Troeit ag er gallek
Amzér bourus e drémené
Agent è melin me zad koh.
Pad er filaj ni um dolpé
En dro de gadoer me mam-goh
Pe oé tad-koh é teviz d’emb
O na didrouz è cheleuemb !
Péker joéius eué nezé
Gourhed mam-goh e droé, e droé
Par ma hellé !
Nag un amzér bourus e oé !
Tad-koh e gohé muioh-mui
Ean e devoé tostig kant vlé.
Pep tra oé koh en è goh ti
Meit vugalé è bugalé.
Guin koh e don koh kredanseu
Karanté koh ha dous perpet.
Sonnenneu ba litorienneu
Ag en amzér goh tremenet.
Mam-goh ne oé meit joéiusted.
A houdé ma oé badéet
Ag er mitin è tihousket
Bet en noz hi hoarhé perpet
Epad ma oé biu, er geh voéz
A joé hi gargé ol hè zi,
Met hè gourhed chomet de boéz,
Bremen ér vro ne hoarher mui
El me zad-koh get en amzér
E velin goh e zou koéhet.
Ha gourhed mam-goh e huéler
E pign doh er vangoér staget
Tad-koh, mam-goh, hou teu er bé
Ataù joentet el a viskoah
M’hou kuel dré chonj pe goeh en dé
Ha get dareu é laran hoah :
Amzér bourus e dremené
Agent è melin me zad koh.
Pad er filaj ni um dolpé
En dro de gadoér me mam-goh
Pe oé tad koh e teviz d’emb
O na didrouz e cheleuemb
Peker joéius eué nezé
Gourhed mam goh e droé, e droé
Par ma hellé
Nag un amzér bourus e oé !
