Ar er sourci de héli er Règl

Eus Wikimammenn
Sauter à la navigation Sauter à la recherche


IX. MÉDITATION.
Ar er sourci de héli er Règl.


CONSIDÉRET penaus éma un dalledigueah vras bout é clasq bihuein revé hou fantasi, goudé ma hoès hum ingaget a volanté vat én un Urh en dès ur règl tennet ag er honseilleu e ra hun Salvér én aviel ; hac èl-cé a p’hé héliér é pligér bras d’en Eutru Doué, ha ma n’hé héliet, hui e zeï de vout ur main a scandal én Urh. Ma n’en doh fidel de viret hou règl, n'en doh quet fidel de græce Doué en dès hou calhuet d’er stad e hoès queméret, ha displijadur vras e rehet d’hou perdér ha d’hou ç’hoéreset devot, e remerquou hou yeinnion hac hou técouragemant.

2.° Considéret fal diguearéeu er verdér yein ha dégourage é quevér ou règl. Lod e lar ne vanquant meit é treu distér : sant Bernard e rescond dehai èl ma rescondai d’é Venéh, sel disterroh é en dra e vanquet, sel æssoh oai d’obér ; rac-cé é clasq hum excusein, hui hum gondan. Lod aral e cheleu hac a la fin e gred tantation ordinær en drouc-speret énep d’er-ré e vihue én ur stad santel benac, èl en dut a ilis, er Venéh pé Leannéset, hac er verdér un Urh benac. Er goal esprit e ra dehai de gredein n’end int quet ér stad ma ou goulen en Eutru Doué. Eit miret doh en tantationeu-zé, ne fal quet ou cheleu, mæs chongeal a ben é tant er muihan d’er-ré e zou é stadeu santel ér mod-cé. Bout-zou én Urh a benigen, èl é quèment stad-zou, lod pinhuiqueoh, lod ag ur famil ihuelloh, lod é cargueu brassoh eit lod aral, hac haval guet-ai é teliant hum ziforhein doh er ré-ral. Eit pellat en tantation-zé, er sort gueih tud-cé e zeli chongeal mar laquér er sort difforhance-cé étré en dut, é ma en dalledigueah hac en orgueil, deit a behet Adam, en dès degasset quement-cé ér bed. Mæs dirac Doué, n’en dès meit er santeleah hac er fallanté e laqua difforhance étré en dut : er-ré hum gav hac hum laqua er-ré izellan, e zou er-ré ihuellan dirac t’ou, emé hun Salvér d’é Apostolet.

3.° Er moyant de reneuéein én hou calon er gred carantéus de viret ha de héli er règl, e zou considérein en dès en Eutru Doué hou calhuet d’er stad-cé, é ma ean en dès reit deoh er règl-zé de viret, hac é vou dehou e tacorehet cont d’en dé ma vehet juget. Sellet erhat bermen a ean e gavou mad hou ç’excusieu nezé. Rac deusto ma n’en dé quet ur pehet manquein d’er règl, neoah ne fal quet credein é vou trettet ér memb fæçon, é jugemant en Eutru Doué, unan en dou hi heliet hac un aral n’en dou quet. Considéret liès er gret carantéus hac er fidélité en dès bet er Sænt hac er Santéset ag en Urh de héli ou règl. Goulennet pardon guet Doué ha guet er Patriarh santel sant Françæs, bout bet inutil ha scandalus én é Urh ; ha queméret ur résolution crihue de vout fidelloh er rest a hou puhé de viret hou règl guet er brassan sourci. Remerquet neoah é permet er règl goulen dispance pé changemant é léh er péh e zou rai diæz.