Barzhaz Breizh/1846/Diougan Gwenc’hlan

Oberennoù damheñvel pe handelvoù all zo ivez, gwelout Diougan Gwenc’hlan.

Théodore Hersart de La Villemarqué

Barzaz Breiz

Franck, 1846  (Levrenn 1 Levrenn 2, p. 30-34)

II

DIOUGAN GWENC’HLAN.

(Ies Kerne.)

I.

Pa guz ann heol, pa goenv ar mor.
Me oar kana war dreuz ma dor.

Pa oann iaouank me a gane ;
Pa’z onn deut koz, me gan ive.

Me gan enn noz, me gan enn de ;
Ha keuziet onn koulskoude.

Mar ’d eo gan-in stouet ma bek,
Mar ’m euz keun ne ket heb abek.

Evid aoun me n’am euz ket,
Meuz ked aoun da vout lazet ;

Evid aoun me n’am euz ket ;
Amzer awalc’h ez onn-me bet.

Pa vinn ket klasket, vinn kavet ;
Ha pa ’z onn klasket ne’z onn ket.

Na vern petra a c’hoarvezo :
Pez a zo dleet, a vezo.

Red eo d’ann holl mervel teir gwes,
Kent evid arzao enn-divez.

II.

Me wel ann hoc’h ’tont doc’h ar c’hoad,
Hag hen gwall-gamm, gwallet he droad ;

He vek digor ha leun a c’hoad,
Hag he reun louet gand ann oad ;

Hag he vorc’higou tro-war-dro,
Gand ann naon braz o sorc’ho.

Me wel ar morvarc’h enep tont,
Ken a gren ann aot gand ar spont.

Hen ken gwenn evel ann erc’h gann ;
Enn he benn kerniou argant.

Ann dour dindan han o firvi,
Gand ann tan daran euz he fri ;

Morgezeg enn dro d’han ker stank
Hag ar geot war lez ar stank.

— Dalc’h mat ’ta ! dalc’h mat ’ta ! morvarc’h ;
Darc’h gand he benn ; darc’h mat ’ta, darc’h !

Ken a risk er goad ann treid noaz !
Gwas-oc’h-was ! darc’h ’ta! gwas-oc’h-was !

Me wel ar goad evel eur waz !
Darc’h mat ’ta ! darc’h ’ta ! gwas-oc’h-was !

Me wel ar goad hed penn he c’hlin !
Me wel ar goad evel eul linn !

Gwas-oc’h-was ! darc’h ’ta, gwas-oc’h-was !
Arzaoi a ri benn arc’hoaz.

Darc’h mat ’ta ! darc’h mat ’ta morvac’h,
Darc’h gand he benn, darc’h mat ’ta, darc’h. —

III.

Pa oann em bez ien, hunet dous,
’Kleviz ann er ’c’hervel, enn nouz.

He erigou hen a c’halve ;
Hag ann holl evned euz ann ne ;

Hen lavare dre he c’hervel :
— Savet prim war ho tiou-askel !

Ne ket kik brein chas pe zenved,
Kik kristen renkomp da gaouet ! —

— Morvran goz, leo ; lavar d’i-me :
Petra c’hoari gen-oud aze ?

— Tal ar penn-lu ^[1] c’hoari gan-in ;
He zaoulagad ru a fel d’in ;

He zaoulagad a grapann net,
Abek d’az re en deuz tennet.

— Na te, louarn, lavar d’i-me
Petra c’hoari gen-oud aze ?

— He galon a c’hoari gan-i
Oa ken diwir ha ma hani,

E deuz c’hoantaet da lazo,
E deuz da lazet a bell zo.

— Na te lavar d’i-me, tousek,
Petra rez aze ’korn he vek ?

— Me a zo ama ’n em laket,
’C’hortoz he ene da zonet.

Gan-i-me vo tra vinn er bed,
Enn damant glan oc’h he dorfed

E kever ar Barz na jomm ken
Etre Roc’h-allaz ha Porz-gwenn. —

1. Penn, britannice caput (Girald. Cambrens. [ad ann. 1160]. Itiner. cambr., lib. I, c. xvi) ; lu, armée. (Vocab. bret. [ad ann. 882].)