Barzhaz Breizh/1846/Son leur-nevez

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Son al Leur Nevez.

Franck, 1846  (Levrenn 1 Levrenn 2, p. 336-338)



VII


SON LEUR-NEVEZ.


(Ies Kerne huel.)


Ma zud oa oet d’al leur-neve ;
Ha me d’ho heul d’ar fest ive !

D’al leur-ne oant oet d’ar maner,
Fe vie bet gan-in chom er ger !

Potred eno na vanke ket,
Na merc’hed koant, — ho ! — ken-neubed ;

Dridal a ree ma c’halon
O kleout ar zonerien son.

Pa weliz eur plac’h o tansal,
Ken drant evel eunn durzunal ;

He daoulagad evel glizin
War ar bleun spern-gwenn, da vintin,

Hag he ker glaz evel bleun-lin ;
He dent ker kaer evel mein-fin ;

He neuz ken drant ha ker laouen :
Hag hi mont da zellet ouz-en,

Ha me mont da zellet out-hi.
Ha me mont goude d’hi fedi,

D’hi fedi’vid eur jabadaou,
Ha ni war ann dachen hon daou !

Trema oamp gand ann abaden,
Me waske war hi dornik gwenn ;


Hag hi c’hoarzin, c’hoarzin ken douz,
Hag eunn el euz ar baradouz ;

Ha me mont da c’hoarzin out-hi ;
Ha ne garann mui nemet-hi.

Me ielo d’hi gwelet henoaz,
Eur voulouz gan-in, hag eur groaz ;

Eur voulouzen du hag he c’hroaz,
Prenet e foar Sant-Nikolaz,

Sant-Nicolaz, hor patron braz,
A vo brao war hi gougik noaz ;

Hag ouspen, eur walen argant
Da vouta war hi bezik koant,

Da lakat war-n-han da vijou,
Ma zonjo d’i-me wechigou.

O tont endro a di ma dous,
Digouet gan-e ’r c’hemener kouz ;

’R c’hemener em euz kavet,
Hag ar zon-man en deuz savet.


————