Adlennet eo bet ar bajenn-mañ
Pa ’z int er porz antreet
Ha peurziskarget an et,
An autrou a zigor frank
Eur gambr vras d’ar pautr yaouank.
Hemañ a zo chomet pell
Bamet, gant ar pez a wel :
Arc’hant hag aour bern war vern ;
Mein talvoudus, a lugern
Deus pep liv ar oareg-glao
’Vel eur parkad bleuniou brao !
An autrou ’lar d’an den paour,
O tiskouez d’añ eur pez aour :
— Lennit ’n hano-ze, ma goas,
Ha m’ho lako pinvik bras ! —
