Fanch-Cos, pe Perac hac Abalamour ; ha Michel-Pipi pe ar farcer breton/Pronosticou tennet eus stat al loar, hac en general eus a veur a dra all

Eus Wikimammenn
Sauter à la navigation Sauter à la recherche






PRONOSTICOU
TENNET EUS A STAT AL LOAR, HAC EN GENERAL EUS A VEUR A DRA ALL.


————


Amzer fall.

Cundu an den hac an anevalet a zalc’h calz eus a chenchamanchou an ear en e stat a starderez, a c’hlebor a demps an ear, etc.

Pa dosta an amzer fall, ar rem, ar gouliou ancien, ar c’herniel treid a neveza ar boaniou.

Al lapousset dour en em sav var o fattou, a sco o diou-esqel, a bouls criadennou hac a seblant eu em rejouissa ; ar güenniliet a nich izel bras ; ar c’hegui a gân diouc’h an nos da heuriou digustum. An dubeet a sao prim en ear.


Ar Plant.

An deillou melchen en em eüna ; an ascolen a stribill ouz un treust, en em stard hac eu em serr, lostou ar c’hivni goez en em dro calz.


Traou hep buez.

An trous a bell a glêver güelloc’h ; ar glebor ha calz a draou ; c’hoesidiguez ar c’hoad ; ar c’hoes crénvoc’h eus-an teil, an tân languissant en oaled ; ar moguet na bign qet eon, an husuil o coeza diouz ar chiminal.


PRONOSTICOU EUS AN EOL.
Sin a amzer gaer.

Pa zeo sclêr ha luguernus an eol pa zav ; p’en em disqeuz en eul liou aour ha rus, pa gousq en un eê pur.

Sin a c’hlao, pa zisparis ar gouabrennou goude ar sav eol.

Sin a arneu, pa zeo encernet an eol, gant ur c’helc’h guenn, pa zeo an ear brumet ; var vor, tempest ha corventen.

Ma tigor zæziou an eol ar gounabrennou, en eur formi mercou hir en ea.


PRONOSTICOU
TENNET EUS A INSPECTION AL LOAR.

An amzer a gommanç gant al loar a so constant avoalc’h epad ul loden eus e zro.

Mar deo neat e c’herniel ar bevare dervez, ec’h eller esperi amzer gaer epad pêvar dervez a roc ar c’hann, hac avichou epad tout ar mis ; mar deo rus ar c’herniel pe encernet eus a ur rus blêm, ec’h eller lavaret e vezo avel pe corventen ; mar dint blêm ha rontic, ec’h eller sònjal en glao.

Disg al loar sclêr a annonç un amzer gaer ; rus, avel ; tarchet, glao bras, tempest.

An aveliou a êru el loariou nevez hac er c’hannou a annonç ur chenchamant amzer.

Pa baris al loar brassoc’h eguet an ordinal, pa baris oval, pâl, goloet eus a ur voel tenval, hac encernet demeus a ur c’helc’h, qemgntse a so sinou a c’hlao.

Ar bempet dervez eus al loar a so sujettoc’h d’an tempestou, herves remercou ar vartolodet.

Al loar o veza bet cuzet gant counabrennou, mar c’hoez ar bêvare devez avel Su, an amzer a vezo fall epad oll padelez al loar.


Pronosticou var ar yenien.

Sin a yenien eo :

Pa zeo vif tan an oaled ; pa en em anflam buan ar c’heuneud, hac en em dua en glaou.

Pa zeo nombrus ar stered, brillant ha boujus,

Pa en em dastum al lapousset en bandennou, ha pa dostaont d’an ties.

Pa zeo sec’h ha ridet an daouarn.

Pa zeo divezat ar c’hoez-deillou.


Pronosticou var an avel.

Sin a avel eo :

Pa veler un niver bras a stered o coeza.

Pa zeo rus an eol pa ya da gousqet, pa za ar gouabrennou buan.

Pa zeo guenn an eol en eur sevel.

Pronosticou evit ar glao.

Ar glao a c’hlebor an douar hac a sqign ar frescadurez hac ar frouesidiguez ; carga a ra an ear a vorennou teo, a denn ar plant dezo, dre o deillou ha dre o c’hroc’hen. N’en deo nemet dre se en em vev ar plant eus ar vroyou sec’h ha sablonus.

Tleout a rer sellet evel sinou a c’hlao :

1 Ar gounabrennou bras, du, gris, spaçus er memes tra, pe dastumet evel meneziou pe reyer berniet.

2 Ur gounabrennic gris foncet pehini en em disqeus en un tol en abardaeziou an hân, var un oabr sclêr.

3. Ar gounabrennou en em dastum d’ar c’hostez control d’an aveliou Su ha Cornauc pe a so poulset dre aveliou control, evel ma-zeo casi oll aveliou arneuec.

Ar gounabrennou a encern ar meneziou pe en em drein en dro dezo ouz en em sevel varzu o lein.

Ar gounabrennou o tont diouz ar Su, hac ar re pere, opposet d’an eol, a bresant liouyou ar ganeveden.

Lavaret a rêr peurvuia :

Deiz gouel Sant Medard, pa ra glao,
E ra daou-uguent deiz atao ;
Ha deiz Sant Gerves, glao pa ve
E pad daou-uguent deiz goude.


————


Pronosticou tennet eus ar ganeveden.

Ar ganeveden diouz ar mintin (e cornauc) a verc glao.

Caneveden diouc’h ar mintin,
A so devez ar pelerin.

Ar ganeveden livet caer ha doubl, sin glao.

Ar ganeveden a baris meur a vech bemdez, sin glao abondant ha cuntinuel.

Ar ganeveden goude ur sec’hor vras, sin glao abondant.

Counabrennou disposet en curunennou, hac alies livet a liouyou ar ganeveden, endro d’an eol ha d’al loar, dreist oll pa sav an astrou-se, a so sinou glao abondant.


Pronosticou evit ar sêsoniou.

Nevez-amzer glaoec : calz a foen, nebeut a hed.

Nevez-amzer yen : eost divezat.

Nevez-amzer tom : frouez prénvedec.

Nevez-amzer sec’h : hân humid.

Gouân humid : nevez-amzer humid.

Hân humid : discar-amzer sclêr.

Discar-amzer sclêr : nevez-amzer humid.


FIN.