Eur Pater

Eus Wikimammenn
Emile Bouillon, 1890  (Levrenn II, p. 316-318)



EUR PATER
(DA LARET EN PED AMZER)
____


   Eun de ’zo deut ! Hep laked mar,
Na ’neus biscoaz cavet he bar :

   Frailla ’r veïn, dizec’ha ’r gwe,
Ha zerri ann noz da greiz-de.....

   Judas a zo prim ha buan,
O vale gant ur flammes tan,

   O vale ’n heur anter-noz
Gant eur golo ’n eur letern cloz.

   Ar Werc’hes Vari ’c’houlenne :
« Piou zo o tremen dre aze ?…

   — « E-man Jezus a Nazaret
« Ovoned gant ann tyranted !…

   Eur boud spern, eur boudic spern-gwenn
A zo gant Jesus war he benn,


   Ha gant Mari eur boud spern glaz
Wit difen he mab deuz Judas.

   — « Dalet ma c’hoeff diwar ma fenn
« Wit dizec’ha d’ec’h ho croc’hen !.....

   Perjer ann ifern vo zerret,
Dor ar Barados digorret,

   Gant gras Doue, n’ vo den collet !


Mac’harit Fulup.


____________