En avantageu spirituel en dès er Verdér ag en drivet-Urh a benigen

Eus Wikimammenn
Sauter à la navigation Sauter à la recherche



EN

AVANTAGEU SPIRITUEL

HAC ER GRÆCEU BRAS

En des er Verdér ag en drivet-Urh a Benigen
————


1.° INT ou dès en hinour de vout en disciplet ag er Halvér, ha de zesquein doh troêd er groéz er fæçon de drugairécat, dré ur vuhé a benigen, en Eutru Doué ag é garanté vras én hun hevér ; caranté en dès laqueit é Vab d’obér ur benigen quer calet, quehæd èl m’en dès bihuet ar en doar, ha d’andur ur marhue méhus eit golhein hun pehèdeu.

Deliein e rant goud, emé sant Pierre, penaus Jésus-Chrouist, goudé en dout souffret, en dès lausquet guenemb en exampl eit ma quêrehemb ar é draceu ; ha penaus er-ré e zou de Jésus-Chrouist, e zeli crucifiein ou horf hac ou fal inclinationeu. Hun Salvér ean-memb e lar : en hani ne guemér quet é groéz ha n’em héli quet, ne vérit quet bout a me ré. Er-ré e gâr er benigen, a pe za dehai sellet buhé er grechenion doh er honzeu pourfitabl-men, e hum gav affliget é uélet el lod muihan ag en dut doh en dout ur faus greden, tout-a-fæt é requin de gonzeu Doué ; ha durant ma col malheurusemant er ré-ral, dré ur vuhé a æzemant hac a blijadurieu, er fréh ag er groéz ; de laret-é, er pourfit e zeliér tennein a groéz hac a souffranceu J.-C, int e assaïe chairrein perhuéh er fréh précius-cé, én ur grucifiein hemb cesse ou desirieu hac ou goal inclinationeu. Péh un hinour bihuein haval doh Jésus-Chrouist crucifiet, bout gùir bugalé dehou !

2.° Er verdér ag en drivet-Urh a benigen en dès er gonsolation de vout, ne pas hemp quin amiet de Sant Françæs, èl quement dén e zou devot dehou, nac é serviterion, èl a pe vér é berdiah er Grouiz, nac anfin é vugalé hemp quin dré adoption, èl er-ré én dès bet lyéreu a filiation spirituel guet unan ag er Supérioret ag en Urh ; mæs int e zou bugalé de sant Françæs ag ér mod guet er Venéh ag en Urh-cé, hanhuet, dré humilité, guet er Sant-men, Berdér bihanMinor, hac èl Léannéset Santés Clair, a p’en dé gùir é ma bet en drivet-Urh a benigen inspiret guet Doué, aprouvet guet en Ilis, hac instituet guet sant Françæs. En Tad Seraphiq-zé e sel doh-t’ai a lein en Nean èl doh é vugalé câret, hac e implai hemb cesse é bedenneu dirac Doué, eit el laquat de rein dehai un abondance a græceu eit hum santefiein. Péh ur bonheur de behérion peur en dout un Avocat quer puissant dirac un Doué quet bras, dirac ur juge quen terribl !

3.° Dré er galité a ùir vugalé de sant Françæs, int ou dès er bonheur de vout édan protection particuliér er Uériés beniguet, ami hac avocadés en ol Urheu, hac é special d’en Urh a benigen ; èl ma laras ur uéh de santés Rose a Viterb, én ur laret dehi hum laquat én Urh-cé, hac é vezai bet agréabl quement-cé d’hi Mab a garanté Jésus-Chrouist. O péh ur gonsolation en dout un avocadés quer puissant ha quen tuêm a galon !

4.° Dre ou halité a verdér, int ou dès un alliance spirituel guet un nombr bras a Sænt, e zou pé e zou bet èl d’ai bugalé de sant Françæs ; lod a nehai heurus ér Baraouis, lod aral e labour guet courage ar en doar eit volanté ha gloër en Eutru Doué, hac eit pourfit en ineanneu é peb corn ag er bed.

Hac èl mé ma crihuoh en alliance spirituel hac a garanté-zé eit en alliance naturel e zou étre berdér revé er goêd ; èl-cé er verdér ag en Urh en dès er bonheur de vout lodêg én ur fæçon particuliér é mériteu, labourieu, pedenneu hac é ol œvreu mad bugalé sant Françæs.

Hac èl-cé int ou dès lod ér mélationeu e ra de Zoué er Sænt ag en Urh e zou én Nean, hac én ol pedenneu gredus, yuneu continuel, penigenneu calet, communioneu santel e ra er verdér é peb canton ag er bed, hac er martyr e andur hilleih a nehai é perdêg en aviel d’en infidélet. El-cé hemb calz a boén er verdér ag en drivet-Urh e za de vout pinhuic bras a vadeu spirituel ; ellein e rér laret dehai, guet gùirioné, er péh e larai hun Salvér d’é Apostolet : er ré-ral, e m’ean, en dès labouret, ha hui e hoès chairret er fréh a ou labour. Pihue e refusou un trésor quer précius ha quen æz ?

5.° Er verdér ag en drivet-Urh a S. Françæs en dès er memb privilége èl en neu Urh aral ; de laret-é, èl Urh er Venéh, instituet er hettan, hac èl Urh el Léannéset, instituet en eil ; de laret-é, goudé Urh er Venéh ha quênt en drivet-Urh, de vout lodêg én induljanceu e ouniér é obér perhindedeu de Ilis en Intron-Varia a Loret, de sant Jacq é Galice, hac é visitein er stationeu ag en Ilisieu a Rom, hac én ol induljanceu e zou accordet d’en ol Berdiaheu ; hac en dra-zé é laret huéh Pater, Ave ha Gloria Patri, èl ma larehemb arlerh. Liproh-é en Eutru Doué é quevér er-ré en dès ur galon dret hac er chervige é compagnoneah er-ré santel.

6° Int ou dès, é vihuein é creis er bed, er memb avantageu pedost hac er memb faveurieu spirituel e ra en Ilis, guet madeleah er gùellan mam, d’en nemb e vihue ér houvandeu : rac receu e rant èl d’ai en absolven, pé induljance general, é quemér en habit, é obér profession, hac én ær ag er marhue én ur usquein dehai ou habit, hac é prononcein a vêg pé a galon, ma n’éellant quin, en hanhueu santel a Jésus hac a Vari. O madeleah bras en Eutru Doué ! n’en dé quet en ol galhuet de varaouis terrien er religion, pé d’er houvandeu ; mæs en Eutru Doué e ra er fréh hac en trésorieu a nehou d’er-ré e vihue é creis en affærieu hac er ravage ag er bed. Petra chonjal enta ag er-ré e hanahue un trésor quer bras, ha pe rant quet caz a bourfitein a nehou ?

7.° Anfin er péh e zou admirabl, é ma eller en dout en ol avantageu-men hemb scrupul erbet ; rac er règl n’oblige quet édan boén a behet na marvel na véniel ; ha permettet-é d’en Directouret ag er gongrégation, ha d’er Govézerion ordinær, changein er poéndeu ag er règl e gavér rai ziæz é œvreu santel aral ; hac é hès er memb mérit é obér er péh e zou reit é change, èl pe vezai bet groeit er péh e oai merchet ér règl. Laramb enta guet sant Paul : peah ha miséricord en Eutru Doué e zou guet er-ré e héli er règl santel-men.