Alhue en eurusted

Eus Wikimammenn

Oberennoù damheñvel pe handelvoù all zo ivez, gwelout Alc’houez an eurusted.

Imprimerie de la Presse libérale, 1926  (p. 24-25)



Alhué en Eurusted
Alc’houez an Eurusted
————



\version "2.18.2"
\score {
 \new Staff {
  \relative c'{
    \clef treble
    \autoBeamOff
    \key f \major
    \time 3/4
    \partial 4*1
    c'4 d c a | c a g | f2 c'4 | d c g( | g2) a8([ bes]) | \break
    c2( d8[ c] | bes2) c4 | d c g( | g2) a8([ bes]) | c2 c4 \bar ".|:" d c a | \break
    c a f | g2 a8([ bes]) | g2 g8([ a]) | \time 2/4 bes4 g | \time 3/4 f2 c'4 \bar ":|." f,2 \bar "|."
  }
  \addlyrics{
    A pe oen é me zri -- hueh vlé, Pla -- hig hemb a -- vis --
    ted, Pla -- hig hemb a -- vis -- ted, e oé bet rein
    t’ein un al -- hué, al -- hué en eu -- rus -- ted. é -- ted

  }
  \addlyrics{
    Pa oan em zri -- ouec’h -- vet bloa -- vez, Pla -- c’hig hep nec’h e --
    bet, Pla -- c’hig hep nec’h e -- bet, e voe ro -- et
    d’in eun al -- c’houez, Al -- c’houez an eu -- rus -- ted. e -- ted
  }
 }
 \layout { line-width = #150 }
 \midi { }
}
\header { tagline = ##f }


1

A pe oen é me zrihueh vlé,
Plahig hemb avisted,
E oé bet rein t’ein un alhué,
Alhué en eurusted.


2

Ha chetu me oeit tre er vro,
E men dorn an alhue,
Eit klaskeien er bed tro a tro,
Dor kaer er leuine.


3

Ar en hent hir e helien,
Pel d’oh bro en Arvor,
Ag en en eurusted e glasken,
Ne gavèn ket an nor.


4

Splannein e hras men brouite,
Er palezieu kaeran,
Mès ol en eur streuvet enné,
Ne dorre ket men nan.


5

« Laret d’ein, me tuchentil vat,
« D’emen e vou rekis
« Ridek, eit ma hellein tanhoat
« Huné me Iaouankis ?

1

Pa oan em zriouec’hvet bloavez,
Plac’hig hep nec’h ebet,
E voe roet d’in eun alc’houez,
Alc’houez an eurusted.


2

Ha setu me aet dre ar vro,
E va dourn an alc’houez,
Evit klask er bed tro ha tro,
Dor gaer al levenez.


3

War an hent bras hir a heulien,
Pell diouz bro an Arvor,
Eus an eurusted a glasken,
Ne gaven ket an nor.


4

Skedet he deus va braoentez,
En tiez alaouret,
Met va naon gant o holl danvez,
Biskoaz n’eo bet torret.


5

Livirit d’in, tud chentil vat,
E pelec’h ’vo rekiz
Redek ’vit ma c’hellin tanvaat
Hunvre va yaouankiz.


6

« Plahig iouank, p’er haveet
« Kuhet get er gué bras,
« Mamen en dar e vou hesket
« En hou teulagad glas ».


7

Chetu me, eun dé, digoèhet
Get sam er gohoni,
E tal eun ti hanter koehet,
Dilausket ha gouli.


8

Get en alhue me zigoras
Dor an tiig hemb toen
Hag ar en ueled me huelas
Leh me havelig guen.


9

Me hanauas me zi a ben,
Ennon em ès kresket,
Ennon, me mam, ar è barlen,
En dès me luchennet.


10

Koehet é me zi tamm ha tamm,
Me eurusted eùé.
En eurusted ha ti me mam
En dès er memb alhue.

6

P’her c’havoc’h, tost da benn ar bed,
Kuzet gant ar gwez bras,
Mammenn an daerou ’vo hesket,
En ho taoulagad glas.


7

Setu me, eun deiz, digouezet,
Kroummet gand ar gozni,
E tal eun ti, hanter gouezet,
Goloet a ginvi.


8

Gant an alc’houez e tigoris
Dor an ti hep toenn,
Ha war an oaled e welis
Lec’h va c’havelig gwenn.


9

Anaout a ris va zi a-benn,
Ennan em eus kresket,
Ennan, va mamm, war he barlenn,
He deus va luskellet.


10

Kouezet eo va zi tamm ha tamm,
Va eurusted ivez.
An eurusted ha ti va mamm
N’o deus met eun alc’houez !

J. Le Maréchal.