Barzhaz Breizh/1846/Jenovefa Rustefan

Eus Wikimammenn
Sauter à la navigation Sauter à la recherche

Oberennoù damheñvel pe handelvoù all zo ivez, gwelout Jenovefa Rustefan.

Franck, 1846  (Levrenn 1 Levrenn 2, p. 62-68)



VI


JENOVEFA RUSTEFAN.


(Ies Treger.)


I.


Pa oa potr Iannik gand he zenved,
N’en doa ket koun da vean beleget.

— Ne vinn, a-vad, belek na manac’h,
Laket em euz ma spered er plac’h. —

Pa zeuaz he vamm ha larez d’ean :
— Te a zo eur potr fin, ma mab Iann ;

Lez al loened-ze, ha deuz d’ar ger,
Evit monet da skoul da Gemper ;

’Vit mont da skoul da vean beleget ;
Ha lavar kenavo d’ar merc’hed. —


II.


Ha braoan merc’hed oa er vro-ze,
Merc’hed otro ar Faou a-neuze ;

Braoan merc’hed a zave ho fenn,
Voa merc’hed ar Faou, war ann dachen.

Hi a dole skler dreist ar merc’hed,
Evel ma ra’l loar dreist ar stered.

Ha gant-he peb a inkane gwenn,
O tont d’ar pardon da Bond-Aven ;

O tont d’ar pardon da Bond-Aven,
A grene ann douar hag ar vein ;


Gant he peb a vroz c’hlaz a zeien,
Ha karkanio aour war ho c’herc’hen.

Ar iaouankan, hounez ar braoan ;
Iannik Kervlez a gar, a glevann.

— Pevar mignon kloarek am euz bet,
Hag ho fevar e ma int beleget ;

Iannig ar Flecher, ann divezan,
A laka va c’halon da rannan. —


III.


Pa oa Iannig o vont d’ann eurzo,
Jenovefa voa war he zreujo ;

Jenovefa voa war he zreujo,
Hag a c’hrouie-hi dentelezo,

Hag ho brode gant neuden argant :
(Da c’holoi eur c’halir e vent koant).

— Iannig ar Flecher, ouz-in sentet ;
Da gemer ann eurzo na it ket ;

Da gemer ann eurzo na it ket,
Enn abek d’ann amzer dremenet.

— Distrei d’ar ger me ne hallann ket,
Pe vinn hanvet ar gaouier touet.

— N’hoc’h euz eta koun deuz ann holl draou
A zo bet laret war-n-omp hon daou ?

Kollet hoc’h euz eta ar walen
’M euz roet d’hoc’h e-kreiz ann abaden ?

— Ho kwalen aour n’am euz ket kollet ;
Doue neuz hi digan-in tennet.


— Iannig ar Flecher, distroet endro.
Ha me raio d’hoc’h va holl vado ;

Iannik, va mignon, distroet endro,
Ha me ielo d’hoc’h heul e peb bro ;

Ha me gemero boteier koat,
Ha me iei gen-hoc’h da labourat.

Ma na zentet ked ouz va goulenn,
Digaset d’i-me ar groaz-n-ouen.

— Sivoaz! hoc’h heulian ne hallann ket,
Rag aberz Doue onn chadennet ;

Rag gand dorn Doue em onn dalc’het,
Ha d’ann eurzo eo red d’in monet. —


IV.


Hag o tont endro euz a Gemper,
E teuaz adarre d’ar maner.

— Eurvad, otro maner Rustefan,
Eurvad d’hoc’h holl dud, braz ha bihan !

Eurvad ha joa d’hoc’h, bihan ha braz,
Muioc’h evit zo gan-in, sivoaz !

Me zo deuet d’ho pedi, d’ann de,
Da zonet d’am oferen neve.

— Ia ! d’hoc’h oferen ni a ielo,
Kentan brofo er plad me a vo.

