Pajenn:Barzaz Breiz 4e edition 1846 vol 2.djvu/38

Eus Wikimammenn
Kadarnaet eo bet ar bajenn-mañ
26


Kenavo, sent ha sentezet,
Na zeuimp mui d’ho tarempred ;

Kenavo, patron hor parrez,
Ni zo war hend ar baourentez. —

Potred Plouieou ho deuz laret :
— Tevet, merc’hed, na welet ket,

Ken na welfet goad peb tiek
War dreuzou he di o redek,

Ken na welfet al lomm divean :
Goad ar C’hallaoued da gentan. —

Ann arser, evel pa glevaz,
Diwar zez ar groaz a lammaz,

N’ouie doare pelec’h tec’het ;
’Vel den rag he benn en deuz gret ;

Barz ar garnel e ma lammet,
E touez eskern ar Vretoned.

Hogen, klevet eur seurt burzud :
Ann eskern a zrask, evel tud ;

Hag a zav sonn, em unanet,
Eneb ann arser war ho zreid ;

Ha chetu hen peurzispennet,
Ha dindan he peurzouaret.


III.


Potred Plouieou a lavare :
— Deomp-ni da c’hout hon digare. —

E Kemper dal’ m’a erruzont,
Ho otrounez a c’houlenzont :