Guerzenneu Breih-Izel/En amzér a groèdur é Breih

Imprimerie J. MEHAT, 1931 (p. 98-101)

Kannen én inour de Sant Franséz a Assiz ►

En amzér a groèdur é Breih

————

$\header { tagline = ##f } \score { << \new Voice = "kan" { \autoBeamOff \relative c' { \clef treble \key g \major \time 2/4 % \tempo \markup {Doloroso} \partial 8*2 % \set melismaBusyProperties = #'() \override Rest #'style = #'classical % \tempo 4=100 e8 e | b' (a) g a | \stemUp b4 (a) | \stemNeutral \override TupletBracket.tuplet-slur = ##t \tupletDown \tuplet 3/2 { g8 a b} \tuplet 3/2 { a8 b e,} |\break g8 (fis) e4 | r4 e8 e | b' (a) g a | b4 (a) | \stemUp \tuplet 3/2 { g8 a b} \tuplet 3/2 { a8 (b) e,}|\break g8 (fis) e4 | \tuplet 3/2 { e8 g e} d4 | e8 g e4 | \tuplet 3/2 { g8 a b} g8. a16 |\break b2 | \tuplet 3/2 { e,8 g e} d4 | e8 g e4 | \stemNeutral \tuplet 3/2 { g8 a b} a8 b16 [(g)] | e2 \bar "|." } } \new Lyrics \lyricsto "kan" { Li -- é -- set é chon -- jan Én am -- zér hont _ tré -- mé -- net A pe oen hoah bi -- han Ér gér leh ma hon gan -- net_! Am -- zér bou -- rus, am -- zér vat_! Me chonj en oh bam -- dé, Pe oen er gér get me zad Nag eu -- rus e oen mé. } >> \layout { indent = #00 line-width = #128 ragged-last = ##t } \midi { \context { \Score tempoWholesPerMinute = #(ly:make-moment 120 4) } } }$

I

Liéset é chonjan
En amzér-hont trémenet
A pe oén hoah-bihan
Er gér léh ma hon gañnet !
Amzér bourus, amzér vat !
Me chonj énnoh bamdé,
Pe oén ér gér get me zad
Nag eurus é oén mé !

II

Me laré me feden
Dirak limaj er Huerhiéz,
Me ié d’en overen
D’en iliz a me farréz.
Eurus omb ni, Bretoned !
Ag en oed tinéran
Lakeit omb bet de sellet
Tréma bro kaer en Nean.

III

Kaset oen bet d’er skol
Aveit diskein er galleg ;
En despet d’er « simbol »
Konzein e hren brehoneg.
Me zalhou de gonz perpet
Lavar kaèr hun tadeu,
Rak énnou em es disket
Me hetan pedenneu.

IV

Pe oé iein er gouian,
Chouket é korn en uéled,
Me dummé doh en tan
Men dehorn ha men deu droed.
Bleùein e hré me halon
Kement guéh ma tanhouen
Kestén grillet ér balon
Ha chistr dous ér huéren.

V

Get en amzér neué
Pe oé glaseit er mézeu,
Liés è lein er gué
Me ié de glask néhiadeu.
El un estig ar er bar,
Hemb arsaù e kañnen
Hag en dason ér hoèd kloar
E laré me soñnen.

VI

En amzér ag en han
Pe ien d’er prad de foennat,
Avel er ré vrasan,
Me saùé foén a forhad.
D’en est édan en tuemder,
Plijet bras e hré d’ein
Monet d’er park divanch-kaèr,
Eit sekour éndrammein.

VII

A garadeu d’er gér
Pe oé tolpet er bléad,
E tornein ar er lér
Me gavé hoah bourus mat.
En tauleu freill, guéh-d’er-huéh,
Ar er plouz e darhé.
Ag en devalen abéh
Sel taul e reskondé.

VIII

Pe oé heijet eué
En avaleu hag er pér
Monet e hren get joé
D’ou cherrein én ur banér.
Goudé ma oent bloteit mat,
Er velin ou mâlé,
Hag a bep tu d’er masad
Er chistr dous e ridé.

IX

Chomet, o mem breder,
De viùein ar er mézeu,
Goarnet er lavar kaer
En dès konzet hou tadeu.
Chomet ataù, Bretoned,
Bretoned tud a fé,
Hag eurus ol e veet
Er bed-men hag en Né.

————