Ar pesqetaer hac ar pesq bihan

Eus Wikimammenn
Sauter à la navigation Sauter à la recherche
◄  Ar pod houarn hac ar pod pri Ar pesqetaer hac ar pesq bihan An den piz hac ar yar toferez aour   ►


AR PESQETAER HAC AR PESQ BIHAN.
(Livre V, Fable III.)


Pesqiq a vezo pesq caër
Nemet ma en d’o buëz ;
Mæs, da c’hortos, e leusqer
Pa vez tappet, so follentez ;

Rac d’e adtappout n’oc’h qet sur.

Ur lusenniq, c’hoas crouadur,
A oe paqet get ur goas.
He, gat hast ha plijadur,
E baner a zigoras.
Qement-ma so, eme an den,
Commançamant a fritaden.
Ar luzenniq, en e langaich,
A lavar : Va list da vont :
N’a pezo na coll na dommaich.
N’on mat da netra, erfont ;
Da hirra tout, ur guenaouad.
List ac’hanon c’hoas ur pennad ;
Les ac’hanon c’hoas da gresqi.
Pa vin savet, sur e c’helli
Tappout ac’hanon-me c’hoas
Ha va guerza ur pris bras.
Hac ho pe cant eus va foes-me,
Pe sort pladat a ve henne ? —
Pe sort plat ? ’me ar pesqeter.
Pesqiq, c’hui so ur sermoner.
Na muï-na-mez, pesq va mignon,
En berr, er billiq, gat oignon,
E viot fritet, credit se ;
Rae scoet en dorn a dal din-me
Muioc’h eguet daou o vale.