Pajenn:Barzaz Breiz, huitième édition.djvu/183

Eus Wikimammenn
Mont d’ar merdeerezh Mont d’ar c’hlask
Kadarnaet eo bet ar bajenn-mañ

— Ke d’ann emgann, ke, marc’hek Lez-Breiz :
Mont a rann-me gen-oud-de ivez. —

III


— Klevet-hu? ’ma Lez-Breiz o tonet
Gant-han eur strollad hag hen fardet !

Ha ! dindan han eunn azenik gwenn
Eur c’habestrik kanab enn he benn,

Hag eur flocʼh bihan enn he gichen ;
Hag hen, hervez ar vrud, eur gwall-zen. —

Flocʼh bihan Lez-Breiz dal’ m’ho gwelaz,
Tost-oc’h-tost d’he vestr en em riblaz :

— Sellet-hu! Lorgnez o tont enn hent !
Eur stroll marc’heien ’nn he ziagent.

Eur stroll marc’heien adren he gein :
Dek zo, ha deg all, ha deg ouspenn !

Ma int o tigout gand ar c’hoad kesten :
Beac’h a vo, mestr paour, en em zifenn !

— Gwelet pet zo anezho rit-te,
Pa ho devo tanvet va dir-me.

Stok da gleze, floc’h, ouz va cʼhleze,
Ha deomp-ni arog enn ho bete. —