Barzhaz Breizh/1883/Al labourerien

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Al Labourerien.

Didier et Cie, 1883  (p. 363-365)



AL LABOURERIEN
− IES LEON −


Tostavit holl, Bretoned, da glevet eur gentel :
War buhez al labourer eo bet great n’euz ket pell,

Eur vuhez kriz ha poaniuz ; paouez na deiz na noz !
Hag a ren a galoun-vad, da vont d’ar baradoz.

Al labourer a labour, n’euz fors e pe amzer,
Kouls dindan ar ienien ha dindan ann domder ;
Pa vez erc’h, grizil, kurun, avel, glao, skourn, kazarc’h,
Enn he bark, o labourat, daoubleget, hen gwellac’h.

Al labourer zo gwisket peurvuia gant lien ;
Na vez ket treset bemdeiz, evel ar vourc’hisien,
He zillad zo truillennet, gand ann douar saotret,
Re ker, a renk he gavout, a skop ouz he welet.

Dishenvel meurbed eo stad ar paourkeaz labourer,
Dishenvel diouc’h stad ann dud pere a chom e ker :
Re-ma ho deuz kik, pesked, ha bara gwenn bepret ;
Al labourer tammou iod, bara seac’h, dour bervet.

Al labourer renk pea, pea e peb amzer,
Pea tellou d’ar roue, peb bloaz, teir pe beder ;
Ha pa renk pea he vestr, ma n’eo prest ann arc’hant
Foar a reer gand he zanvez ; aman ann nec’hamant !

Da bea c’hoaz en deveuz obidou d’ar person,
Evel ma’z eo ar c’hustum, kement-se zo gwirion ;

Rei ho c’hest d’ar veleien, aluzen d’an beorien ;
Hag, evit na faziint ket, gwir d’he zervicherien.

Al labourer, goude-ze, a vezo tamallet ;
Gand ann dud euz al lezen e vezo piz skarzet ;
Euz he nebeud a vadou e vezo dibourc’het
Hag, he zanvez o vont kuit, n’euz ger da lavaret.

Ha mar c’hoarv d’ezhan konta he arc’hant a-wechou,
Arc’hant en deuz dastumet gant kemend a boaniou,
C’hoarzin a ra ar geriz oc’h hual anezhan,
Ha, mar geller, he gigner, oc’h ober goab out-han.

Enn divez al labourer, baleet leac’h ma karo,
E vezo drouk-prezeget, kalz tud hen disprizo ;
Ha koulskoude, ma teufe da zonjal ann dud-ma :
Diwar breac’h al labourer m’ar bed-holl o veva.

Setu hor buhez, siouaz ! hor buhez kriz meurbed ;
Hor stad a zo truezuz hor stereden kaled ;
Hor stad zo poaniuz meurbed ; paouez na deiz na noz !
Renomp-hi a galoun-vad da vont d’ar baradoz.



\score {
  \version "2.18.2"
  \relative c'{
    \clef treble
    \key g \major
    \tempo \markup {\italic Religioso.}
    \override Rest #'style = #'classical
    \time 2/4
    \partial 4*1
    d4 g g | a b | c( b) | \break
    a g8( a) | b4 b | a2~ | a4 b8( a) | \break
    g2~ | g4 d | g g | a b | c( b) | \break
    a g8( a) | b4 b | a2~ | a4 b8( a) | \break
    g2~ | g4 d' | d c \bar "||" \time 3/4 b4( a) g | \break
    g fis g \bar "||" \time 2/4 a4 b \bar "||" \time 3/4 c2( b4) | \break
    \grace b a2\fermata d4 \bar "||" \time 2/4 d4 c \bar "||" \time 3/4 b4( a) g | \break
    g fis r | b b b | a2 b8( a) | g2. \bar "|."
  }
  \addlyrics {
    Tos -- ta -- vit holl, Bre -- to --
    ned, da gle -- vet eur gen --
    tel; War bu -- hez al la -- bou --
    rer eo bet great n’euz ket
    pell, Eur vu -- hez kriz ha
    poa -- niuz; paouez na deiz na
    noz! Hag a ren a ga --
    loun -- vad, da vont d’ar ba -- ra -- doz.
  }
  \layout { line-width = #123 }
  \midi {
    \context {
      \Score
      tempoWholesPerMinute = #(ly:make-moment 90 4)
    }
  }
}
\header { tagline = ##f }