Fantig Helari

Eus Wikimammenn
Mont da : merdeiñ, klask
Édouard Corfmat, 1874  (Levrenn II, p. 416-418)



FANTIG HELARI
______


I


   P’oann em jardinn o pourmenin,
O tont ma c’hoar da lâret d’in ;
O tont ma c’hoar da lâret d’in,
Oa ’r plac’h vrao Fantig Helari.

   Wit kement-se, na gredis ket,
Me eas ma hunan d’hi gwelet ;
Me eas ma hunan beteg he zi,
’Wit he waleur ha ma hini.

   — Bonjour ha joa bars ann ti-ma,
Fantig Helari, pa n’hi gwelan ?
— Fantig ’zo êt da Sant-Briek,
Nag ewit diski ar gallek.

   Ar baron iaouank a lâre
Da Helari goz, en de-se :
— Na diskouezet-c’hui ho merc’h d’in,
Pe m’ho lac’ho war leur ann ti.

   Fantig Helari pa ’d-eûs klewet,
Traon gant ar vinz eo diskennet ;
Traon gant ar vinz eo diskennet,
Ar baron iaouank saludet.

   Hi o tispaka ’n toubier wenn,
O lakâd warnêhi ur joanenn,
Boutaillad gwinn ruz ha gwinn gwenn,
Taso arc’hant ewit diskenn.

   — Debret, evet ha gret cher-vad,
Me ’c’h a d’ vouit dour da buns ma zad.
— Mar ez-te, Fantig, da vouit dour,
Me ielo iwe d’as sikour.

   Hag hen hi c’has d’he di gant-han,
En despet d’he zad ha d’he mamm ;
En despet d’he mamm ha d’he zad,
Kement-se oa d’hê kalonad !
. . . . . . . . . . . . . . . . . .


   Fantig Helari a lâre
En ti he zad pa arrue :
— Grêt ma gwele d’inn m’ien en-han,
Bikenn anehan na savan ;

   Bikenn na savan anehan,
Ken vô ur wez, d’am lienna !
. . . . . . . . . . . . . . . . . . . .


II


   Ar baron iaouank a lâre
D’he bajig bihan, un dez oe :
— Kerz da di Fantig Helari,
Goulenn penoz ’man ’r bed gant-hi.

   Ar paj bihan a lavare
D’ar baron, er gêr p’arrue :
— Fantig Helari hag he mamm
’Zo ho c’horf ho diou war ar warw-skaon !

   Ar baron iaouank a lâre
D’he bajig bihan, p’hen klewe :
— Mar eo marw Fantig Helari,
Me a ro ma malloz da dri :

   Da genta roann d’am c’hoar Vari,
’Defoa ma alliet da vont d’i ;
D’ann eil hen roann-me d’am zad,
Ha d’inn ma hunan ann drivad !


Kanet gant Janet Ar Gall,
Plouaret — 1848.


_____________