari, pep sort grèseu
Aberh hou Mab Jézus e ret d’en ineañneu.
29
Hag open hoah ér Peneti,
Hag open hoah, Mari, ér Peneti
Induljanseu nombrus e gavér de houni.
30
Chetu perak get konfians,
Chetu perak, Mari, get konfians
E laramb d’oh ataù : « hui é hur retirans ».
31
PEDEN
« Goarnet hur bro perpet fidél,
« Goarnet hur bro, Mari, perpét fidél,
« D’hur Salver Jézus-Krist ha d’en Iliz santél.
32
« Groeit ma veemb guir Vretoned,
« Groeit ma veemb, Mari, guir Vretoned
« Gredusoh d’hou karein én amzér de zonet.
33
« Goarantet ni, Guerhiéz hemb par,
« Goarantet ni, Mari, Guerhiéz hemb par,
« Doh en ol danjérieu e gavamb ar en doar.
34
« Sekouret ni, o Guerhiéz glan,
« Sekouret ni, Mari, o Guerhiéz glan,
« De viùein é grès Doué bet en ér devéhan.
35
« Nezé reit d’emb, ur léh eurus,
« Nezé reit d’emb, Mari, ur léh eurus
« Genoh ér Baradouiz étal hou Mab Jézus. »
|
