1. A pe oen mé dénig iouank, seitek pé trihueh vlé,
Mar dé d’éin guélet me mestréz, me halon e hré joé ;
2. A pe gañné ur huerzennig petremant ur poz-kan,
Saillein e hré me halonig él mammen ur fetan.
3. Hé deulagad glas én hé fen e zou ken ligernus :
En dén iouank sellet geté haneh e zou eurus...
4. Ketan gueh mem boé hi guélet oé dé pardon Kelùen
Hé dillad kaer en dro dehi doh hé goug ur chalen.
5. Hé houifig dantel ar hé fen doh un én oé haval,
Haval doh ur énig bihan ar er bod é kañnal.
6. Pe oé achiù er gospereu ha groeit er hetan bal,
Mé dehi get me zok ém dorn d’hé goulen de zansal ;
7. — 0 geou ! 0 geou ! dénig iouank get kalz a blijadur ;
Rahuiz un dén ken karadek n’hellan ket a dra sur.
8. Me grog enta én hé dorn guen, d’er gorol hé hondu ;
Deulagad ol en dud iouank goeh arnomb a bep tu!
9. Men dous e gorollas ken skan, ken brail, ma hounidas
Un dantérig sei du moaret hag ur seiennig glas.
10. Chetu tremenet en anderù, achiù er horolleu ;
Erauk ma hei en héaul de guh, damb ni d’er gér hun deu
11. Na pegement a blijadur en dé zé em es bet,
É tonet d’er gér a Geluèn get men dousig karet.
12. Er rañned glas, én ou fouleu, e hré ur mélodi,
Ur mélodi ken kaer, men dons, él ne gavér hañni.
13. Ha boéh en aùel dré er gué e soñné ken bourus :
Den zen iouank doh hum garein er ré zé zou eurus...
