Barzhaz Breizh/1883/Ar bugel laec’hiet

Eus Wikimammenn

Oberennoù damheñvel pe handelvoù all zo ivez, gwelout Ar Bugel Lec’hiet.

Didier et Cie, 1883  (p. 31-33)




AR BUGEL LAEC’HIET
− IES KERNE −


Mari goant a zo keuziet;
He Loik ker e deuz kollet;
Gand ar Gorrigan ema eet.

— Pa’z iz da vid dour d’ar stiva
Va Loik leziz er c’havel;
Pa zeuiz d’ar ger hen oa pel;


Al loen-man enn he lec’h laket,
He vek ken du hag eunn tousek,
A graf, a beg, heb ger e-bet;

Ha bron bepret ’ma klask kaouet,
Hag enn he zeiz vloaz e ma eet
C’hoaz ne ma ket c’hoaz dizonet.

Gwerc’hez Vari, war ho tron erc’h,
Gand ho kredur tre ho tiou-vrec’h,
E levenez ’m oc’h, me enn nec’h.

Ho mabik sakr c’hui a virez,
Me ma hini me a gollez.
Truez ouz-in mamm a druez!

— Ma merc’h, ma mer’h, na nerc’het ket!
Ho Loik ne ’d eo ket kollet,
Ho Loik ker a vo kavet.

« Neb ra van virv e gloren vi
Evid dek gonideg eunn ti,
A lak ar c’horrig da bregi.

« Pa’n deuz prezeget flemm-han, flemm!
Pa eo bet flemmet ken, a glemm;
Pa eo klevet, he lammer lenn. »

— Petra rit-hu aze, va mamm ?
Lavare ar c’horr gand estlamme,
Petra rit-hu aze, va mamm ?

— Petra rann ama va mab-mi ?
Birvi a rann er blusken-vi,
Vit ann dek gonidek va zi.

—’Vit dek, mamm ger, enn eur blusken!
Gweliz vi ken gwelet iar wenn,
Gweliz mez ken gwelet gwezen


Gweliz mez ha gweliz gwial,
Gweliz derven e koat Breiz-all,
Biskoaz na weliz kemend all.

— Re draou a welaz-te, va map;
Da flap! da flip! da flip! da flap!
Da flip, potr koz! ha! me da grap!

— Sko ket gant-han, lez-han gan-i;
Na rann-me droug da da hini,
Ma brenn er bro-ni gan-e-omp-ni. —

Mari d’ar ger pa zistroaz,
He bugel kousket a welaz
Enn he gavel, ha sioul eaz.

Hag out-han ker kaer pa zelle
Ha da voket d’ean pa ee,
He zaoulagad a zigore.

Enn he gavazez’n em zave,
He ziouvrec’hik d’ei astenne :
— Gwall-bell onn bet kousket, mamm-le! —



\score {
  \version "2.18.2"
  \relative c'{
    \clef treble
    \key f \minor
    \tempo \markup {\italic Andantino.}
    \override Rest #'style = #'classical
    \autoBeamOff
    \time 2/4
    \partial 4*1
    e4 | f bes | aes2( | g4) f8[ e] | f4 bes | \break
    aes2( | g4) c, | f g | aes g | f2 | ees | c~ | \break
    c4 c | f g | aes g8([ aes]) | bes2 | \appoggiatura aes4 g2 | f \bar "|."
  }
  \addlyrics {
    Ma -- ri goant a zo keu -- zi -- et
    he Lo -- ik ker e deuz kol -- let_;
    gand ar Gor -- ri -- gan e -- ma eet.
  }
  \layout { line-width = #123 }
  \midi {
    \context {
      \Score
      tempoWholesPerMinute = #(ly:make-moment 120 4)
    }
  }
}
\header { tagline = ##f }