Tostig en eil d’égilé
En ur memb ti um gavé
Ur pod hoarn hag ur pod doar.
Er hetan d’en eil e lar :
« Damb d’hober un dro balé
« Skuéhein e hrér pad en dé
« Ag er mitin azéet.
— Monet genoh ne vennan ket
« E reskond er pod aral,
« Rak torrein e hran és mat
« Ha doujein e hran er goal
« Ar en hent è rudellat.
« Mes hui ag e zou kriùoh
« Ne hues nameit monet.
« Me léh mé e zou kentoh
« Amen é korn en uéled. »
Er pod hoarn e lar nezé :
« Ne hues nitra de zoujein
« Rak me you doh ou kosté
« Ataù prest d’hou kourantein. »
Er pod doar e sent kentéh
Hag ou deu peit ag ou léh
Um laka de rudellat.
Mes allas ! ben un herrad
Er pod doar get er stokeu
E zou draillet a dammeu.
Kerhet get tud sort genoh ; Rak mar det get ré kriùoh, Digoéh e rei d’oh hemb arvar Er memès goal get er pod doar.