Me a brofo er plad ugent skoed,
Hag ho maeronez, va itron, dek ;


Hag ho maeronez a brofo dek,
Evit rei enor d’hoc’h-hu, belek. —


V.


Pe oann digouet e-tal Penn-al-lenn,
O vonet ive d’ann oferen,

E weliz kalz a dud o redek,
Hag hi enn eunn estlamm braz meurbed.

— Na c’hui, gregik koz, d’in leveret,
Nag ann oferen zo achuet ?

— Ann oferen a zo deraouet,
Hogen he achui n’euz gallet ;

He achui n’en deuz ket gallet
Gwelan da Jenovefa neuz gret.

Ha tri leor braz en deuz treuzet mad.
Gand ann daero euz he zaoulagad.

Ken a zeuaz ar plac’h o redek,
Ha’ gouezaz da zaoulin ar belek.

— Enn han Doue ! Iann, distroet endro !
C’hui zo kiriek, kiriek d’am maro ! —


VI.


Ann otro Iann Flecher zo person,
Person eo breman, e borc’h Nizon ;

Ha me am euz savet ar werz-ma,
M’ euz hen gwelet meur wech o wela :

Meur wech m’euz hen gwelet o wela ;
Tostik-tost da ve Jenovefa.



\version "2.18.2"
  global = {
    \key bes \major
    \tempo \markup {\italic Andante.}
    \override Rest #'style = #'classical
    \autoBeamOff
    \time 2/4
    \partial 4*1
  }
  
  melody = \relative c'{
    \global
    g'4 bes bes8 bes | a4 a8 a | \break
    g([ a]) bes4 | a r8 g | bes4 bes8 bes | \break
    a4. a8 | g([ a]) bes4 | a r8 g | \break
    bes4 bes8 bes | a4. a8 | g4 a8([ g]) | f4 g8([ a]) | \break
    bes4 bes8 bes | a4. g8 | g4 a8([ g]) | g4 \bar "|."
  }
  
  rightOne = \relative c' {
    \global
    \stemUp
    r4 r8 d([ <g bes> d]) | r c([ <fis a>]) c |
    <bes g'>([ d <bes g'> d]) | <a fis'>([ d <a fis'> d]) | r d([ <g bes> d]) |
    r c([ <fis a> c]) | <bes g'>([ d <bes g'> d]) | <a fis' a>4 r |
    <d g bes> r | <d f a> r | <bes ees g> r | <bes d f> g'8[ a] |
    <d, g bes>2 | <c ees a>4 <bes e g> | <bes d g> <c fis> | <bes g'>
  }

  rightTwo = \relative c' {
    \global
    \stemDown
    s4 s2 *11 |
    s4 d
  }

  left = \relative c {
    \global
    r4 g' r | d r |
    g, r | d' r | g r |
    d r | g, r | <d d'> r |
    <g g'> r | <d d'> r | <ees ees'> r | bes' bes'8[ a] |
    g2 | c,4 cis | d d, | g
  }
  
  leadSheetPart = \new Staff \with {
    instrumentName = \markup {\tiny "KAN."}
  } { \melody }
  \addlyrics {
    Pa oa potr I -- an -- nik gand
    he zen -- ved, N’en doa ket koun
    da vean be -- le -- get. N’en
    doa ket koun da vean be -- le -- get; N’en
    doa ket koun da vean be -- le -- get.
  }

  pianoPart = \new PianoStaff \with {
  instrumentName = \markup {\tiny "PIANO."}
  } <<
  \new Staff = "right" \with {
    midiInstrument = "acoustic grand"
  } << \rightOne \rightTwo >>
  \new Staff = "left" \with {
    midiInstrument = "acoustic grand"
  } { \clef bass \left }
  >>
  
\score {
  <<
    \leadSheetPart
    \pianoPart
  >>
  \layout { line-width = #123 }
  \midi {
    \context {
    \Score
    tempoWholesPerMinute = #(ly:make-moment 100 4)
    }
  }
}
\header { tagline = ##f }