Ar er Mortification

Eus Wikimammenn
Sauter à la navigation Sauter à la recherche


VIII. MÉDITATION.
Ar er Mortification pé Castiemant.


CONSIDÉRET penaus é teliet quemér ur sourci bras d’hum vortifiein, pé de verhuel, pé de renonciein deoh hou ç’hunan, pé de vihuein castiet : ur memb tra int ol. Hui e zou obliget d’er gobér a balamort m’en dès laqueit pehet Adam é mab-dén ur revolt quer bras doh er mad, ma toug hun ol plégueu, hun ol inclination d’er pehet. Rac-cé ret-é miret hemb cesse doh t’ai, résistein, dihuennein hemb cesse ; ha chetui er mortification, er hastiemant, merhuel pé renonciein demb hun nunan. Er-ré exant a behet e éel hum goutantein é renonciein d’er péh e zou dihuennet ; mæs er-ré en dès hum revoltet doh Doué e zeli renonciein memb de hilleih a dreu permettet, emé sant Gregoër ; hac èl n’en dès quet calz a dut exant a behet, quasi en ol e zou obliget de renonciein, e zihuennein doh en ol plégueu, desirieu, inclinationeu a ou halon, nameit d’er-ré e blige de Zoué, hac e héliant eit pligein dehou. Mesur hun santeleah e zou mesur er boén e gueméramb d’hum vortifiein.

En hoant bras en doai er Sænt de bligein de Zoué ou laquai de guemér hemb cesse sourci d’hum vortifiein. Peb-hunan a nehai e ellai laret èl sant Paul : douguein e ran goulieu Jésus-Chrouist ar me horf. N’hou pou jamæs en donæzon a oræson, ma n’en doh sourcius d’hum vortifiein.

2.° Considéret petra e ra er mortification : hi e laqua er horf de vout sujet d’en inean, er goal inclinationeu d’er ræson, hac er ræson de Zoué. Rinquein e rér mortification é quevér hun pemp squênt naturel, péré zou hun deulegat, dihue scoharn, dihue-frên, guêneu, deu zorn hac ol er horf ; é quevér hun ol goal inclinationeu, é quevér er chongeu a hun speret hac er harantéeu a hun halon, é quevér hun antandemant hac hun volanté ; rac ne zeliamb hum chervige ag en treu-zé ol nameit dré nécessité, dré ræson ha dré vértu. Gùir-é è homb quer goan ma vanquamb liès a uéh én dé a zivout quement-cé hemb avis ha quasi drespet temb, ne vern péh quer mortifiet omb. En Eutru Doué e bermet quement-cé, eit ma hanàuehemb hun goannedigueah hac en dobér hun nès ag er pedein ; mæs prest é attàu de bardonnein demb er sort fauteu-zé ; ne vern péh sort œvr mad, groeit guet contrition, e zou assés dirac Doué eit ou effacein. Mæs eit en dout contrition ag er fauteu-zé, é ma ret en dout quæ a nehai, ha quemér poén de viret doh t’ai. Pihue-benac ne guemér quet poén de zihoal doh en ol fal plégueu e zou én ou, de évehat doh é squêndeu, doh é speret, doh é galon, n’en dès quet er vertu a mortification.

3.° Er péh hun nès guellan d'obér eit gouni er vertu-zé, e zou hé goulen liès guet Doué én oræson, téhein doh compagnoneah ha hantis en dut libertin ha décourage, cârein er silance, mortifiein hun deulegat, cârein en disciplin ha penigenneu calet er horf. A zivout er speret, ne fal quet jamæs disputal guet dén eit dihuein é santimant ; ne fal quet hum excusein a pe vér avertisset d’hum gorrigein, ma n’er goulen er charité ; ret-e aboeissein d’er-ré e zou laqueit a berh Doué de gommandein demb, ha gùéhavé memb d’er-ré izelloh eit omb. Ret-é bout fidel de sentein doh er chongeu mad e zegasse en Eutru Doué demb.